ಶಾಪಿಂಗ್ ಮಾಲ್ ಛಾವಣಿ ಕುಸಿದು 6 ಮಂದಿ ಸಾವು, 78 ಜನರಿಗೆ ಗಾಯ..shopping mall roof collapse

ಲಿಮಾ: (shopping mall roof collapse) ಪೆರುವಿನ ಶಾಪಿಂಗ್ ಮಾಲ್ ಒಂದರ ಫುಡ್ ಕೋರ್ಟ್ ನ ಮೇಲ್ಛಾವಣಿ ಕುಸಿದು ಆರು ಜನರು ಸಾವನ್ನಪ್ಪಿದ್ದು, ಕನಿಷ್ಠ 78 ಜನರು ಗಾಯಗೊಂಡಿದ್ದಾರೆ. ಘಟನಾ ಸ್ಥಳದಲ್ಲಿ ರಕ್ಷಣಾ ಕಾರ್ಯ ನಡೆಯುತ್ತಿದೆ.

ಫುಡ್ ಕೋರ್ಟ್ ಎಂದರೆ ಮಾಲ್‌ನಲ್ಲಿರುವ ವಿವಿಧ ರೆಸ್ಟೋರೆಂಟ್‌ಗಳು ಮತ್ತು ತಿನಿಸುಗಳು ಇರುವ ಸ್ಥಳ. ಕುಸಿದ ಛಾವಣಿಯ ವಿಸ್ತೀರ್ಣ 700 ರಿಂದ 800 ಚದರ ಮೀಟರ್ ಆಗಿತ್ತು.

ಅಗ್ನಿಶಾಮಕ ದಳದವರು ನೀಡಿದ ಮಾಹಿತಿಯ ಪ್ರಕಾರ, ಟ್ರುಜಿಲ್ಲೊ ನಗರದಲ್ಲಿರುವ 'ರಿಯಲ್ ಪ್ಲಾಜಾ ಟ್ರುಜಿಲ್ಲೊ' ಶಾಪಿಂಗ್ ಮಾಲ್‌ನಲ್ಲಿ ನೆರೆದಿದ್ದ ಜನರ ಮೇಲೆ ಭಾರವಾದ ಕಬ್ಬಿಣದ ಛಾವಣಿ ಬಿದ್ದು ಈ ಅಪಘಾತ ಸಂಭವಿಸಿದೆ. ಕಟ್ಟಡ ಕುಸಿದು ಬಿದ್ದ ನಂತರ ಐದು ಜನರು ಸ್ಥಳದಲ್ಲೇ ಸಾವನ್ನಪ್ಪಿದರು ಮತ್ತು ಇನ್ನೊಬ್ಬ ವ್ಯಕ್ತಿ ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದರು . ಗಾಯಾಳುಗಳಲ್ಲಿ 30 ಮಂದಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ ಮತ್ತು 48 ಮಂದಿಯನ್ನು ಇನ್ನೂ ಆಸ್ಪತ್ರೆಗೆ ದಾಖಲಿಸಲಾಗಿದೆ, ಅವರಲ್ಲಿ ಮೂವರ ಸ್ಥಿತಿ ಗಂಭೀರವಾಗಿದೆ ಎಂದು ಅಸ್ಟುಡಿಲ್ಲೊ ಹೇಳಿದರು. ಸಚಿವರು ಸಂತ್ರಸ್ತರ ಕುಟುಂಬಗಳಿಗೆ ಸಂತಾಪ ಸೂಚಿಸಿದ್ದಾರೆ.

ಸ್ಥಳೀಯ ಅಗ್ನಿಶಾಮಕ ದಳದ ಮುಖ್ಯಸ್ಥ ಲೂಯಿಸ್ ರೊನ್ಕಾಲ್ ಅವರು ರಕ್ಷಣಾ ಮತ್ತು ಪರಿಹಾರ ಕಾರ್ಯಾಚರಣೆಗಳು ಮುಂದುವರೆದಿವೆ. ಟ್ರುಜಿಲ್ಲೊ ಮೇಯರ್ ಮಾರಿಯೋ ರೇನಾ ಅಪಾಯದ ಕಾರಣ ಮಾಲ್‌ಗಳನ್ನು ಮುಚ್ಚುವುದಾಗಿ ಘೋಷಿಸಿದ್ದಾರೆ.

https://www.vijayavani.net/ajith-kumars-car-crashes-twice-in-spain-race