ಪುನೀತ್ ಹುಟ್ಟು, ಅಭಿಮಾನಿಗಳ ಹಬ್ಬ

ಪುನೀತ್ ರಾಜಕುಮಾರ್ 48ನೇ ವರ್ಷದ ಹುಟ್ಟು ಹಬ್ಬವನ್ನು ಅಭಿಮಾನಿಗಳು ಸಂಭ್ರಮದಿಂದ ಆಚರಿಸಿದರು. ಪುನೀತ್ ರಾಜಕುಮಾರ್ ಕುಟುಂಬದವರು ಬೆಳಗ್ಗೆ ಕಂಠೀರವ ಸ್ಟುಡಿಯೋಗೆ ತೆರಳಿ ಅಪ್ಪು ಸಮಾಧಿಗೆ ಪೂಜೆ ಸಲ್ಲಿಸಿದರು. ಗುರುವಾರ (ಮಾ. 16) ಮಧ್ಯರಾತ್ರಿಯಿಂದಲೇ ಸಾವಿರಾರು ಸಂಖ್ಯೆಯಲ್ಲಿ ಅಭಿಮಾನಿಗಳು ಕಂಠೀರವ ಸ್ಟುಡಿಯೋದಲ್ಲಿ ಜಮಾಯಿಸಿದ್ದರು.

ಈ ಬಾರಿ ಅಭಿಮಾನಿಗಳಿಗೆ ಪುನೀತ್ ಕುಟುಂಬದಿಂದ 10 ಸಾವಿರ ಗಿಡಗಳನ್ನು ನೀಡುವ ವ್ಯವಸ್ಥೆ ಮಾಡಲಾಗಿತ್ತು. ಜತೆಗೆ ಸಮಾಧಿ ದರ್ಶನಕ್ಕೆ ಆಗಮಿಸಿದ ಅಭಿಮಾನಿಗಳಿಗೆ ಊಟದ ವ್ಯವಸ್ಥೆಯನ್ನೂ ಮಾಡಲಾಗಿತ್ತು. ಬೆಳಗ್ಗೆಯಿಂದ ಸಂಜೆವರೆಗೆ ಸುಮಾರು ಸಾವಿರಾರು ಅಭಿಮಾನಿಗಳಿಗೆ ಕುಟುಂಬದವರು ಊಟದ ವ್ಯವಸ್ಥೆ ಮಾಡಿದ್ದರು. ಸಂಜೆ 6 ಗಂಟೆಗೆ ಸಂಗೀತ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಅಪು್ಪ ಸಮಾಧಿಗೆ ಪೂಜೆ ಸಲ್ಲಿಸಿದ ಬಳಿಕ ಮಾತನಾಡಿದ ರಾಘವೇಂದ್ರ ರಾಜಕುಮಾರ್, ‘ಅಪು್ಪ ನಮಗಿನ್ನೂ ಮಗುನೇ. ಇವತ್ತು ದೊಡ್ಡ ಸಂಖ್ಯೆಯಲ್ಲಿ ಬಂದಿರುವ ಅಭಿಮಾನಿಗಳು ಸಾಕ್ಷಿ, ಅವನಿನ್ನೂ ಬದುಕಿದ್ದಾನೆ ಅನ್ನೋದಕ್ಕೆ. ಜನ ಇನ್ನೂ ಅಪು್ಪನ ಜೀವಂತವಾಗಿಟ್ಟುಕೊಂಡಿದ್ದಾರೆ.’ ಎಂದರು.

ಇದನ್ನೂ ಓದಿ: ಲಾಟರಿಯಲ್ಲಿ 75 ಲಕ್ಷ ರೂ. ಗೆದ್ದ ಬಳಿಕ ಹೆದರಿ ಪೊಲೀಸ್ ಠಾಣೆಗೆ ಹೋದ ಕಾರ್ಮಿಕ!

ಗಮನ ಸೆಳೆದ ಅಪ್ಪು ಪ್ರತಿಮೆ!: ಪುನೀತ್ ರಾಜಕುಮಾರ್ ಸ್ಮಾರಕದ ಬಳಿ ಅಭಿಮಾನಿಗಳು ಅಪು್ಪ ಮೇಣದ ಪ್ರತಿಮೆ ಪ್ರತಿಷ್ಠಾಪಿಸಿದ್ದಾರೆ. ಪುನೀತ್ ರಾಜಕುಮಾರ್ ಕನ್ನಡದ ಕೋಟ್ಯಧಿಪತಿ ಕಾರ್ಯಕ್ರಮ ನಡೆಸಿಕೊಡುತ್ತಿದ್ದರು. ಅದೇ ಸೂಟ್ ಲುಕ್​ನಲ್ಲಿ ಸೋಫಾ ಮೇಲೆ ನಗುತ್ತಾ ಕುಳಿತಿರುವ ಲುಕ್​ನಲ್ಲಿ ಪ್ರತಿಮೆ ಮಾಡಲಾಗಿದ್ದು, ಈ ಬಾರಿ ರಾಜ್ಯದ ಮೂಲೆಮೂಲೆಗಳಿಂದ ಆಗಮಿಸಿದ ಅಭಿಮಾನಿಗಳಿಗೆ ಪ್ರಮುಖ ಆಕರ್ಷಣೆಯಾಗಿದೆ. ನಾಲ್ಕು ಅಡಿ ಉದ್ದ ಈ ಮೇಣದ ಪ್ರತಿಮೆಯನ್ನು ಸುಮಾರು ಒಂಬತ್ತು ಲಕ್ಷ ರೂ. ವೆಚ್ಚದಲ್ಲಿ ಅಭಿಮಾನಿಯೇ ನಿರ್ವಿುಸಿದ್ದಾರೆ.

ಶಿವಣ್ಣ ಪತ್ರ

ಪುನೀತ್ ನೆನಪಲ್ಲಿ ಶಿವರಾಜಕುಮಾರ್, ಸೋಷಿಯಲ್ ಮೀಡಿಯಾದಲ್ಲೊಂದು ಪತ್ರ ಬರೆದಿದ್ದಾರೆ.

https://www.vijayavani.net/man-marries-two-woman-and-leading-life-on-shift-as-3-days-per-week-with-each-wife/

https://www.vijayavani.net/fixed-deposit-of-rs-50000-for-giving-birth-to-third-child/