ಪಾಕಿಸ್ತಾನದಲ್ಲಿ ಪಬ್​ ಜಿ ನಿಷೇಧ​...: ಬ್ಯಾನ್​ ಮಾಡಲು ಪಿಟಿಎ ಕೊಟ್ಟ ಕಾರಣ ಏನು ಗೊತ್ತಾ?

ಇಸ್ಲಮಾಬಾದ್​: ಭಾರತ ಚೀನಾದ 59 ಆ್ಯಪ್​ಗಳನ್ನು ಬ್ಯಾನ್ ಮಾಡಿದ ಬೆನ್ನಲ್ಲೇ, ಪಾಕಿಸ್ತಾನ ಪಬ್​​ಜಿ ಆನ್​ಲೈನ್ ಆಟವನ್ನು ತಾತ್ಕಾಲಿಕವಾಗಿ ನಿಷೇಧಿಸಿದೆ.

ಪ್ಲೇಯರ್​ ಅನ್​​ನೌನ್ಸ್​ ಬ್ಯಾಟಲ್​ ಗ್ರೌಂಡ್​ (ಪಬ್​ಜಿ) ಸಿಕ್ಕಾಪಟೆ ಟ್ರೆಂಡ್​ನಲ್ಲಿರುವ ಆಟ. ಮಕ್ಕಳು, ಯುವಜನತೆ ಈ ಆಟಕ್ಕೆ ಅಡಿಕ್ಟ್​ ಆಗಿದ್ದಾರೆ. ​

ಇದೀಗ ಪಾಕಿಸ್ತಾನ ಟೆಲಿಕಮ್ಯೂನಿಕೇಶನ್​ ಅಥೊರಿಟಿ (ಪಿಟಿಎ) ಪಬ್​​ಜಿಯನ್ನು ನಿಷೇಧಿಸಿ ಆದೇಶ ಹೊರಿಡಿಸಿದೆ. ಪಬ್​​ ಜಿ ಅನೇಕರು ಅಡಿಕ್ಟ್​ ಆಗುತ್ತಿದ್ದಾರೆ. ಈ ಆಟದ ಚಟ ಅಂಟಿಸಿಕೊಳ್ಳುವವರ ಆರೋಗ್ಯ ಹಾಳಾಗುತ್ತಿದೆ ಎಂಬಂಥ ದೂರುಗಳು ಸಮಾಜದ ವಿವಿಧ ವರ್ಗಗಳಿಂದ ಬರುತ್ತಿವೆ. ಹಾಗಾಗಿ ಪಬ್​​ಜಿಯನ್ನು ತಾತ್ಕಾಲಿಕವಾಗಿ ನಿಷೇಧಿಸುತ್ತಿದ್ದೇವೆ ಎಂದು ಪಿಟಿಎ ತಿಳಿಸಿದೆ. ಇದನ್ನೂ ಓದಿ: ನಾಯಿ ಮರಿಯನ್ನು ಹೊತ್ತೊಯ್ಯುತ್ತಿದ್ದ ಚಿರತೆ ಮೇಲೆ ಬೀದಿ ನಾಯಿಗಳ ದಾಳಿ; ಮರಿ ಬಿಟ್ಟು ಓಡಿದ ಚಿರತೆ

ಮಕ್ಕಳು, ಯುವಜನತೆ ಪಬ್​ ಜಿಗೆ ತುಂಬ ಅಂಟಿಕೊಳ್ಳುತ್ತಿದ್ದಾರೆ. ಇದರಿಂದಾಗಿ ಸಮಯ ಹಾಳು ಮಾಡುತ್ತಿದ್ದಾರೆ. ಅಷ್ಟೇ ಅಲ್ಲ ಅವರು ಮಾನಸಿಕವಾಗಿ ಕುಗ್ಗುತ್ತಿದ್ದಾರೆ. ಈ ಎಲ್ಲ ಕೆಟ್ಟ ಅಂಶಗಳನ್ನು ಪಿಟಿಎ ಪರಿಗಣಿಸಿ ನಿಷೇಧದ ನಿರ್ಧಾರಕ್ಕೆ ಬಂದಿದೆ ಎಂದು ಹೇಳಿಕೆಯಲ್ಲಿ ಉಲ್ಲೇಖಿಸಿದೆ.

ಪಾಕಿಸ್ತಾನದಲ್ಲಿ ಪಬ್​​ಜಿಯಿಂದಾಗಿ ಆತ್ಮಹತ್ಯೆ ಪ್ರಕರಣಗಳು ಹೆಚ್ಚುತ್ತಿವೆ. ಪಬ್​​ಜಿ ಚಟಕ್ಕಂಟಿದ ಅನೇಕ ಮಕ್ಕಳು, ಯುವಜನತೆ ಸೂಸೈಡ್​ ಮಾಡಿಕೊಳ್ಳುತ್ತಿದ್ದಾರೆ. ಇತ್ತೀಚೆಗೆ 16 ವರ್ಷದ ಬಾಲಕನೋರ್ವ ಕೂಡ ಪಬ್​​ಜಿಗೆ ಅಡಿಕ್ಟ್ ಆಗಿ ಬಳಿಕ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಹಲವು ಪ್ರಕರಣಗಳ ವಿಚಾರಣೆ ಲಾಹೋರ್​ ಹೈಕೋರ್ಟ್​ನಲ್ಲಿ ನಡೆಯುತ್ತಿದೆ. ಹಾಗಾಗಿ ಪಬ್​ ಜಿ ನಿಷೇಧದ ಮಹತ್ವದ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಪಾಕ್​ ತಿಳಿಸಿದೆ. (ಏಜೆನ್ಸೀಸ್​)

https://www.vijayavani.net/woman-has-a-live-cockroach-pulled-out-of-her-ear-after-the-bug-crawled-into-her-head-when-she-was-sleeping/