ಪ್ರಯಾಣಿಕರ ತಂಗುದಾಣದಲ್ಲಿದ್ದ ಗುಂಬಜ್​ ಮಾದರಿ ರಾತ್ರೋರಾತ್ರಿ ತೆರವು! ವಿವಾದ ಅಂತ್ಯಕ್ಕೆ ರಾಮ್​ದಾಸ್​ ಯತ್ನ

ಮೈಸೂರು: ಗುಂಬಜ್ ಮಾದರಿ ಬಸ್ ಶೆಲ್ಟರ್ ನಿರ್ಮಾಣ ವಿವಾದಕ್ಕೆ ಅಂತ್ಯಹಾಡಲು ಮುಂದಾದ ಶಾಸಕ ರಾಮ್‌ದಾಸ್, ರಾತ್ರೋರಾತ್ರಿ ಎರಡು ಗೋಪುರ ತೆರವು ಮಾಡಿಸಿದ್ದಾರೆ.

ನಗರದ ನಂಜನಗೂಡು ರಸ್ತೆಯ ಜೆಎಸ್​ಎಸ್​ ಕಲಾ, ವಾಣಿಜ್ಯ ಮತ್ತು ವಿಜ್ಞಾನ ಕಾಲೇಜಿನ ಜಂಕ್ಷನ್​ ಬಳಿ ಮತ್ತು ಜೆ.ಪಿ.ನಗರ ಸೇರಿದಂತೆ ಕೃಷ್ಣರಾಜ ಕ್ಷೇತ್ರದಲ್ಲಿ ಗುಂಬಜ್​ ಮಾದರಿಯಲ್ಲಿ ಮೂರು ತಂಗುದಾಣಗಳನ್ನು ನಿರ್ಮಿಸಲಾಗಿತ್ತು. ಬಸ್​ ನಿಲ್ದಾಣಗಳ ಮೇಲಿರುವ ಗುಂಬಜ್​ ಮಾದರಿಯನ್ನು ತೆರವು ಮಾಡಬೇಕು. ಇಲ್ಲವಾದಲ್ಲಿ ನಾನೇ ಖುದ್ದು ಧ್ವಂಸ ಮಾಡುವೆ ಎಂದು ಸಂಸದ ಪ್ರತಾಪ ಸಿಂಹ ಎಚ್ಚರಿಕೆ ಕೊಟ್ಟಿದ್ದರು. ಇದು ಭಾರೀ ವಿವಾದ ಸೃಷ್ಟಿಸಿತ್ತು.

ಬಸ್ ಶೆಲ್ಟರ್​ ಮೇಲೆ ಮೂರು ಗೋಪುರಗಳಿದ್ದವು. ಒಂದು ಗೋಪುರ ಉಳಿಸಿಕೊಂಡು, ಮತ್ತೆರಡು ಗೋಪುರಗಳನ್ನು ರಾತ್ರೋರಾತ್ರಿ ಅಧಿಕಾರಿಗಳು ತೆರವು ಮಾಡಿದ್ದಾರೆ. ಮೈಸೂರು ಅರಮನೆ ಪರಂಪರೆಗಾಗಿ ಬಸ್ ಶೆಲ್ಟರ್ ಮಾಡಲಾಗುತ್ತಿತ್ತು. ಶಾಸಕರ ಅನುಧಾನದಲ್ಲಿ 12 ಬಸ್ ಶೆಲ್ಟರ್ ನಿರ್ಮಿಸಲಾಗುತ್ತಿತ್ತು. ಧರ್ಮದ ಹೆಸರಿನಲ್ಲಿ ವಿವಾದ ಸೃಷ್ಟಿಸಲಾಗಿತ್ತು. ಇದು ಮುಂದೆ ವಿವಾದಿತ ಜಾಗ ಆಗಬಾರದು. ಇದಕ್ಕಾಗಿ ಮಧ್ಯದ ಡೂಮ್ ಉಳಿಸಿಕೊಳ್ಳಲು ಒಪ್ಪಿಗೆ ಪಡೆಯಲಾಗಿದೆ. ಸಾರ್ವಜನಿಕರು ನನ್ನ ಅಭಿವೃದ್ಧಿ ಮಂತ್ರವನ್ನು ಅನ್ಯತಾ ಭಾವಿಸಬಾರದು ಎಂದು ಶಾಸಕ ರಾಮ್‌ದಾಸ್ ಸ್ಪಷ್ಟನೆ ನೀಡಿದ್ದಾರೆ.

https://www.vijayavani.net/late-night-robbery-of-5-kg-gold-in-karnataka-gramin-bank-robbers-enter-in-a-cinematic-manner/

https://www.vijayavani.net/patient-dies-as-ambulance-runs-out-of-fuel-daughter-son-in-law-push-vehicle-for-1-km/

https://www.vijayavani.net/car-accident-asi-son-life-is-tragic-end/