ಆ ಯುವ ರಾಜಕಾರಣಿ ನನ್ನ ಹೊಟೇಲ್ ರೂಮ್​​ಗೆ ಕರೆದಿದ್ದ... ಗಂಭೀರ ಆರೋಪ ಮಾಡಿದ ಖ್ಯಾತ ನಟಿ | Actress

Actress: ಕೇರಳ ರಾಜ್ಯದ ಪ್ರಮುಖ ರಾಜಕೀಯ ಪಕ್ಷದ ಯುವ ನಾಯಕಯೊಬ್ಬರು ಹಲವು ಬಾರಿ ಆಕ್ಷೇಪಾರ್ಹ ಸಂದೇಶಗಳನ್ನು ಕಳುಹಿಸಿದ್ದಾರೆ ಎಂದು ಮಲಯಾಳಂ ನಟಿ ಮತ್ತು ಮಾಜಿ ಪತ್ರಕರ್ತೆ ರಿನಿ ಆನ್ ಜಾರ್ಜ್ ಆರೋಪಿಸಿದ್ದಾರೆ.

ಆ ನಾಯಕ ತನ್ನನ್ನು ಹೋಟೆಲ್‌ಗೆ ಆಹ್ವಾನಿಸಿದ್ದಾನೆ ಎಂದು ಆಕೆ ಗಂಭೀರ ಆರೋಪ ಮಾಡಿದ್ದಾಳೆ. ಈ ಬಗ್ಗೆ ನಿಮ್ಮ ಪಕ್ಷಕ್ಕೆ ತಿಳಿಸುವುದಾಗಿ ಹೇಳಿದಾಗ, ಅವನು ಮುಂದುವರಿಯುವಂತೆ ಸವಾಲು ಹಾಕಿದ್ದಾನೆ ಎಂದು ನಟಿ ರಿನಿ, ಪಕ್ಷದ ಹೆಸರು ಅಥವಾ ಭಾಗಿಯಾಗಿರುವ ರಾಜಕಾರಣಿಯ ಹೆಸರನ್ನು ಬಹಿರಂಗಪಡಿಸದೇ ಆರೋಪಿಸಿದ್ದಾಳೆ.

ಇದನ್ನೂ ಓದಿ:ತನ್ನ ಗೆಳೆಯನನ್ನು 11 ಲಕ್ಷ ರೂ.ಗೆ ಮಾರಿದ ಗರ್ಲ್​ಫ್ರೆಂಡ್! ಹುಡುಗರೇ, ಹುಷಾರ್​​… girl sell boyfriend

ಘಟನೆಗಳ ಬಗ್ಗೆ ಪಕ್ಷದ ನಾಯಕತ್ವಕ್ಕೆ ತಿಳಿಸಲಾಗಿದೆ. ಹಲವಾರು ರಾಜಕಾರಣಿಗಳ ಪತ್ನಿಯರು ಮತ್ತು ಹೆಣ್ಣುಮಕ್ಕಳು ತಮ್ಮೊಂದಿಗೆ ಇದೇ ರೀತಿಯ ಅನುಭವಗಳನ್ನು ಎದುರಿಸಿದ್ದಾರೆ ಎಂದು ರಿನಿ ಹೇಳಿದ್ದಾರೆ.

ಎಲ್ಲರ ಪರವಾಗಿ ಧ್ವನಿ

"ಇತ್ತೀಚೆಗೆ ಸಾಮಾಜಿಕ ಮಾಧ್ಯಮದಲ್ಲಿ ಅನೇಕ ಮಹಿಳೆಯರು ಇದೇ ರೀತಿಯ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ ಎಂದು ನಾನು ನೋಡಿದೆ. ಈ ಮಹಿಳೆಯರಲ್ಲಿ ಯಾರೂ ಅದರ ಬಗ್ಗೆ ಒಂದು ಮಾತನ್ನೂ ಮಾತನಾಡುತ್ತಿಲ್ಲ. ಹಾಗಾಗಿ ನಾನು ಎಲ್ಲರ ಪರವಾಗಿ ಮಾತನಾಡಲು ಯೋಚಿಸಿದೆ" ಎಂದು ರಿನಿ ಆನ್​ ಜಾರ್ಜ್​ ಹೇಳಿದರು.

ಬಿಜೆಪಿ ಪ್ರತಿಭಟನೆ

ರಿನಿ ಆ ರಾಜಕಾರಣಿಯ ಹೆಸರನ್ನು ಹೇಳದಿದ್ದರೂ, ಪಾಲಕ್ಕಾಡ್‌ನ ಕಾಂಗ್ರೆಸ್ ಶಾಸಕ ರಾಹುಲ್ ಮಮ್‌ಕೂಟತಿಲ್ ಎಂದು ಬಿಜೆಪಿ ಬೆರಳು ತೋರಿಸಿದೆ. ಅವರ ಕಚೇರಿ ಎದುರು ಪ್ರತಿಭಟನೆ ಮಾಡಿದ ಬಿಜೆಪಿ ಅವರ ರಾಜೀನಾಮೆಗೆ ಒತ್ತಾಯಿಸಿದೆ. ರಾಹುಲ್ ಮಮ್‌ಕೂಟತಿಲ್ ಯುವ ಕಾಂಗ್ರೆಸ್ ರಾಜ್ಯ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸುತ್ತಿದ್ದಾರೆ.

ಇದನ್ನೂ ಓದಿ:ಉಪರಾಷ್ಟ್ರಪತಿ ಚುನಾವಣೆ; ಇಂಡಿಯಾ ಬ್ಲಾಕ್‌ನ ಅಭ್ಯರ್ಥಿ ಬಿ.ಸುದರ್ಶನ್ ರೆಡ್ಡಿಯಿಂದ ನಾಮಪತ್ರ ಸಲ್ಲಿಕೆ| vice president

ಬರಹಗಾರ್ತಿ ಹನಿ ಭಾಸ್ಕರನ್ ಕೂಡ ರಾಹುಲ್ ಮಮ್ಕೂಟತಿಲ್ ವಿರುದ್ಧ ಆರೋಪಗಳನ್ನು ಹೊರಿಸಿದ್ದಾರೆ. ಫೇಸ್‌ಬುಕ್ ಪೋಸ್ಟ್‌ನಲ್ಲಿ ಹಂಚಿಕೊಂಡಿರುವ ಹನಿ, ಶಾಸಕರು ಸಾಮಾಜಿಕ ಮಾಧ್ಯಮದಲ್ಲಿ ತನಗೆ ಪದೇ ಪದೇ ಸಂದೇಶಗಳನ್ನು ಕಳುಹಿಸಿದ್ದಾರೆ ಎಂದು ಆರೋಪಿಸಿದ್ದಾರೆ.(ಏಜೆನ್ಸೀಸ್​)

https://www.vijayavani.net/all-bisexual-swara-bhaskar-says-mp-dimple-yadav-is-her-crush