DIY Skincare: ಮುಖದ ಕಪ್ಪು ಕಲೆ, ಪಿಗ್ಮೆಂಟೇಶನ್ ಕಡಿಮೆ ಮಾಡಿಕೊಳ್ಳಲು ಹಲವರು ಮನೆಯಲ್ಲೇ ಸ್ಕ್ರಬ್, ಪೀಲ್-ಆಫ್ ಮಾಸ್ಕ್ ಸೇರಿದಂತೆ ಹಲವು ಡಿಐವೈ(DIY) ವಿಧಾನಗಳನ್ನು ಟ್ರೈ ಮಾಡ್ತಾರೆ. ಆದರೆ ಇದು ಎಲ್ಲರ ಚರ್ಮಕ್ಕೂ ಸೂಟ್ ಆಗಲ್ಲ. ತಪ್ಪಾದ ಉತ್ಪನ್ನ ಅಥವಾ ಅತಿಯಾದ ಬಳಕೆಯಿಂದ ಚರ್ಮದ ನೈಸರ್ಗಿಕ ರಕ್ಷಣಾ ಪದರಕ್ಕೆ ಹಾನಿಯಾಗಬಹುದು.
ಸ್ಕಿನ್ ಬ್ಯಾರಿಯರ್ ಹಾಳಾದ್ರೆ ಏನಾಗುತ್ತೆ?
ಚರ್ಮದ ಮೇಲಿನ ಸ್ಕಿನ್ ಬ್ಯಾರಿಯರ್ ತೇವಾಂಶ ಕಾಪಾಡುವುದರ ಜೊತೆಗೆ ಹೊರಗಿನ ಕಿರಿಕಿರಿಯಿಂದ ಚರ್ಮವನ್ನು ರಕ್ಷಿಸುತ್ತದೆ. ಕಠಿಣ ಸ್ಕ್ರಬ್ ಅಥವಾ ಪದೇಪದೇ ಪೀಲ್-ಆಫ್ ಮಾಸ್ಕ್ ಬಳಸಿದರೆ ಒಣತನ, ಕೆಂಪಾಗುವಿಕೆ, ಉರಿ ಮತ್ತು ಸೂಕ್ಷ್ಮತೆ ಹೆಚ್ಚಾಗಬಹುದು.
ಪಿಗ್ಮೆಂಟೇಶನ್ ಯಾಕೆ ಆಗುತ್ತೆ?
ಚರ್ಮದಲ್ಲಿ ಮೆಲನಿನ್ ಹೆಚ್ಚಾದಾಗ ಕೆಲವು ಭಾಗಗಳು ಕಪ್ಪು ಅಥವಾ ಕಂದು ಬಣ್ಣಕ್ಕೆ ತಿರುಗುತ್ತವೆ. ಇದನ್ನೇ ಹೈಪರ್ಪಿಗ್ಮೆಂಟೇಶನ್ ಅಂತ ಕರೀತಾರೆ. ಚರ್ಮಕ್ಕೆ ಉರಿಯೂತ ಅಥವಾ ಸಣ್ಣ ಗಾಯವಾದ ಬಳಿಕವೂ ಕಪ್ಪು ಕಲೆಗಳು ಕಾಣಿಸಿಕೊಳ್ಳಬಹುದು.
