ಭಯೋತ್ಪಾದನೆಯೂ ಸೇರಿದಂತೆ ಎಲ್ಲ ವಿಷಯಗಳಲ್ಲಿಯೂ ವಿಶ್ವ ಸಮುದಾಯಕ್ಕೆ ಸುಳ್ಳು ಹೇಳುವುದನ್ನೇ ಕೆಲಸ ಮಾಡಿಕೊಂಡಿರುವ ಪಾಕ್ ಸರ್ಕಾರ ಕರೊನಾ ಸಾವಿನ ವಿಷಯದಲ್ಲಿಯೂ ಸುಳ್ಳು ಹೇಳುತ್ತಿರಬಹುದೇ? ಹೌದು ಎನ್ನುತ್ತಿವೆ ಮಾಧ್ಯಮ ವರದಿಗಳು. ಪಾಕಿಸ್ತಾನದಿಂದಲೇ ಪ್ರಕಟವಾಗುವ ಇಂಗ್ಲಿಷ್ ಪತ್ರಿಕೆಯೊಂದರ ಪ್ರಕಾರ, ಕಳೆದ 42 ದಿನಗಳಲ್ಲಿ ಪಾಕಿಸ್ತಾನದಲ್ಲಿ ಕರೊನಾದಿಂದ ಮೃತಪಟ್ಟವರ ಸಂಖ್ಯೆ 3265! ಕರಾಚಿಯಲ್ಲಿನ ಅಂತ್ಯಸಂಸ್ಕಾರ ಸ್ಥಳದಲ್ಲಿ ಕಳೆದ 42 ದಿನಗಳಲ್ಲಿ ಒಟ್ಟು 3,265 ಶವಗಳನ್ನು ದನ್ ಮಾಡಲಾಗಿದೆ ಎನ್ನುತ್ತಿದೆ ಈ ವರದಿ. ಆದರೆ ಪಾಕಿಸ್ತಾನದ ಸರ್ಕಾರ ಅಧಿಕೃತವಾಗಿ ಹೇಳುವುದು - ಸುಮಾರು 7 ಸಾವಿರ ಜನರು ಸೋಂಕಿಗೆ ಒಳಗಾಗಿದ್ದು, ಮೃತರ ಸಂಖ್ಯೆ 143 ಮಾತ್ರ ಎಂದು!
