ದಿನಕ್ಕೆ 3,500ಕ್ಕೂ ಅಧಿಕ ದೂರವಾಣಿ ಕರೆಗಳು 'ಟೆಲಿ-ಮಾನಸ್​' ಸಹಾಯವಾಣಿಗೆ ಬರ್ತಿವೆ: ಆರೋಗ್ಯ ಇಲಾಖೆ

ನವದೆಹಲಿ: ಭಾರತದಲ್ಲಿ ರಾಷ್ಟ್ರೀಯ ಟೆಲಿ-ಮೆಂಟಲ್ ಆರೋಗ್ಯ ಕಾರ್ಯಕ್ರಮದ ಭಾಗವಾಗಿ ಶುರು ಮಾಡಲಾದ ಟೆಲಿ-ಮಾನಸ್ ಟೋಲ್-ಫ್ರೀ ಸಂಖ್ಯೆಯು ದಿನಕ್ಕೆ ಸರಾಸರಿ ಅಂದರೆ 3,500ಕ್ಕೂ ಅಧಿಕ ದೂರವಾಣಿ ಕರೆಗಳನ್ನು ಸ್ವೀಕರಿಸುತ್ತಿದೆ ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಮಾಹಿತಿ ಹಂಚಿಕೊಂಡಿದೆ.

ಇದನ್ನೂ ಓದಿ: ದೇವರ ದರ್ಶನಕ್ಕೆ ಬರುತ್ತಿದ್ದ ಪಾದಯಾತ್ರಿಗಳ ಮೇಲೆ ಹರಿದ ಲಾರಿ! ಓರ್ವ ಸ್ಥಳದಲ್ಲೇ ದುರ್ಮರಣ

ಸಚಿವಾಲಯದ ಪ್ರಕಾರ, ಸಹಾಯವಾಣಿಯು ಡಿಸೆಂಬರ್ 2022ರಲ್ಲಿ ಸುಮಾರು 12,000ರಿಂದ ಮೇ 2024ರಲ್ಲಿ 90,000ಕ್ಕೂ ಹೆಚ್ಚು ಕರೆ ಮಾಡುವವರ ಸಂಖ್ಯೆಯಲ್ಲಿ ಸ್ಥಿರವಾದ ಹೆಚ್ಚಳವನ್ನು ಕಂಡಿದೆ. ಇದು ಫಾಲೋ-ಅಪ್‌ಗಾಗಿ ಕಾಲ್​-ಬ್ಯಾಕ್‌ಗಳನ್ನು ಸಹ ಸಂಯೋಜಿಸುತ್ತದೆ. ಟೆಲಿ-ಮಾನಸ್​​ ಎಂಬ ವಿಶೇಷ ಸಹಾಯವಾಣಿಯನ್ನು ಅಕ್ಟೋಬರ್​ 2022ರಂದು ದೇಶದ ನಾನಾ ಭಾಗಗಳಲ್ಲಿ ಚಾಲನೆಗೆ ಬರುವಂತೆ ಜಾರಿಗೊಳಿಸಲಾಯಿತು.

ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿನ 51 ಟೆಲಿ-ಮಾನಸ್ ಸಹಾಯವಾಣಿಗೆ ಅಂದಿನಿಂದ 10 ಲಕ್ಷಕ್ಕೂ ಹೆಚ್ಚು ಕರೆಗಳು ಬಂದಿವೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ. ಟೋಲ್-ಫ್ರೀ ಸಹಾಯವಾಣಿ ಸಂಖ್ಯೆಗಳು 14416 ಅಥವಾ 1-800-891-4416 ಇದೆ. ರಾಷ್ಟ್ರವ್ಯಾಪಿ ಮಾನಸಿಕ ಆರೋಗ್ಯ ಸೇವೆಯ ವಿತರಣೆಯನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿರುವ ಆರೋಗ್ಯ ಇಲಾಖೆ, ಬಹು-ಭಾಷಾ ಬೆಂಬಲವನ್ನು ಸಹ ನೀಡಿದ್ದು, ಮಾನಸಿಕ ಆರೋಗ್ಯ ವೃತ್ತಿಪರರ ನಡುವೆ ಸಂವಹನವನ್ನು ಸುಲಭಗೊಳಿಸುವಲ್ಲಿ ಈ ಸಹಾಯವಾಣಿಯನ್ನು ಚಾಲನೆಗೆ ತಂದಿದೆ.

ಇದನ್ನೂ ಓದಿ: ಹಣ ವಶಪಡಿಸಿಕೊಂಡಿದ್ದ ಪ್ರಕರಣ ಇತ್ಯರ್ಥ: ಜಿಪಂ ಸಿಇಒ ಶೇಖ್ ತನ್ವೀರ್ ಆಸಿಫ್ ಮಾಹಿತಿ

"ಈ ಸಹಾಯವಾಣಿಯು ಮಾನಸಿಕ ಆರೋಗ್ಯ ಉಪಕ್ರಮಗಳ ವಿಸ್ತರಣೆಯ ಪ್ರಾಮುಖ್ಯತೆಯನ್ನು ಒತ್ತಿಹೇಳುತ್ತದೆ. ಪ್ರತಿಯೊಬ್ಬರು ಕೂಡ ಇದರ ಅಗತ್ಯವಿದ್ದರೆ, ಉಪಯೋಗಿಸಿಕೊಳ್ಳಬಹುದು. ಮಾನಸಿಕ ಆರೋಗ್ಯ ಬಿಕ್ಕಟ್ಟನ್ನು ಎದುರಿಸುವ ನಿಟ್ಟಿನಲ್ಲಿ ಭಾರತ ರೂಪಿಸಿರುವ ಈ ಸಂಪನ್ಮೂಲ ಒಂದು ಮಹತ್ವದ ಮೈಲಿಗಲ್ಲು" ಎಂದು ಆರೋಗ್ಯ ಸಚಿವಾಲಯ ಹೇಳಿದೆ,(ಏಜೆನ್ಸೀಸ್).

https://www.vijayavani.net/netizens-slam-azam-khan-in

https://www.vijayavani.net/gautam-gambhir-speaks-about-three-trophies/