ರಾಷ್ಟ್ರದಲ್ಲೇ ವಿನೂತನ ರೀತಿಯ ಯೋಜನೆ ಎಂಬುದಾಗಿ ಖ್ಯಾತಿ ಪಡೆದಿರುವ ಯಶಸ್ವಿನಿ ಆರಂಭಗೊಂಡು ನಾಲ್ಕು ತಿಂಗಳೇ ಕಳೆದಿದ್ದರೂ, ಈವರೆಗೆ ಬಹುತೇಕ ಫಲಾನುಭವಿಗಳಿಗೆ ಕಾರ್ಡ್ಗಳೇ ವಿತರಣೆಯಾಗಿಲ್ಲ. ಇದರಿಂದ ತುರ್ತು ಚಿಕಿತ್ಸೆ ಪಡೆಯಲು ಆಸ್ಪತ್ರೆಗಳಿಗೆ ತೆರಳಿದರೆ ‘ಕಾರ್ಡ್ ಇದ್ದರೆ ಒಳ ಬನ್ನಿ’ ಎಂಬ ಮಾತುಗಳು ರೈತರಾದಿಯಾಗಿ ಸಹಕಾರಿಗಳಿಗೆ ಕಿರಿಕಿರಿ ಉಂಟು ಮಾಡಿದೆ. ಕಾರ್ಡ್ಗಳನ್ನು ಕೊಡುವಂತೆ ಸದಸ್ಯರು ಸಹಕಾರ ಸಂಘಗಳ ಸಿಬ್ಬಂದಿ ಬಳಿ ವಿಚಾರಿಸಿದರೆ, ಸಹಕಾರ ಇಲಾಖೆ ಅಥವಾ ಯಶಸ್ವಿನಿ ಟ್ರಸ್ಟ್ನವರನ್ನೇ ಕೇಳಿ ಎಂಬ ಸಬೂಬು ನೀಡಿ ಸಾಗಹಾಕಲಾಗುತ್ತಿದೆ. ಇದರಿಂದಾಗಿ ಸಹಕಾರಿಗಳ ಕುಟುಂಬಗಳಿಗೆ ಸಮಯಕ್ಕೆ ಸರಿಯಾಗಿ ಗುಣಮಟ್ಟದ ಚಿಕಿತ್ಸೆ ದೊರೆಯದೆ ಖಾಸಗಿ ಆಸ್ಪತ್ರೆಗಳಲ್ಲಿ ದುಬಾರಿ ಬಿಲ್ ಪಾವತಿಸುವಂತಾಗಿದೆ. ಕೆಲ ಪ್ರಕರಣಗಳಲ್ಲಿ ಸಹಕಾರ ಸಂಘಗಳು
