ಪ್ರಭಲ ಭೂಕಂಪ; ಹವಾಯಿ, ಅಲಸ್ಕಾ ಕರಾವಳಿ ಭಾಗಕ್ಕೂ ಅಪ್ಪಳಿಸಿದ ಸುನಾಮಿ; ಮುಂದುವರೆದ ಸ್ಥಳಾಂತರ ಕಾರ್ಯ| earthquake

earthquake;  ರಷ್ಯಾದ ಕಮ್ಚಟ್ಕಾ ಪರ್ಯಾಯ ದ್ವೀಪದಲ್ಲಿ ಇಂದು 8.8 ತೀವ್ರತೆಯ ಭೂಕಂಪ ಸಂಭವಿಸಿದ್ದು, ಇಡೀ ಜಗತ್ತನ್ನೇ ನಡುಗಿಸಿದೆ. ಸ್ಥಳೀಯ ಅಧಿಕಾರಿಗಳು ಮತ್ತು ಅಂತರರಾಷ್ಟ್ರೀಯ ಮೇಲ್ವಿಚಾರಣಾ ಸಂಸ್ಥೆಗಳ ಪ್ರಕಾರ, ಹಲವಾರು ಪ್ರದೇಶಗಳಲ್ಲಿ ಸುನಾಮಿ ಎಚ್ಚರಿಕೆ ಮುಂದುವರೆದಿದ್ದು, ಹಲವು ಜನರನ್ನು ಸ್ಥಳಾಂತರಿಸಲಾಗುತ್ತಿದೆ ಎಂದು ಹೇಳಲಾಗಿದೆ.

ಇದನ್ನೂ ಓದಿ: ರಬಾಲೆ ಸರೋವರಕ್ಕೆ ಹಾರಿ ಯುವಕ ಆತ್ಮಹತ್ಯೆ: ವೈರಲ್​ ಆದ ವಿಡಿಯೋ ಇಲ್ಲಿದೆ ನೋಡಿ | Navi Mumbai

ಪೆಸಿಫಿಕ್‌ನಾದ್ಯಂತದ ರಾಷ್ಟ್ರಗಳಿಗೆ ಸುನಾಮಿ ಎಚ್ಚರಿಕೆ ನೀಡಲಾದ ಬಳಿಕ, ಅಲೆಗಳು ಕ್ಯಾಲಿಫೋರ್ನಿಯಾ ತೀರಕ್ಕೆ ಅಪ್ಪಳಿಸಲು ಪ್ರಾರಂಭಿಸಿವೆ ಎಂದು ಸಿಎನ್‌ಎನ್ ವರದಿ ಮಾಡಿದೆ. ಭೂಕಂಪವು ರಷ್ಯಾದ ಕುರಿಲ್ ದ್ವೀಪಗಳು, ಜಪಾನ್‌ನ ದೊಡ್ಡ ಉತ್ತರ ದ್ವೀಪ ಹೊಕ್ಕೈಡೋ, ಅಮೆರಿಕದ ಅಲಸ್ಕಾ ಮತ್ತು ಹವಾಯಿಯ ಕರಾವಳಿ ಪ್ರದೇಶಗಳಲ್ಲಿ ಸುನಾಮಿಯನ್ನು ಉಂಟುಮಾಡಿದೆ. ಇಂಡೋನೇಷ್ಯಾ ಮತ್ತು ಫಿಲಿಪೈನ್ಸ್ ಕೂಡ ಸುನಾಮಿ ಎಚ್ಚರಿಕೆಗಳನ್ನು ನೀಡಿವೆ.

ಸುನಾಮಿಗೆ ಎಚ್ಚೆತ್ತ ಅಮೆರಿಕ

ಕರಾವಳಿಯುದ್ದಕ್ಕೂ ಜನರು ಓಡಾಡದಂತೆ ಅಮೆರಿಕ ರಾಷ್ಟ್ರೀಯ ಹವಾಮಾನ ಸೇವೆ ಎಚ್ಚರಿಕೆ ನೀಡಿದೆ. ಇದು ಒಂದೇ ಅಲೆಯಾಗಿರುವುದಿಲ್ಲ. ಫೋಟೋಗಳನ್ನು ತೆಗೆದುಕೊಳ್ಳಲು ಕರಾವಳಿಗೆ ಹೋಗಲು ಪ್ರಯತ್ನಿಸಬೇಡಿ ಎಂದು ಹೇಳಲಾಗಿದೆ. ತುರ್ತು ಸನ್ನದ್ಧತಾ ಸಂಸ್ಥೆಯ ಮುನ್ಸೂಚನೆಯ ಪ್ರಕಾರ, ಸ್ಥಳೀಯ ಸಮಯ ರಾತ್ರಿ 10:05 ರ ಸುಮಾರಿಗೆ ಲಂಗರಾ ದ್ವೀಪಕ್ಕೆ ಸುನಾಮಿ ಅಪ್ಪಳಿಸಿದ ನಂತರ, 30 ಸೆಂಟಿಮೀಟರ್‌ಗಳಿಗಿಂತ ಕಡಿಮೆ ಅಲೆಗಳು ಟೊಫಿನೊವನ್ನು ರಾತ್ರಿ 11:30 ರ ಸುಮಾರಿಗೆ ತಲುಪುವ ನಿರೀಕ್ಷೆಯಿದೆ. ಕಡಲತೀರಗಳು ಮತ್ತು ಸಾಗರದ ಸಮೀಪವಿರುವ ಇತರ ಪ್ರದೇಶಗಳನ್ನು ಸ್ಥಳಾಂತರಿಸುವುದನ್ನು ಪರಿಗಣಿಸಲು ಸ್ಥಳೀಯ ಸರ್ಕಾರಗಳಿಗೆ ಸೂಚಿಸಿದೆ.

ತುರ್ತು ಪರಿಸ್ಥಿತಿ ಘೋಷಣೆ

2011 ರ ಬಳಿಕ ಭಾರೀ ಪ್ರಮಾಣದ ಭೂಕಂಪ 8.7 ಮ್ಯಾಗ್ನಿಟ್ಯೂಡ್ ತೀವ್ರತೆಯಲ್ಲಿ ರಷ್ಯಾದ ಕರಾವಳಿ ತೀರದಲ್ಲಿ ಸಂಭವಿಸಿದೆ. ರಷ್ಯಾದ ಕಮ್ಚಟ್ಕಾ ಪೆನಿನ್ಸುಲಾದಲ್ಲಿರುವ ಪೆಟ್ರೋಪಾವ್ಲೋವ್ಸ್ಕ್‌ನಿಂದ ಸುಮಾರು 136 ಕಿಲೋಮೀಟರ್ ದೂರದಲ್ಲಿ ಸಂಭವಿಸಿದೆ. ಭೂಕಂಪದ ಆಳ 19 ಕಿಲೋಮೀಟರ್ ಎಂದು ಅಂದಾಜಿಸಲಾಗಿದೆ. ಇದರ ಪ್ರಭಾವದಿಂದ ಅಮೆರಿಕ ಹಾಗೂ ಜಪಾನ್‌ ಫೆಸಿಫಿಕ್ ಸಾಗರ ತೀರದಲ್ಲಿ ಭಾರೀ ಪ್ರಮಾಣದ ಸುನಾಮಿ ಅಲೆಗಳು ಬರುವ ಸಾಧ್ಯತೆಯಿದೆ ಎಂದು ಎಚ್ಚರಿಕೆ ನೀಡಲಾಗಿದೆ.

ಇದನ್ನೂ ಓದಿ: ಪಾಕಿಸ್ತಾನ ಭಯೋತ್ಪಾದನೆ ನಿಲ್ಲಿಸುವವರೆಗೆ ಸಿಂಧೂ ನದಿ ನೀರು ಒಪ್ಪಂದವನ್ನು ಸ್ಥಗಿತಗೊಳಿಸಲಾಗುವುದು; ಎಸ್ ಜೈಶಂಕರ್ | indus-water

(ಏಜೆನ್ಸೀಸ್)

ಕಮ್ಚಟ್ಕಾ ಪರ್ಯಾಯ ದ್ವೀಪದಲ್ಲಿ ಸಂಭವಿಸಿದ ಭೂಕಂಪ 1952 ರ ನಂತರದ ಅತ್ಯಂತ ಪ್ರಬಲವಾಗಿದೆ ಎಂದು ರಷ್ಯನ್ ಅಕಾಡೆಮಿ ಆಫ್ ಸೈನ್ಸಸ್‌ನ ಜಿಯೋಫಿಸಿಕಲ್ ಸರ್ವಿಸ್‌ನ ಕಮ್ಚಟ್ಕಾ ಶಾಖೆ ತಿಳಿಸಿದೆ. ಈ ಘಟನೆಯ ಪ್ರಮಾಣವನ್ನು ಗಮನಿಸಿದರೆ, ನಾವು ಬಲವಾದ ನಂತರದ ಆಘಾತಗಳನ್ನು ನಿರೀಕ್ಷಿಸಬಹುದು ಎಂದು ಸರ್ವಿಸ್ ಹೇಳಿಕೆಯಲ್ಲಿ ತಿಳಿಸಿದೆ.

ಅಮೆರಿಕದ ಹವಾಯಿ ರಾಜ್ಯದ ಹೊನೊಲುಲು ನಗರದಲ್ಲಿ ಮಂಗಳವಾರ ಸುನಾಮಿ ಎಚ್ಚರಿಕೆ ಸೈರನ್‌ಗಳು ಮೊಳಗಿದ್ದು, ಜನರನ್ನು ಎತ್ತರದ ಪ್ರದೇಶಗಳಿಗೆ ಸ್ಥಳಾಂತರ ಮಾಡಲಾಗಿದೆ. ಇತ್ತ ಜಪಾನ್‌ಗೆ ಸುನಾಮಿ ಅಪ್ಪಳಿಸಿದೆ. ದೇಶದ ಪ್ರಮುಖ ದ್ವೀಪಗಳ ಉತ್ತರದ ತುದಿಯಲ್ಲಿರುವ ಹೊಡೊದ ದಕ್ಷಿಣ ಕರಾವಳಿಯಲ್ಲಿರುವ ಟೊಕಾಚಿಯಲ್ಲಿ 40 ಸೆಂಟಿಮೀಟರ್ (1.3 ಅಡಿ) ಅಳತೆಯ ಸುನಾಮಿ ಪತ್ತೆಯಾಗಿದೆ ಎಂದು ಜಪಾನ್ ಹವಾಮಾನ ಸಂಸ್ಥೆ ತಿಳಿಸಿದೆ. ಕುರಿಲ್ ದ್ವೀಪಗಳು ಮತ್ತು ಕಮ್ಚಟ್ಕಾ ಪರ್ಯಾಯ ದ್ವೀಪದ ಪ್ರಮುಖ ನಗರವಾದ ಪೆಟ್ರೋಪಾವ್ಲೋವ್ಸ್ಕ್-ಕಮ್ಚಟ್ಸ್ಕಿ ತುರ್ತು ಪರಿಸ್ಥಿತಿ ಘೋಷಿಸಲಾಗಿದೆ.

https://www.vijayavani.net/applying-for-a-residence-certificate-for-a-dog-another-case-comes-to-light