ಸದ್ಯ ವೈರಲ್ ಆಗಿರುವ ಫೋಟೋದಲ್ಲಿ ನದಿ ಅಥವಾ ಕೆರೆಯೊಂದರ ತೀರ ಪ್ರದೇಶವನ್ನು ಕಾಣಬಹುದು. ತೇವಯುತ ಮಣ್ಣಿನ ಮೇಲೆ ಎಲೆಗಳು ಬಿದ್ದಿವೆ ಮತ್ತು ಕಲ್ಲುಗಳು ಸಹ ಇವೆ. ಇವುಗಳ ನಡುವೆ ಒಂದು ಹಾವು ಇದೆ. ಆ ಹಾವು ಎಲ್ಲಿದೆ ಎಂಬುದನ್ನು ಪತ್ತೆಹಚ್ಚಬೇಕು. ಆದರೆ, ಪತ್ತೆಹಚ್ಚುವುದು ಅಷ್ಟು ಸುಲಭವಲ್ಲ. ಏಕೆಂದರೆ, ಫೋಟೋದಲ್ಲಿರುವ ವಸ್ತುಗಳ ಬಣ್ಣ ಹಾಗೂ ಹಾವಿನ ಒಂದಕ್ಕೊಂದು ಸಾಮ್ಯತೆ ಇದ್ದು ನೋಡುಗರನ್ನು ಗೊಂದಲಕ್ಕೆ ದೂಡುತ್ತಿದೆ. ಹೀಗಾಗಿ ಮೊದಲ ನೋಟದಲ್ಲಿ ಹಾವು ಎಲ್ಲಿದೆ ಎಂಬುದು ಗೊತ್ತಾಗುವುದಿಲ್ಲ. ಆದರೆ, ಸೂಕ್ಷ್ಮವಾಗಿ ಗಮನಿಸಿದರೆ ಹಾವು ಎಲ್ಲಿದೆ ಎಂಬುದನ್ನು ಪತ್ತೆಹಚ್ಚಬಹುದು. ನಿಮಗೆ 10 ಸೆಕೆಂಡ್ ಸಮಯ ಕೊಡಲಾಗುತ್ತದೆ. ಅಷ್ಟರಲ್ಲಿ ನೀವು ಫೋಟೋದಲ್ಲಿ ಹಾವು ಎಲ್ಲಿದೆ ಎಂಬುದನ್ನು ಪತ್ತೆ ಹಚ್ಚಬೇಕು. ನಿಮ್ಮ ಸಮಯ ಈಗ ಶುರು.
