ಬ್ರಹ್ಮಚರ್ಯ ಆಶ್ರಮದಲ್ಲಿ ಚೂಡಾಕರಣ ಸಂಸ್ಕಾರ (ಜಟಾಧಾರಣ ಸಂಸ್ಕಾರ , ದ್ವಿಜ ಸಂಸ್ಕಾರ, ಜ್ಞಾನಾರ್ಜನ ಅಧ್ಯಯನ ಸಮಾವರ್ತನಗಳ ನಂತರದಲ್ಲಿ ವಿವಾಹಿತನಾಗಿ ಗೃಹಸ್ಥಾಶ್ರಮವನ್ನು ಸ್ವೀಕರಿಸಬೇಕೆಂದು ಹೇಳಲಾಗಿದೆ. ಹಾಗಿದ್ದರೂ ಈ ಗೃಹಸ್ಥಾಶ್ರಮವನ್ನು ವಿವಾಹಿತ ಸಪತ್ನೀಕನಾಗಿಯೂ ಅಥವಾ ಅವಿವಾಹಿತನಾಗಿಯೇ ಆಚರಿಸಬಹುದಾಗಿದೆ. ಗೃಹಸ್ಥಾಶ್ರಮಿಯಾಗಿರುವ ಕಾಲದಲ್ಲಿಯೂ ನಿರ್ದೇಶಿತವಾಗಿರುವ ಎಲ್ಲ ವಿಧದ ನೀತಿನಿಯಮಗಳನ್ನು ಪಾಲಿಸಿ ಆಚರಿಸಿ ಕೃತಕೃತ್ಯನಾಗಿ ಆ ನಂತರವೇ ವಾನಪ್ರಸ್ಥ ಎಂಬ ಆಶ್ರಮಧರ್ಮವನ್ನು ಪಾಲಿಸುತ್ತ ಅಖಂಡ ಬ್ರಹ್ಮಚರ್ಯದಿಂದ ವರ್ತಿಸಬೇಕೆಂಬುದು ಆಶ್ರಮಧರ್ಮವಾಗಿದೆ. ಈ ಕಾಲಾವಧಿಯಲ್ಲಿನ ವಾಸಪ್ರಸ್ಥಾಶ್ರಮದಲ್ಲಿ ವೇದದ, ಆರಣ್ಯಕಗಳ ಅಧ್ಯಯನ, ಧ್ಯಾನ ಇತ್ಯಾದಿ ಸಾಧನೆಯಲ್ಲಿ ತೊಡಗಿಕೊಂಡಿರಬೇಕು. ತದನಂತರದಲ್ಲಿ ಬ್ರಹ್ಮಚರ್ಯ ಪಾಲನೆಗೈಯುತ್ತ ಸಂನ್ಯಾಸವನ್ನು ಗ್ರಹಣ ಮಾಡಿ ಅವಿನಾಶಿಯಾದ ಬ್ರಹ್ಮಭಾವವನ್ನು ಪಡೆಯಬೇಕಾಗುತ್ತದೆ.
