ಹುಬ್ಬಳ್ಳಿ - ಮುಂಬೈ ವಿಮಾನ ಸಂಚಾರ ಪುನರಾರಂಭ

ನವದೆಹಲಿ: ಹುಬ್ಬಳ್ಳಿ ಮತ್ತು ಮುಂಬೈ ನಡುವಿನ ತನ್ನ ವಿಮಾನ ಸೇವೆಯನ್ನು ಫೆಬ್ರವರಿ 16 ರಿಂದ ಪುನರಾರಂಭಿಸಲು ಏರ್ ಇಂಡಿಯಾ ನಿರ್ಧರಿಸಿದೆ. ವಾರದಲ್ಲಿ ಮೂರು ದಿನ ಏರ್​ಬಸ್​ಗಳು ಸಂಚರಿಸಲಿವೆ - ಮಂಗಳವಾರ, ಶುಕ್ರವಾರ ಮತ್ತು ಶನಿವಾರ. ಕೋವಿಡ್ ಪ್ರಯುಕ್ತ ಸುಮಾರು 10 ತಿಂಗಳಿಂದ ಈ ಸೇವೆ ಸ್ಥಗಿತಗೊಂಡಿತ್ತು.

ಕೇಂದ್ರದ ಸಂಸದೀಯ​ ವ್ಯವಹಾರ ಮತ್ತು ಕೋಲ್ಸ್​ ಅಂಡ್ ಮೈನ್ಸ್ ಸಚಿವರಾದ ಪ್ರಹ್ಲಾದ್ ಜೋಶಿ ಈ ಮಾಹಿತಿಯನ್ನು ಟ್ವಿಟರ್ ಮೂಲಕ ಶೇರ್ ಮಾಡಿದ್ದಾರೆ.

ಹುಬ್ಬಳ್ಳಿ ಮತ್ತು ಮುಂಬೈ ನಗರಗಳ ನಡುವಿನ ವಿಮಾನ ಸೇವೆಯನ್ನು 2020 ರ ಜನವರಿ 20 ರಂದು ಆರಂಭಿಸಲಾಗಿತ್ತು. ಆದರೆ ಎರಡೇ ತಿಂಗಳ ನಂತರ ಮುಂಬೈನಲ್ಲಿ ಕರೊನಾ ಹೆಚ್ಚಾಗಿ ಹರಡುತ್ತಿದ್ದ ಹಿನ್ನೆಲೆಯಲ್ಲಿ ಈ ಸೇವೆಯನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿತ್ತು.(ಏಜೆನ್ಸೀಸ್)

https://www.vijayavani.net/18-indians-stuck-in-china-returning/

https://www.vijayavani.net/priyanka-chopras-memoir-talks-of-her-changed-nose/