ತೆಲುಗು ಚಿತ್ರಗಳಲ್ಲಿ ನಟಿಸ್ತಿಲ್ಲ ಪೂಜಾ ಹೆಗ್ಡೆ..ಅರ್ಧ ಡಜನ್ ಚಿತ್ರಗಳನ್ನು ಕೈಬಿಟ್ಟಿದ್ದರ ಹಿಂದಿದೆ ಆ ಒಂದು ಕಾರಣ?!

ಹೈದರಾಬಾದ್​: ನಟಿ ಪೂಜಾ ಹೆಗ್ಡೆ ಇತ್ತೀಚೆಗೆ ತೆಲುಗು ಚಿತ್ರಗಳಲ್ಲಿ ಹೆಚ್ಚು ನಟಿಸುತ್ತಿಲ್ಲ. ಆಕೆ ತೆಲುಗು ಚಿತ್ರ ಮಾಡಿ ಎರಡು ವರ್ಷ ಕಳೆದಿದೆ. ಪೂಜಾಗೆ ತೆಲುಗಿನಲ್ಲಿ ಚಿತ್ರಗಳು ಸಿಗುತ್ತಿಲ್ಲ ಹಾಗಾಗಿಯೇ ನಟಿಸುತ್ತಿಲ್ಲ ಎಂಬ ಮಾತುಗಳು ಸಿನಿಇಂಡಸ್ಟ್ರಿಯಲ್ಲಿ ಕೇಳಿ ಬರುತ್ತಿವೆ. ಆದರೆ ಆಕೆಗೆ ಸಿನಿಮಾಗಳು ಸಿಗುತ್ತಿಲ್ಲ ಎಂಬುದು ಸುಳ್ಳು. ಆಕೆಗೆ ಹಲವು ಅವಕಾಶಗಳು ಬಂದಿದ್ದು, ಪಾತ್ರಗಳು ಇಷ್ಟವಾಗದ ಕಾರಣ ಬಿಟ್ಟುಕೊಟ್ಟಿದ್ದಾಳೆ ಎಂದು ಆಕೆಯ ಆಪ್ತರು ಹೇಳುತ್ತಿದ್ದಾರೆ.

ಇದನ್ನೂ ಓದಿ: ರಾಧಿಕಾ ಮರ್ಚೆಂಟ್​ರನ್ನೇ ಆರಿಸಿಕೊಂಡಿದ್ದೇಕೆ? ಬಾಳ ಸಂಗಾತಿ ಬಗ್ಗೆ ನಿಜವಾದ ಕಾರಣ ಬಿಚ್ಚಿಟ್ಟ ಅನಂತ್ ಅಂಬಾನಿ! 

ಚಿರಂಜೀವಿ ಅಭಿನಯದ 'ಆಚಾರ್ಯ' ಪೂಜಾ ಹೆಗ್ಡೆಯ ಕೊನೆಯ ಚಿತ್ರ. ಇದು ಬಾಕ್ಸ್ ಆಫೀಸ್‌ನಲ್ಲಿ ಪ್ರಭಾವ ಬೀರಲು ವಿಫಲವಾಯಿತು. ಇದಕ್ಕೂ ಹಿಂದೆ ಆಕೆಯ 'ಅಲ ವೈಕುಂಠಪುರಂಲೋ' ಚಿತ್ರ ಹಿಟ್ ಆಗಿತ್ತು. ಅದರ ನಂತರ ಆಕೆಯ ಚಿತ್ರಗಳು ಅಷ್ಟೊಂದು ಪ್ರಭಾವ ಬೀರಲು ಸಾಧ್ಯವಾಗಲಿಲ್ಲ. ಆದರೆ ಪೂಜಾ ಹೆಗ್ಡೆಗೆ ಹಲವು ಸಿನಿಮಾ ಅವಕಾಶಗಳು ಬಂದರೂ ತಮ್ಮ ಪಾತ್ರ ಚೆನ್ನಾಗಿದ್ದರೆ ಮಾತ್ರ ಸಿನಿಮಾ ಮಾಡುವ ಇಚ್ಛೆ ವ್ಯಕ್ತಪಡಿಸಿದ್ದಾರೆ ಎಂದು ಗೊತ್ತಾಗಿದೆ.

ಕಳೆದ ವಾರ ತೆರೆಕಂಡ ರವಿತೇಜ ಅಭಿನಯದ ‘ಹದ್ದು’ ಸಿನಿಮಾದಲ್ಲಿ ನಟಿಸಲು ಕರೆ ಬಂದಿದ್ದರೂ ಆಕೆ ಒಪ್ಪಿಕೊಳ್ಳಲಿಲ್ಲ. ಅದಕ್ಕೂ ಮೊದಲು 'ಗುಂಟೂರ್ ಕಾರಂ ನಲ್ಲಿ ಕೂಡ ಮಾಡಬೇಕಿತ್ತು, ಆದರೆ ಚಿತ್ರ ಸಾಕಷ್ಟು ವಿಳಂಬವಾಗುತ್ತಿದ್ದಂತೆ, ಅವರು ಚಿತ್ರದಿಂದ ಹೊರಗುಳಿದರು. ಇದೀಗ ಸಂಪತ್ ನಂದಿ ಹಾಗೂ ಸಾಯಿಧರಮ್ ತೇಜ್ ಕಾಂಬಿನೇಷನ್ ನಲ್ಲಿ ಬರುತ್ತಿರುವ ಸಿನಿಮಾದಲ್ಲಿ ಪೂಜಾ ಹೆಗ್ಡೆ ಹೆಸರು ಅನೌನ್ಸ್ ಆಗಿದೆ. ನೀರಜಾ ಕೋನ ನಿರ್ದೇಶನದ ಸಿದ್ದು ಜೊನ್ನಲಗಡ್ಡ ಚಿತ್ರದಲ್ಲಿ ಈ ಹಿಂದೆ ಪೂಜಾ ಹೆಸರು ಕೇಳಿ ಬಂದಿತ್ತು. ಮತ್ತೊಂದು ಚಿತ್ರ ವೆಂಕಿ ಅಟ್ಲೂರಿ ಮತ್ತು ದುಲ್ಕರ್ ಸಲ್ಮಾನ್ ಕಾಂಬಿನೇಷನ್ ನಲ್ಲಿ ಮೂಡಿಬರುತ್ತಿರುವ ಚಿತ್ರಗಳ ಹೊರತಾಗಿ ಇನ್ನೂ ಎರಡು ಚಿತ್ರಗಳನ್ನು ಪೂಜಾ ಕೈ ಬಿಟ್ಟಿದ್ದಾರೆ ಎನ್ನಲಾಗುತ್ತಿದೆ.

ಇನ್ನು ಪಾತ್ರ ಚೆನ್ನಾಗಿರುವ ಚಿತ್ರದಲ್ಲಿ ನಟಿಸಲು ಪೂಜಾ ನಿರ್ಧರಿಸಿದ್ದಾರೆ ಎಂದು ತಿಳಿದುಬಂದಿದೆ. ಅದರಲ್ಲೂ ಆಕೆಗೆ ಒಳ್ಳೆಯ ತೆಲುಗು ಸಿನಿಮಾ ಬರಬೇಕು ಎಂಬ ಹೆಬ್ಬಯಕೆ ಇದೆಯೆಂದು ಅವರ ಆಪ್ತರು. ಹೇಳುತ್ತಿದ್ದಾರೆ. ಹಲವು ಚಿತ್ರಗಳಿಗೆ ಆಕೆಯನ್ನು ಸಂಪರ್ಕಿಸಲಾಗುತ್ತಿದ್ದು, ಅದರಲ್ಲಿನ ಪಾತ್ರ ಇಷ್ಟವಾಗದ ಕಾರಣ ಆಕೆ ಸಿನಿಮಾ ಮಾಡುತ್ತಿಲ್ಲ ಎಂದು ತಿಳಿದುಬಂದಿದೆ. ರವಿತೇಜ ಅವರ ಮುಂಬರುವ ಚಿತ್ರಕ್ಕಾಗಿ ಪೂಜಾ ಹೆಗ್ಡೆ ಅವರನ್ನು ಸಂಪರ್ಕಿಸಲಾಗಿದೆ ಎಂದು ತಿಳಿದುಬಂದಿದೆ. ಅರ್ಧ ಡಜನ್ ಗೂ ಹೆಚ್ಚು ಚಿತ್ರಗಳು ಕೈಬಿಟ್ಟಿರುವುದು ಗೊತ್ತೇ ಇದೆ.

https://www.vijayavani.net/ap-minister-ambat-rambaru-making-tea-at-sattenapalle