ಬಟಿಂಡಾ ಜಿಲ್ಲೆಯ ಕರಾರ್ವಾಲಾ ಗ್ರಾಮದ ಸರಪಂಚರಾದ ಅವತಾರ್ ಸಿಂಗ್ ಇಡೀ ಹಳ್ಳಿಯ ಜನರು ಈ ರೀತಿಯಾಗಿ ಒಮ್ಮತದ ನಿರ್ಧಾರ ಮಾಡಿದ್ದಾರೆ ಎಂದಿದ್ದಾರೆ. ಪ್ರತಿ ಮನೆಯಿಂದ ಒಬ್ಬರು ಹೋರಾಟಕ್ಕೆ ಹೋಗಬೇಕು. ಯಾರೂ ಹೋಗದಿದ್ದರೆ 2100 ರೂಪಾಯಿ ದಂಡವಾಗಿ ತೆರಬೇಕು. ಹೀಗೆ ಜಮಾಯಿಸಿದ 25 ಜನರ ಮೊದಲನೇ ಜಾಥಾ ದೆಹಲಿ ಗಡಿಗೆ ಶನಿವಾರ ತೆರಳಿದ್ದು, ಒಂದು ವಾರದ ಮಟ್ಟಿಗೆ ಅಲ್ಲಿ ಠಿಕಾಣೆ ಹೂಡಲಿದ್ದಾರೆ. ಮತ್ತೆ ಮುಂದಿನ ವಾರ ಬೇರೆ 25 ಜನರ ಜಾಥಾ ಹೊರಡುತ್ತದೆ ಎಂದಿದ್ದಾರೆ. ಇನ್ನು ಹೋರಾಟದ ವೇಳೆ ಯಾವುದೇ ರೀತಿಯ ತೊಂದರೆ ಉಂಟುಮಾಡುವ ಹಾಗಿಲ್ಲ. ಮದ್ಯಪಾನ ಮಾಡಿ ಸಮಸ್ಯೆ ಉಂಟುಮಾಡಿದರೆ ಅದಕ್ಕೆ ಹೆಚ್ಚಿನ ದಂಡ - 5100 ರೂಪಾಯಿ ತೆರಬೇಕು ಎಂದೂ ನಿರ್ಧರಿಸಲಾಗಿದೆ ಎಂದಿದ್ದಾರೆ.
