ಶಾಂತಿ ಪ್ರತಿಮೆ ಅನಾವರಣಗೊಳಿಸಿದ ಪ್ರಧಾನಿ ಮೋದಿ

ಜೈಪುರ: ರಾಜಸ್ಥಾನದ ಪಾಲಿಯಲ್ಲಿ ನಿರ್ಮಾಣವಾಗಿರುವ ಶಾಂತಿ ಪ್ರತಿಮೆಯನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಸೋಮವಾರ ವಿಡಿಯೋ ಕಾನ್ಫರೆನ್ಸ್​ ಮೂಲಕ ಅನಾವರಣಗೊಳಿಸಿದರು.

ಜೈನಾಚಾರ್ಯ ಶ್ರೀ ವಿಜಯ್​ ವಲ್ಲಭ್​ ಸುರಿಶ್ವರ್​ ಜಿ ಮಹಾರಾಜ್​ ಅವರ 151ನೇ ಜಯಂತಿ ಹಿನ್ನೆಲೆಯಲ್ಲಿ ಶಾಂತಿ ಪ್ರತಿಮೆಯನ್ನು ಪ್ರಧಾನಿ ಮೋದಿ ಉದ್ಘಾಟಿಸಿದರು. ಇದೇ ವೇಳೆ ಮಾತನಾಡಿದ ಅವರು ಸರ್ದಾರ್​ ವಲ್ಲಭಭಾಯ್​ ಪಟೇಲ್​ ಮತ್ತು ವಿಜಯ್​ ವಲ್ಲಭ್​ ಸುರಿಶ್ವರ್​ ಜಿ ಮಹಾರಾಜ್​ ದೇಶ ಸೇವೆಗೆ ತಮ್ಮ ಜೀವನ ಅರ್ಪಿಸಿದವರು. ಇಂತಹ ಮಹಾನ್​ ವ್ಯಕ್ತಿಗಳ (ಏಕತಾ ಪ್ರತಿಮೆ ಮತ್ತು ಶಾಂತಿ ಪ್ರತಿಮೆ) ಪ್ರತಿಮೆ ಅನಾವರಣಗೊಳಿಸುವ ಅವಕಾಶ ಸಿಕ್ಕಿದ್ದು, ನನ್ನ ಅದೃಷ್ಟ ಎಂದು ಹೇಳಿದರು.

ಇದನ್ನೂ ಓದಿ: VIDEO| ಪೂಜೆ ಮಾಡುತ್ತಿರುವಾಗಲೇ ಪ್ರಾಣ ಬಿಟ್ಟ ಕಾಂಗ್ರೆಸ್ ಮಾಜಿ ​ಶಾಸಕ: ಸಿಸಿಟಿವಿಯಲ್ಲಿ ದೃಶ್ಯ ಸೆರೆ!

151 ಇಂಚು ಎತ್ತರದ ಪ್ರತಿಮೆಯನ್ನು ಅಷ್ಟಧಾತು (8 ಲೋಹ)ವಿನಿಂದ ತಯಾರಿಸಲಾಗಿದ್ದು, ತಾಮ್ರ ಪ್ರಮುಖ ಘಟಕವಾಗಿದೆ. ರಾಜಸ್ಥಾನದ ಪಾಲಿಯಲ್ಲಿರುವ ಜೆಟ್‌ಪುರದ ವಿಜಯ್ ವಲ್ಲಭ ಸಾಧನಾ ಕೇಂದ್ರದಲ್ಲಿ ಸ್ಥಾಪಿಸಲಾಗಿದೆ.

ಶ್ರೀ ವಿಜಯ್ ವಲ್ಲಭ ಸುರಿಶ್ವರ್ ಜಿ ಮಹಾರಾಜ್ (1870-1954) ಜೈನ ಸಂತನಾಗಿ ಕಠಿಣ ಜೀವನವನ್ನು ನಡೆಸಿದ್ದು, ಜೈನರ ಐಕಾನ್​ ಎಂದೇ ಖ್ಯಾತಿಯಾಗಿದ್ದಾರೆ. ಜನಸಾಮಾನ್ಯರ ಕಲ್ಯಾಣ, ಶಿಕ್ಷಣ ಹರಡುವಿಕೆ, ಸಾಮಾಜಿಕ ದುಷ್ಟರ ನಿರ್ಮೂಲನೆಗಾಗಿ ಪಟ್ಟುಹಿಡಿದು ಕೆಲಸ ಮಾಡಿದ್ದಾರೆ. (ಏಜೆನ್ಸೀಸ್​)