ಮಗಳು ಬೇರೆ ಧರ್ಮದ ಹುಡುಗನನ್ನು ಮದುವೆಯಾಗಿದ್ದಕ್ಕೆ ಬದುಕಿದ್ದಾಗಲೇ ಪಿಂಡ ಪ್ರದಾನ ಮಾಡಿದ ಪೋಷಕರು

ಭೋಪಾಲ್: ಮಗಳು ಬೇರೆ ಧರ್ಮದ ವ್ಯಕ್ತಿಯನ್ನು ಮದುವೆಯಾಗಿದ್ದಕ್ಕೆ ಅಸಮಾಧಾನಗೊಂಡ ಆಕೆಯ ಪೋಷಕರು ಮಧ್ಯಪ್ರದೇಶದ ಜಬಲ್‌ಪುರದಲ್ಲಿ ಅಂತಿಮ ವಿಧಿಗಳನ್ನು ನೆರವೇರಿಸಿ ಅವಳಿಗೆ ಪಿಂಡ ಪ್ರದಾನ ಮಾಡಿದ್ದಾರೆ.

ಯುವತಿಯೊಬ್ಬಳ ಅಂತರ್ಧರ್ಮೀಯ ಯುವಕನನ್ನು ಪ್ರೀತಿಸಿ ವಿವಾಹವಾದಳು. ಕೋಪಗೊಂಡ ಆಕೆಯ ಕುಟುಂಬವು ಮದುವೆ ಕಾರ್ಡ್‌ಗಳಿಗೆ ಪ್ರತಿಕ್ರಿಯೆಯಾಗಿ, "ಏಪ್ರಿಲ್ 2 ರಂದು ಮಗಳು ಸಾವನ್ನಪ್ಪಿದ್ದಾಳೆ" ಎಂದು ಸಂಬಂಧಿಕರಿಗೆ ಮತ್ತು ಸುತ್ತಮುತ್ತಲಿನ ಜನರಿಗೆ ತಿಳಿಸಲು ಸಂತಾಪ ಕಾರ್ಡ್‌ಗಳನ್ನು ಮುದ್ರಿಸಿ ವಿತರಿಸಿದರು. ಮಗಳು ಜೀವಂತವಾಗಿರುವಾಗಲೇ ಅಂತ್ಯಕ್ರಿಯೆಯ ಔತಣವನ್ನು ಏರ್ಪಡಿಸಿದರು ಮತ್ತು ಪಿಂಡ ಪ್ರದಾನ ಸೇರಿದಂತೆ ಅವರ ಅಂತಿಮ ವಿಧಿಗಳನ್ನು ಸಿದ್ಧಘಾಟ್‌ನಲ್ಲಿ ಮಾಡಿದ್ದಾರೆ.

ಜಬಲ್‌ಪುರ ಮೂಲದ ಬ್ರಾಹ್ಮಣ ಕುಟುಂಬ ಭಾನುವಾರ ಪವಿತ್ರ ನರ್ಮದಾ ನದಿಯ ಗ್ವಾರಿಘಾಟ್‌ಗೆ ಆಗಮಿಸಿ ಅಲ್ಲಿ ಅಂತಿಮ ವಿಧಿಗಳನ್ನು ಮತ್ತು ಇತರ ಮರಣಾನಂತರದ ವಿಧಿಗಳನ್ನು ನೆರವೇರಿಸಿದರು.

ಇದನ್ನೂ ಓದಿ:  ಫ್ಯಾಷನ್ ಶೋ ನಡೆಯುವ ವೇಳೆ ದುರಂತ: ಸ್ಥಳದಲ್ಲೇ ಪ್ರಾಣಬಿಟ್ಟ ಮಾಡೆಲ್​ 

ಬ್ರಾಹ್ಮಣ ಕುಟುಂಬದ ಹುಡುಗಿ 25 ವರ್ಷ ವಯಸ್ಸಿನ ಮುಸಲ್ಮಾನನನ್ನು ಮದುವೆಯಾದಳು. ಅಂತರ್ಧರ್ಮೀಯ ವಿವಾಹದಿಂದ ಈಗಾಗಲೇ ಅಸಮಾಧಾನಗೊಂಡಿರುವ ಕುಟುಂಬವು ಮದುವೆಯ ನಂತರದ ಆರತಕ್ಷತೆಯ ಆಮಂತ್ರಣ ಪತ್ರಿಕೆಯಲ್ಲಿ “ಹಿಂದೂ ಹುಡುಗಿ ತನ್ನ ಧರ್ಮವನ್ನು ಬದಲಿಸಿ ಮುಸ್ಲಿಂ ಆಗಿದ್ದಾಳೆ” ಎಂದು ನಮೂದಿಸಲಾಗಿತ್ತು. ಈ ವಿಚಾರವಾಗಿ ಅಸಮಾಧಾನಗೊಂಡ ಮಹಿಳೆಯ ಕುಟುಂಬವು ಜಬಲ್ಪುರ ಜಿಲ್ಲಾ ಎಸ್ಪಿ ಕಚೇರಿಯಲ್ಲಿ ಪ್ರತಿಭಟನೆ ನಡೆಸಿತು. ‘ಲವ್ ಜಿಹಾದ್’ ಸಂಚು ರೂಪಿಸಿ ಮದುವೆ ನಡೆಸಲಾಗಿದೆ ಎಂದು ಕುಟುಂಬದವರು ಆರೋಪಿಸಿದ್ದಾರೆ.

ಆದಾಗ್ಯೂ, ಜಿಲ್ಲಾಡಳಿತದ ಪ್ರಕಾರ, ದಂಪತಿ ಜನವರಿ 4 ರಂದು ವಿವಾಹವಾದರು. ಮದುವೆಯ ನೋಂದಣಿಗೆ ಮೊದಲು ಎರಡೂ ಕುಟುಂಬಗಳಿಗೆ ತಿಳಿಸಲಾಗಿದೆ ಎಂದು ಆಡಳಿತವು ಹೇಳಿಕೊಂಡಿದೆ. ಆದರೆ, ಮಗಳು ತಮಗೆ ತಿಳಿಯದಂತೆ ಮದುವೆಯಾಗಿ ಕುಟುಂಬಕ್ಕೆ ‘ವಂಚನೆ’ ಮಾಡಿದ್ದಾಳೆ ಎಂದು ಮಹಿಳೆಯ ತಾಯಿ ತಿಳಿಸಿದ್ದಾರೆ. ಎರಡೂ ಕುಟುಂಬಗಳ ಒಪ್ಪಿಗೆಯೊಂದಿಗೆ ಮದುವೆ ನಡೆದಿದೆ ಎಂದು ಸ್ಥಳೀಯ ಪೊಲೀಸರು ಹೇಳಿಕೆಯನ್ನು ಬಿಡುಗಡೆ ಮಾಡಿದ್ದಾರೆ. ಮಹಿಳೆಯ ಕುಟುಂಬವು ಮದುವೆಗೆ ವಿವಿಧ ಉಡುಗೊರೆಗಳನ್ನು ಸಹ ನೀಡಿದೆ ಎಂದು ಹೇಳಲಾಗಿದೆ.

https://www.vijayavani.net/kazakhstans-beautiful-young-girl-is-ready-to-marry-a-fat-man-beauty-who-puts-conditions-on-marriage