'ಟಾಕ್ಸಿಕ್'​ ಹೀರೋ ರಾಕಿಂಗ್​ ಸ್ಟಾರ್​ಗೆ ಬಹುಪರಾಕ್​; ಯಶ್​​ ಹಾಡಿ ಹೊಗಳಿದ ಜೆ.ಜೆ. ಪೆರ್ರಿ | Yash Toxic

Yash Toxic: ಕನ್ನಡ ಚಿತ್ರರಂಗದ ರಾಕಿಂಗ್ ಸ್ಟಾರ್​ ನಟ ಯಶ್​ ಅಭಿನಯದ ಬಹುನಿರೀಕ್ಷಿತ ಪ್ಯಾನ್ ಇಂಡಿಯಾ 'ಟಾಕ್ಸಿಕ್'​ ಚಿತ್ರದ ಚಿತ್ರೀಕರಣ ಬಹುತೇಕ ಮುಗಿದಿದ್ದು, ಇನ್ನೇನು ಕೆಲವೇ ಕೆಲವು ಸೀನ್​ಗಳು ಮಾತ್ರ ಬಾಕಿ ಉಳಿದಿವೆ. ಕನ್ನಡ ಸೇರಿದಂತೆ ಹಿಂದಿ, ತಮಿಳು, ತೆಲುಗು, ಮಲಯಾಳಂ ಭಾಷೆಗಳ ಸಿನಿಪ್ರಿಯರ ಕುತೂಹಲ, ಕೌತುಕವನ್ನು ದುಪ್ಪಟ್ಟು ಮಾಡಿರುವ ಯಶ್​, ಶೀಘ್ರವೇ ಬೆಳ್ಳಿಪರದೆಯ ಮೇಲೆ ರಾರಾಜಿಸುವುದಕ್ಕೆ ಸಜ್ಜಾಗುತ್ತಿದ್ದಾರೆ.

ಇದನ್ನೂ ಓದಿ: ಈ ಕೆಟ್ಟ ಅಭ್ಯಾಸಗಳು ನಿಮ್ಮ ಮನೆಯ ಶಾಂತಿ, ನೆಮ್ಮದಿ ಕೆಡಿಸುತ್ತವೆ! ಹುಷಾರ್​…Vastu Tips

ಇನ್ನು ಚಿತ್ರಕ್ಕೆ ಹಾಲಿವುಡ್ ಸಾಹಸ ನಿರ್ದೇಶಕ ಜೆ.ಜೆ. ಪೆರ್ರಿ ಅವರು ಯಶ್​ಗೆ ಸಾಥ್ ನೀಡಿದ್ದು, ಸಿನಿಮಾದಲ್ಲಿ ಕೆಲವು ಸಾಹಸಮಯ ದೃಶ್ಯಗಳನ್ನು ಯಶ್​ ಅವರಿಂದ ಮಾಡಿಸಿದ್ದಾರೆ. ಪ್ಯಾನ್ ಇಂಡಿಯಾ ಸೂಪರ್​ಸ್ಟಾರ್​ ಯಶ್​ ಅಭಿನಯಕ್ಕೆ ಫಿದಾ ಆಗಿರುವ ಪೆರ್ರಿ, ಯಶ್​ರನ್ನು ಹಾಡಿ ಹೊಗಳಿದ್ದಾರೆ. ನಟನ ಫೋಟೋ ಜತೆಗೆ ತಮ್ಮ ಮನದಾಳದ ಮಾತನ್ನು ಮುಕ್ತವಾಗಿ ಜಾಲತಾಣದಲ್ಲಿ ಬರೆದುಕೊಂಡಿರುವ ನಿರ್ದೇಶಕರು, ಯಶ್​ರನ್ನು ಮೆಚ್ಚಿ ಮಾತನಾಡಿದ್ದಾರೆ.

"ಅವತಾರ್" ಮತ್ತು "ಎಫ್9" ಸೇರಿದಂತೆ ಬ್ಲಾಕ್‌ಬಸ್ಟರ್‌ ಹಾಲಿವುಡ್​ ಚಿತ್ರಗಳಿಗೆ ಸಾಹಸಮಯ ದೃಶ್ಯಗಳನ್ನು ಕೊಟ್ಟಿರುವ ಹೆಸರಾಂತ ನಿರ್ದೇಶಕ ಪೆರ್ರಿ, ಪ್ರಸ್ತುತ ನಿರ್ಮಾಣ ಹಂತದಲ್ಲಿರುವ "ಟಾಕ್ಸಿಕ್" ಚಿತ್ರಕ್ಕೆ ಸಾಹಸ ಸಂಯೋಜನೆ ಮಾಡಿದ್ದಾರೆ. ಗೀತು ಮೋಹನ್​ದಾಸ್​ ನಿರ್ದೇಶಿಸುತ್ತಿರುವ ಈ ಚಿತ್ರಕ್ಕೆ ಸದ್ಯ ನಿರೀಕ್ಷೆಗಳು ಹೆಚ್ಚಾಗಿವೆ. "ಟಾಕ್ಸಿಕ್​ನಲ್ಲಿ ನನ್ನ ಸ್ನೇಹಿತ ಯಶ್​ ಜತೆಗೆ ಕೆಲಸ ಮಾಡಿದ್ದು ಭಾರೀ ಸಂತಸ ತಂದಿದೆ. ಯುರೋಪಿನಾದ್ಯಂತ ಹಲವು ಆತ್ಮೀಯ ಸ್ನೇಹಿತರೊಂದಿಗೆ ಕೆಲಸ ಮಾಡಲು ಅವಕಾಶ ಸಿಕ್ಕಿತು. ಟಾಕ್ಸಿಕ್​ ಒಂದು ಬ್ಯಾಂಗ್​ ಆಗೋ ಸಿನಿಮಾ. ನಾವೇನು ಮಾಡಿದ್ದೇವೋ ಅದರ ಬಗ್ಗೆ ಹೆಮ್ಮೆಯಿದೆ" ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ಇವರಿಗೆಲ್ಲ ನನ್ನ ಜೀವನದಲ್ಲಿ ಜಾಗವೇ ಇಲ್ಲ! ಹೆಸರು ಹೇಳೋದಕ್ಕೂ ಇಷ್ಟವಿಲ್ಲ: ವಾಸಿಮ್ ಅಕ್ರಂ ಗರಂ | Wasim Akram

ಗೀತು ಮೋಹನ್ ದಾಸ್ ಬರೆದು, ನಿರ್ದೇಶಿಸಿರುವ ಯಶ್ ನಟನೆಯ "ಟಾಕ್ಸಿಕ್" ಇಂಗ್ಲಿಷ್ ಮತ್ತು ಕನ್ನಡ ಎರಡರಲ್ಲೂ ಚಿತ್ರೀಕರಿಸಲಾಗುತ್ತಿದ್ದು, ತೆಲುಗು, ತಮಿಳು, ಹಿಂದಿ ಮತ್ತು ಮಲಯಾಳಂ ಭಾಷೆಗಳಿಗೆ ಡಬ್ ಮಾಡಲಾಗುವುದು. ಚಿತ್ರದಲ್ಲಿ ಬಾಲಿವುಡ್​ ನಟಿ ಕಿಯಾರಾ ಅಡ್ವಾಣಿ, ತೆಲುಗು ನಟಿ ನಯನತಾರಾ ಮತ್ತು ತಾರಾ ಸುತಾರಿಯಾ ಸೇರಿದಂತೆ ಇನ್ನಿತರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/no-place-for-them-says-wasim-akram