ಅಪರೂಪದಲ್ಲೇ ಅಪರೂಪ! 10 ಕೋಟಿಯಲ್ಲಿ ಒಂದೇ ಒಂದು ಮೊಟ್ಟೆ; ಇದರ ಬೆಲೆ ಕೇಳಿದ್ರೆ ಹುಬ್ಬೇರೋದು ಖಚಿತ | Auction

Rare Egg: ಮೊಟ್ಟೆಗಿಂತಲೂ ಮೊಟ್ಟೆಯ ಆಕಾರ ಕೆಲವರಿಗೆ ಬಹಳ ಇಷ್ಟವಾಗುತ್ತದೆ. ಮೊಟ್ಟೆಯ ಆಕಾರದ ಬಗ್ಗೆ ಬಹುತೇಕರಿಗೆ ತಿಳಿದಿದೆ. ಸಾಮಾನ್ಯವಾಗಿ ಮೊಟ್ಟೆಗಳು ದುಂಡಿನ ಆಕಾರದಲ್ಲಿರುತ್ತದೆ. ಆದರೆ, ಸಂಪೂರ್ಣ ಗೋಳಾಕಾರದ (Spherical) ಮೊಟ್ಟೆಯ ಬಗ್ಗೆ ಎಂದಾದರೂ ಕೇಳಿದ್ದೀರಾ? ಅಂತಹ ಮೊಟ್ಟೆಗಳು ಇಂದಿಗೂ ಕಾಣಸಿಗುತ್ತವೆ. ಆದರೆ, ಅಪರೂಪದಲ್ಲಿ ಅಪರೂಪ. ಇಂತಹ ಸಂಪೂರ್ಣ ಗೋಳಾಕಾರದ ಮೊಟ್ಟೆಗೆ ಹರಾಜಿನಲ್ಲಿ (Auction) ಬಿಡ್ ಮಾಡಲಾದ ಗರಿಷ್ಠ ಬೆಲೆ 21,000 ರೂ. ಈ ಮೊಟ್ಟೆ ಸಾಮಾನ್ಯಕ್ಕಿಂತ ಭಿನ್ನ.

ಇದನ್ನೂ ಓದಿ: Laksmi Hebbalkar | ಗೃಹಲಕ್ಷ್ಮಿಯರ ಜೊತೆ ಸುವರ್ಣಸೌಧಕ್ಕೆ ಬಂದ ಲಕ್ಷ್ಮಿ ಹೆಬ್ಬಾಳ್ಕರ್

16,000 ರೂ.ಗೆ ಮೊಟ್ಟೆ ಖರೀದಿ

ಒಂದು ರೀತಿ ಹೇಳುವುದಾದರೆ ಇಂತಹ ಮೊಟ್ಟೆಗಳ ಆಕಾರವನ್ನು ಯಾರ ಬಳಿಯೋ ಹೇಳಿ ಮಾಡಿಸಿದಂತಿದೆ. ಅಷ್ಟರ ಮಟ್ಟಿಗೆ ನೋಡಲು ದುಂಡಗಿರುತ್ತದೆ. ಇತ್ತೀಚೆಗೆ ಇಂಗ್ಲೆಂಡ್​ನ ಲ್ಯಾಂಬೌರ್ನ್ ಆಫ್ ಬರ್ಕ್‌ಷೈರ್‌ನಲ್ಲಿ ನಡೆದ ಹರಾಜಿನಲ್ಲಿ ಈ ಗೋಳಾಕಾರದ ಮೊಟ್ಟೆ ಗಣನೀಯ ಬೆಲೆಗೆ ಮಾರಾಟವಾಗಿದ್ದು, ಖರೀದಿಯಾದ ಮೊತ್ತ ಕೇಳಿ ಜನರು ಅಚ್ಚರಿಗೆ ಒಳಗಾಗಿದ್ದಾರೆ. 10 ಕೋಟಿಯಲ್ಲಿ ಒಂದು ಮೊಟ್ಟೆ ಮಾತ್ರ ಈ ರೀತಿ ಸಂಪೂರ್ಣ ಗೋಳಾಕಾರದಲ್ಲಿರುತ್ತದೆ ಎಂದು ನಂಬಲಾಗಿದೆ. ಅದಕ್ಕಾಗಿಯೇ ಈ ಅಪರೂಪದ ಎಗ್​ಗೆ ಅಷ್ಟು ದುಬಾರಿ ಬೆಲೆ ಬಿಡ್​ ಮಾಡಲು ಜನರು ಸಿದ್ಧರಿದ್ದಾರೆ. ಈ ಅಪರೂಪದ ಮೊಟ್ಟೆಯನ್ನು ಲ್ಯಾಂಬೋರ್ನ್ ನಿವಾಸಿ ಎಡ್ ಪೊವೆಲ್ ಖರೀದಿಸಿದ್ದರು. ಆರಂಭದಲ್ಲಿ ಕುತೂಹಲದಿಂದ ಸುಮಾರು 16,000 ರೂ.ಗೆ ಮೊಟ್ಟೆ ಖರೀದಿಸಿದ್ದ ಅವರು, ನಂತರದಲ್ಲಿ ಅದನ್ನು ದತ್ತಿ ಸಂಸ್ಥೆಯಾದ ಲುವೆಂಟಸ್ ಫೌಂಡೇಶನ್‌ಗೆ ಕೊಡುಗೆಯಾಗಿ ನೀಡಿದ್ದರು.

ಲುವೆಂಟಸ್ ಫೌಂಡೇಶನ್

ಈ ಮೊಟ್ಟೆಯ ವಿಶೇಷತೆಯನ್ನು ಗುರುತಿಸಿದ ಲುವೆಂಟಸ್ ಫೌಂಡೇಶನ್‌, ಇದನ್ನು ಹರಾಜಿನಲ್ಲಿ ಬಿಡ್ಡಿಂಗ್​ಗೆ ಅವಕಾಶ ಮಾಡಿಕೊಟ್ಟಿತು. ಅಪರೂಪದಲ್ಲಿ ಅಪರೂಪ ಎನ್ನುವ ಈ ಗೋಳಾಕಾರದ ಮೊಟ್ಟೆ ಹರಾಜಾಗುತ್ತಿರುವ ಸುದ್ದಿ ಹರಡುತ್ತಿದ್ದಂತೆ, ಸ್ಥಳೀಯ ಜನರು ಮೊಟ್ಟೆಯನ್ನು ಖರೀದಿಸಲು ಆಸಕ್ತಿ ತೋರಿದರು. ಲುವೆಂಟಸ್ ಫೌಂಡೇಶನ್ ತಮ್ಮ ದತ್ತಿ ಚಟುವಟಿಕೆಗಳಿಗೆ ಹಣವನ್ನು ಸಂಗ್ರಹಿಸಲು ಹಲವಾರು ವಸ್ತುಗಳ ಪೈಕಿ ಈ ಮೊಟ್ಟೆಯನ್ನು ಸಹ ಹರಾಜಿನಲ್ಲಿ ಇರಿಸಿತ್ತು. ಕಡೆಗೂ ಮೊಟ್ಟೆಯನ್ನು ಖರೀದಿಸಲೇ ಬೇಕೆಂದು ಬಿಡ್ಡಿಂಗ್ ಪೈಪೋಟಿಗೆ ಇಳಿದ ಓರ್ವ ವ್ಯಕ್ತಿ, ಬರೋಬ್ಬರಿ 21 ಸಾವಿರ ರೂ.ಗೆ ಅದನ್ನು ಖರೀದಿಸಿದ್ದಾರೆ.

ಇಂತಹ ಗೋಳಾಕಾರದ ಮೊಟ್ಟೆ ಹರಾಜಿನಲ್ಲಿ ಕಾಣಿಸಿಕೊಂಡಿರುವುದು ಇದೇ ಮೊದಲಲ್ಲ. ನಾಲ್ಕು ತಿಂಗಳ ಹಿಂದೆ ಮಹಿಳೆಯೊಬ್ಬರು ಅಂಗಡಿಯೊಂದರಲ್ಲಿ ಇದೇ ರೀತಿಯ ಮೊಟ್ಟೆಯನ್ನು ಪತ್ತೆ ಹಚ್ಚಿದ್ದರು. ಅದರ ವಿಶೇಷತೆಯನ್ನು ಗುರುತಿಸಿದ ನಂತರ ಮೊಟ್ಟೆಯನ್ನು ಹರಾಜಿನಲ್ಲಿ ಕೂಗಿದ್ದರು. ಬಿಡ್ಡಿಂಗ್​ನಲ್ಲಿ ಮಹಿಳೆಗೆ ಉತ್ತಮ ಬೆಲೆಯೇ ಸಿಕ್ಕಿತು,(ಏಜೆನ್ಸೀಸ್).

https://www.vijayavani.net/why-11-months-for-rental-agreement

https://www.vijayavani.net/after-3-years-i-met-the-ui-master