ರಷ್ಯಾ ಕರೊನಾ ಲಸಿಕೆಯನ್ನು ಬಹಿರಂಗವಾಗಿ ತೆಗೆದುಕೊಳ್ತೇನೆ; ಪುಟಿನ್​ ಕಾರ್ಯಕ್ಕೆ ಫಿಲಿಪ್ಪೈನ್ಸ್​ ಅಧ್ಯಕ್ಷರ ಮೆಚ್ಚುಗೆ

ಮನಿಲಾ: ರಷ್ಯಾ ಸಂಶೋಧಿಸಿರುವ ಲಸಿಕೆ ಬಗ್ಗೆ ಬಗ್ಗೆ ಮೆಚ್ಚುಗೆ ಹಲವು ಅಪಸ್ವರಗಳು ಕೇಳಿ ಬಂದಿವೆ. ಇನ್ನೊಂದೆಡೆ, ಹಲವು ದೇಶಗಳಿಂದ ಬೇಡಿಕೆಯೂ ಬಂದಿದೆ ಎಂದು ರಷ್ಯಾ ತಿಳಿಸಿದೆ.

ಈ ನಡುವೆ, ರಷ್ಯಾ ಅಭಿವೃದ್ಧಿಪಡಿಸಿರುವ ಲಸಿಕೆಯನ್ನು ಸಾರ್ವತ್ರಿಕವಾಗಿ ತೆಗೆದುಕೊಂಡು ಪ್ರಯೋಗಾರ್ಥಿಯಾಗಿ ಭಾಗಿಯಾಗುವುದಾಗಿ ಫಿಲಿಪ್ಪೈನ್ಸ್​ ಅಧ್ಯಕ್ಷರ ರಾಡ್ರಿಗೋ ಡ್ಯುಟರ್ಟಿ ಹೇಳಿದ್ದಾರೆ.

ಇದನ್ನೂ ಓದಿ; ಭಾರತದಲ್ಲಿ ಉತ್ಪಾದನೆಯಾಗುತ್ತಾ ರಷ್ಯಾ ಲಸಿಕೆ? ಬಳಕೆಗೆ ಇನ್ನೆಷ್ಟು ದಿನ ಬೇಕು? 

ಕರೊನಾ ನಿಗ್ರಹಕ್ಕಾಗಿ ರಷ್ಯಾ ನಡೆಸಿರುವ ಸಂಶೋಧನೆಯಲ್ಲಿ ಅತೀವ ವಿಶ್ವಾಸ ಹೊಂದಿರುವುದಾಗಿ ಪುಟಿನ್​ಗೆ ಹೇಳುತ್ತೇನೆ. ನೀವು ತಯಾರಿಸಿರುವ ಲಸಿಕೆ ಮಾನವಕುಲಕ್ಕೆ ಭಾರಿ ಪ್ರಯೋಜನಕಾರಿಯಾಗಲಿದೆ ಎಂದು ಸಂದರ್ಶನವೊಂದರಲ್ಲಿ ರಾಡ್ರಿಗೋ ತಿಳಿಸಿದ್ದಾರೆ.

ರಷ್ಯಾ ಉತ್ಪಾದಿಸಿರುವ ಲಸಿಕೆಯ ಕ್ಲಿನಿಕಲ್​ ಟ್ರಯಲ್​ಗೆ ಸಿದ್ಧವಿರುವುದಾಗಿ ಫಿಲಿಪ್ಪೈನ್ಸ್​ ಘೋಷಿಸಿದೆ. ಇದಲ್ಲದೇ, ಉತ್ಪಾದನೆಗೂ ಮಾಸ್ಕೋ ಜತೆ ಸಹಕರಿಸುವುದಾಗಿ ತಿಳಿಸಿದೆ.

ಫಿಲಿಪ್ಪೈನ್ಸ್​ಗೆ ಲಸಿಕೆಯನ್ನು ನೀಡುವುದಾಗಿ ತಿಳಿಸಿರುವ ರಷ್ಯಾದ ಕ್ರಮವ್ಮು ಅಧ್ಯಕ್ಷ ರಾಡ್ರಿಗೋ ಸ್ವಾಗತಿಸಿದ್ದಾರೆ. ಇದು ಉಚಿತವಾಗಿ ನೀಡಲಾಗುತ್ತದೆ ಎಂಬ ನಿರೀಕ್ಷೆ ಹೊಂದಲಾಗಿದೆ.

ಇದನ್ನೂ ಓದಿ; ರಷ್ಯಾ ಕರೊನಾ ಲಸಿಕೆಗೆ 20 ದೇಶಗಳಿಂದ ಮುಂಗಡ ಬುಕಿಂಗ್​; 100 ಕೋಟಿ ಡೋಸ್​ಗಳಿಗೆ ಬಂದಿದೆ ಬೇಡಿಕೆ 

ಲಸಿಕೆ ಬಂದಾಗ ಅದನ್ನು ಸ್ವೀಕರಿಸಲು ಇಲ್ಲಿ ಪ್ರಯೋಗಾರ್ಥಿಗಳು ಇರಲಿದ್ದಾರೆ. ನಾನೇ ಮೊದಲಿಗನಾಗಿ, ಸಾರ್ವಜನಿಕರೆದುರು ಬಹಿರಂಗವಾಗಿ ಲಸಿಕೆ ತೆಗೆದುಕೊಳ್ಳುತ್ತೇನೆ ರಾಡ್ರಿಗೋ ಹೇಳಿದ್ದಾರೆ. ಲಸಿಕೆ ಪೂರೈಕೆ ಹಾಗೂ ಕ್ಲಿನಿಕಲ್​ ಟ್ರಯಲ್​ ಬಗ್ಗೆ ಪುಟಿನ್​ ಜತೆಗೆ ರಾಡ್ರಿಗೋ ಮಾತುಕತೆ ನಡೆಸಲಿದ್ದಾರೆ.

https://www.vijayavani.net/centre-mulls-online-education-system/