ಗಂಡನ ಮನೆಯ ವಿಚಿತ್ರ ಆಚರಣೆಗೆ ಕಣ್ಣೀರಿಟ್ಟ ನವವಿವಾಹಿತೆ: ವಿಡಿಯೋ ವೈರಲ್​ ದಾಖಲಾಯ್ತು ಕೇಸ್​

ಪಲಕ್ಕಾಡ್​: ಎರಡು ದಿನಗಳ ಹಿಂದೆ ಕೇರಳದ ಪಲಕ್ಕಾಡ್​ನಲ್ಲಿ ನಡೆದ ಒಂದು ಘಟನೆಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು, ಭಾರೀ ಚರ್ಚೆಯನ್ನು ಹುಟ್ಟುಹಾಕಿದೆ. ಮದುವೆಯಾಗಿ ಮೊದಲ ಬಾರಿ ಗಂಡನ ಮನೆಗೆ ಬಂದ ವಧು, ಅಲ್ಲಿನ ವಿಚಿತ್ರ ಸಂಸ್ಕೃತಿಯಿಂದ ಕಣ್ಣೀರು ಹಾಕಿದ ಪ್ರಸಂಗ ಜರುಗಿದೆ.

ಅಷ್ಟಕ್ಕೂ ನಡೆದಿದ್ದು ಏನೆಂದರೆ, ಮನೆಯ ಪ್ರವೇಶಕ್ಕೂ ಮುನ್ನ ನೂತನ ವಧು-ವರರಿಗೆ ಆರತಿ ಬೆಳಗಲಾಯಿತು. ಇನ್ನೇನು ವಧು, ಗಂಡನ ಮನೆಗೆ ಬಲಗಾಲು ಇಟ್ಟು ಪ್ರವೇಶ ಮಾಡಬೇಕು, ಅಷ್ಟರಲ್ಲಿ ಹಿಂದೆ ನಿಂತಿದ್ದ ಸಂಬಂಧಿಕರೊಬ್ಬರು ವಧು ಮತ್ತು ವರನ ತಲೆಯನ್ನು ಪರಸ್ಪರ ಡಿಕ್ಕಿ ಹೊಡೆಸುತ್ತಾರೆ.

ಇದನ್ನೂ ಓದಿ: VIDEO| ಬಿಗ್​​ಬಾಸ್​ ಮನೆಯಲ್ಲೇ ಲಿಪ್​ಲಾಕ್​​; ಒಬ್ಬರನೊಬ್ಬರು ತಬ್ಬಿಕೊಂಡು ಕ್ಯಾಮೆರಾ ಮುಂದೆ ಮೈ ಮರೆತ ಸ್ಪರ್ಧಿಗಳು!

ಅಂದಹಾಗೆ ಇದು ಅಲ್ಲಿನ ಸಂಪ್ರದಾಯವಂತೆ. ಹೊಸದಾಗಿ ಮದುವೆಯಾಗುವ ವಧು-ವರರ ತಲೆಯನ್ನು ಡಿಕ್ಕಿ ಹೊಡೆಸುವುದರ ಹಿಂದೆ ಒಳ್ಳೆಯ ಕಾರಣವಿದೆ ಎನ್ನುತ್ತಾರೆ. ಹಿಂದಿನಿಂದಲೂ ಇದು ನಡೆದುಕೊಂಡು ಬಂದಿದೆಯಂತೆ. ಸದ್ಯ ವೈರಲ್ ಆಗಿರುವ ವಿಡಿಯೋದಲ್ಲಿ ಡಿಕ್ಕಿ ಹೊಡೆದ ರಭಸಕ್ಕೆ ವಧು ಸ್ಥಳದಲ್ಲೇ ಕಣ್ಣೀರಾಕಿದ್ದಾಳೆ. ಈ ವೇಳೆ ವರ, ವಧುವನ್ನು ಸಮಾಧಾನ ಮಾಡಲು ಯತ್ನಿಸಿದ್ದಾನೆ. ಬಳಿಕ ಇಬ್ಬರು ಮನೆಯನ್ನು ಪ್ರವೇಶಿಸಿದ ದೃಶ್ಯ ವಿಡಿಯೋದಲ್ಲಿ ಇದೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು, ಈ ವಿಚಿತ್ರ ಸಂಪ್ರದಾಯವ ವಿರುದ್ಧ ಸಾಕಷ್ಟು ಟೀಕೆಗಳು ವ್ಯಕ್ತವಾಗಿದೆ. ಇದರ ಬೆನ್ನಲ್ಲೇ ರಾಜ್ಯ ಮಹಿಳಾ ಆಯೋಗ ಸಹ ಸುಮಟೋ ಪ್ರಕರಣ ದಾಖಲಿಸಿಕೊಂಡಿದ್ದು, ತಕ್ಷಣ ವರದಿಯನ್ನು ಸಲ್ಲಿಸುವಂತೆ ಕೊಲ್ಲೆಂಗೋಡ್​ ಠಾಣಾ ಪೊಲೀಸರಿಗೆ ಸೂಚನೆ ನೀಡಿದೆ.

ಜೂನ್​ 25ರಂದು ಪಲಕ್ಕಾಡ್​ನ ಪಲ್ಲಸ್ಸೇನಾ ಮೂಲದ ಸಚಿನ್​ ಮತ್ತು ಮುಕ್ಕಮ್​ ಮೂಲದ ಸಾಜ್ಲಾ ಮದುವೆಯಾದರು. ಈ ವಿಚಿತ್ರ ಆಚರಣೆಯ ವಿಡಿಯೋವನ್ನು ಸಾಜ್ಲಾ ಅವರು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಇದುವರೆಗೂ ಈ ವಿಡಿಯೋವನ್ನು 2 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಣೆ ಮಾಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/anna-bhagya-scheme-to-implement-tomorrow-the-money-will-be-credited-to-the-account-along-with-5-kg-of-rice

https://www.vijayavani.net/optical-illusion-can-spot-the-dog-in-this-picture-in-10-seconds-2

https://www.vijayavani.net/ocean-gate-restarts-expedition-to-titanic-debree