ಭಾರಿ ಮಳೆಗೆ ಭೂಕುಸಿತ: ಗೋವಾದಲ್ಲಿ ಹಳಿತಪ್ಪಿದ ಪ್ಯಾಸೆಂಜರ್​ ರೈಲು

ಪಣಜಿ: ಭಾರೀ ಮಳೆಯಿಂದ ಸಂಭವಿಸಿದ ಭೂಕುಸಿತದಿಂದಾಗಿ ಕರ್ನಾಟಕದ ಮಂಗಳೂರಿನಿಂದ ಮುಂಬೈನ ಛತ್ರಪತಿ ಶಿವಾಜಿ ಮಹಾರಾಜ್​ ರೈಲು ನಿಲ್ದಾಣಕ್ಕೆ ತೆರಳುತ್ತಿದ್ದ ಪ್ಯಾಸೆಂಜರ್​ ರೈಲು ದಕ್ಷಿಣ ಗೋವಾದ ದೂಧ್​ಸಾಗರ್​ ಮತ್ತು ಸೊನಾಲಿಮ್​ ನಡುವೆ ಶುಕ್ರವಾರ ಹಳಿತಪ್ಪಿದೆ.

ಅದೃಷ್ಟವಶಾತ್​ ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲ ಎಂದು ನೈರುತ್ಯ ರೈಲ್ವೆ ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿದೆ. ರೈಲು ನಂಬರ್​ 01134 ಮಂಗಳೂರು ಜಂಕ್ಷನ್​ನಿಂದ ಛತ್ರಪತಿ ಶಿವಾಜಿ ಮಹಾರಾಜ್​ ಟರ್ಮಿನಸ್​ ತೆರಳುತ್ತಿತ್ತು. ಮಹಾರಾಷ್ಟ್ರದಲ್ಲಿ ಸುರಿಯುತ್ತಿರುವ ಭಾರೀ ಮಳೆಯಿಂದಾಗಿ ಚಿಪ್ಲುನ್​ ಮತ್ತು ಕಾಮಥೆ ನಡುವೆ ಇರುವ ವಶಿಷ್ಠಿ ನದಿ ತುಂಬಿ ಹರಿಯುತ್ತಿರುವ ಹಿನ್ನೆಲೆಯಲ್ಲಿ ಮಡಂಗಾವ್​ ಲೊಂಡಾ ಮಿರಾಜ್​ ಬದಲಿ ಮಾರ್ಗದಲ್ಲಿ ಪ್ಯಾಸೆಂಜರ್​ ರೈಲು ತೆರಳುತ್ತಿತ್ತು. ಆದರೆ, ದೂಧ್​ಸಾಗರ್​ ಮತ್ತು ಸೊನೌಲಿಮ್​ ಮಾರ್ಗ ಮಧ್ಯೆ ಭೂಕುಸಿತದಿಂದ ರೈಲು ಹಳಿತಪ್ಪಿದೆ.

ಮತ್ತೊಂದು ರೈಲು, ಹಜರತ್ ನಿಜಾಮುದ್ದೀನ್-ವಾಸ್ಕೋ ಡಾ ಗಾಮಾ ಎಕ್ಸ್‌ಪ್ರೆಸ್, ಭೂಕುಸಿತದಿಂದಾಗಿ ಕಾರಂಜೋಲ್ ಮತ್ತು ದುಧ್‌ಸಾಗರ್ ನಡುವಿನ ಹಳಿಗಳಲ್ಲಿ ನಿಲ್ಲಿಸಲಾಯಿತು. ರೈಲನ್ನು ಕರ್ನಾಟಕದ ಕ್ಯಾಸಲ್ ರಾಕ್ ನಿಲ್ದಾಣಕ್ಕೆ ಹಿಂತಿರುಗಿಸಲಾಯಿತು. (ಏಜೆನ್ಸೀಸ್​)

https://www.vijayavani.net/indian-tennis-player-sumit-nagal-won-olympics-first-round/

https://www.vijayavani.net/tokyo-olympics-weightlifting-mirabai-chanu-silver-medal-pm-modi/

https://www.vijayavani.net/covid-vaccines-for-children-likely-by-september-aiims-chief/