ಸೋಮವಾರ ಬೆಂಗ ಳೂರಿನ ತಮ್ಮ ನಿವಾಸದಲ್ಲಿ ಸುದ್ದಿಗಾರರ ಜತೆ ಅವರು ಮಾತನಾಡಿದರು. ಸಿಟಿ ರವಿ ಅವರ ಮೇಲೆ ಹಲ್ಲೆಗೆ ಯತ್ನಿಸಿದವರ ಮೇಲೆ ಕ್ರಮ ಕೈಗೊಳ್ಳಲು ಬೆಳಗಾವಿ ಪೊಲೀಸ್ ಆಯುಕ್ತರಿಗೆ ಸೂಚನೆ ನೀಡಿದ್ದೇನೆ. ಪೊಲೀಸರು ಪರಿಷತ್ ಸಭಾಂಗಣ ಮಹಜರು ಮಾಡುವುದಾಗಿ ನನ್ನ ಅನುಮತಿ ಕೇಳಿದ್ದರು. ಆದರೆ ಸದನದೊಳಗೆ ಪೊಲೀಸರು ಹಸ್ತಕ್ಷೇಪ ಮಾಡಬಾರದೆಂಬ ಕಾರಣಕ್ಕೆ ನಾನು ಅನುಮತಿ ಕೊಟ್ಟಿಲ್ಲ. ಈ ವಿಚಾರದಲ್ಲಿ ಪೊಲೀಸರಿಗೆ ಅಧಿಕಾರವೂ ಇಲ್ಲ, ಹಕ್ಕೂ ಇಲ್ಲ. ಎಫ್ಐಆರ್ ಆಗಿದೆ, ಆದರೆ ಪೊಲೀಸರು ಸದನದೊಳಗೆ ಬಂದಿಲ್ಲ. ನಾವು ನಮ್ಮದೇ ಮೂಲಗಳ ಪ್ರಕಾರ ಚರ್ಚೆ ಮಾಡುತ್ತೇವೆ ಎಂದರು. ಸದನ ಮುಂದೂಡಿದ ನಂತರ ಸಭಾಂಗಣದಲ್ಲಿ ನಡೆದ ಘಟನೆ ಬಗ್ಗೆ ವಿವರವಾಗಿ ಚರ್ಚೆ ಮಾಡಲಾಗಿದೆ. ಸದನವನ್ನು ಅನಿರ್ದಿಷ್ಟಾವಧಿಗೆ ಮುಂದೂಡಿದ ಬಳಿಕ ಸದಸ್ಯ ಸಿ.ಟಿ. ರವಿ ಬಂಧನ ಆಗಿತ್ತು. ನನಗೆ ಎರಡೂ ಕಡೆಯಿಂದಲೂ ದೂರು ಬಂದಿಲ್ಲ ಎಂದು ಹೊರಟ್ಟಿ ಹೇಳಿದರು.
