ಈ ಮರದ 10 ಗ್ರಾಂ ತುಂಡಿಗೆ 1 ಕೆಜಿ ಚಿನ್ನ ಖರೀದಿಸಬಹುದು! ಭಾರತದಲ್ಲೂ ಇದೆ, ಗಲ್ಫ್​ನಲ್ಲಿ ಭಾರಿ ಡಿಮ್ಯಾಂಡ್​ | Gold

Gold : ಚಿನ್ನದ ಬೆಲೆ ದಿನದಿಂದ ದಿನಕ್ಕೆ ಏರುತ್ತಿದೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚಿನ್ನದ ಬೆಲೆ ಪ್ರತಿ ಔನ್ಸ್‌ಗೆ 3,085 ಡಾಲರ್​ ತಲುಪಿದೆ. ಭಾರತದಲ್ಲೂ ಚಿನ್ನ ದುಬಾರಿಯಾಗಿದೆ. 10 ಗ್ರಾಂ 24 ಕ್ಯಾರೆಟ್​ ಚಿನ್ನದ ಬೆಲೆ 90 ಸಾವಿರ ದಾಟಿದೆ. ಸದ್ಯ ಅತ್ಯಂತ ದುಬಾರಿ ವಸ್ತು ಯಾವುದೆಂದರೆ ಅದು ಚಿನ್ನ. ಆದರೆ, ಚಿನ್ನಕ್ಕಿಂತಲೂ ಹೆಚ್ಚು ದುಬಾರಿಯಾದ ಮರವೊಂದಿರುವುದು ನಿಮಗೆ ತಿಳಿದಿದೆಯೇ? ಅಚ್ಚರಿ ಎನಿಸಿದರೂ ಇದುವೇ ಸತ್ಯ.

ಹೌದು, ನೀವು ಈ ಮರದ ಕೇವಲ 10 ಗ್ರಾಂ ತುಂಡನ್ನು ಮಾರಾಟ ಮಾಡಿದರೆ ಸಾಕು ನೀವು 10 ಕೆಜಿ ಚಿನ್ನವನ್ನು ಖರೀದಿಸುವಷ್ಟು ಹಣ ಸಿಗುತ್ತದೆ. ಅಷ್ಟಕ್ಕೂ ಯಾವುದು ಆ ಮರ? ಅಷ್ಟೊಂದು ದುಬಾರಿ ಏಕೆ? ಆ ಮರದಲ್ಲಿ ಅಂಥದ್ದೇನಿದೆ? ಆ ಮರ ಎಲ್ಲಿ ಸಿಗುತ್ತದೆ? ಎಂಬ ನಿಮ್ಮ ಪ್ರಶ್ನೆಗಳಿಗೆ ಉತ್ತರ ಇಲ್ಲಿದೆ.

ಈ ಅಪರೂಪದ ಮರವು ಕೈನಮ್ ಎಂದು ಕರೆಯಲ್ಪಡುವ ಅಗರ್‌ವುಡ್ ಜಾತಿಯಾಗಿದೆ. ಇದನ್ನು ವಿಶ್ವದ ಅತ್ಯಂತ ದುಬಾರಿ ಮರವೆಂದು ಪರಿಗಣಿಸಲಾಗಿದೆ ಮತ್ತು ಇದನ್ನು ದೇವರುಗಳ ಮರ ಎಂದೂ ಕರೆಯುತ್ತಾರೆ. ಈ ಅಗರ್‌ವುಡ್ ಮರವು ಸಾಮಾನ್ಯವಾಗಿ ಆಗ್ನೇಯ ಏಷ್ಯಾ, ಭಾರತ, ಚೀನಾ ಮತ್ತು ಮಧ್ಯಪ್ರಾಚ್ಯದಲ್ಲಿ ಕಂಡುಬರುತ್ತದೆ.

ಸುಗಂಧ ದ್ರವ್ಯ ಉದ್ಯಮದಲ್ಲಿ ಇದಕ್ಕೆ ಹೆಚ್ಚಿನ ಬೇಡಿಕೆಯಿದೆ. 10 ಗ್ರಾಂ ಕೈನಮ್ ಅನ್ನು 85.63 ಲಕ್ಷ ರೂ.ಗೆ ಮಾರಾಟ ಮಾಡಲಾಗಿದೆ ಎಂದು ಅಲ್ ಜಜೀರಾ ವರದಿ ಮಾಡಿದೆ. 16 ಕೆಜಿ ತೂಕದ 600 ವರ್ಷ ಹಳೆಯ ಮರದ ತುಂಡು 171 ಕೋಟಿ ರೂ.ಗೆ ಮಾರಾಟವಾಗಿದೆ.

ಇದನ್ನೂ ಓದಿ: ಈರುಳ್ಳಿ ಕತ್ತರಿಸುವಾಗ ಕಣ್ಣೀರು ಬರದಂತೆ ತಡೆಯಬೇಕೇ? ಈ ಒಂದು ವಸ್ತು ಇದ್ರೆ ಸಾಕು! Onion

ಯಾಕಿಷ್ಟು ದುಬಾರಿ?

ಒಂದು ನಿರ್ದಿಷ್ಟ ರೀತಿಯ ಸೋಂಕು ಮರವನ್ನು ಬಾಧಿಸಿದಾಗ, ಅದು ನೈಸರ್ಗಿಕವಾಗಿ ಗಾಢವಾದ, ಪರಿಮಳಯುಕ್ತ ರಾಳವನ್ನು ಉತ್ಪಾದಿಸುತ್ತದೆ. ಇದು ಮರಕ್ಕೆ ಅಸಾಮಾನ್ಯ ಸುವಾಸನೆಯನ್ನು ನೀಡುತ್ತದೆ. ಈ ಪ್ರಕ್ರಿಯೆಯು ದಶಕಗಳನ್ನು ತೆಗೆದುಕೊಳ್ಳುತ್ತದೆ. ಆದಾಗ್ಯೂ, ಮರವು ಈ ರಾಳವನ್ನು ಸಂಪೂರ್ಣವಾಗಿ ಉತ್ಪಾದಿಸುವುದಿಲ್ಲ. ಈ ರಾಳವು ಮರದ ಒಂದು ಬದಿಯಿಂದ ಮಾತ್ರ ಉತ್ಪತ್ತಿಯಾಗುತ್ತದೆ.

ಈ ಮರಕ್ಕೆ ಗಲ್ಫ್ ದೇಶಗಳಲ್ಲಿ ಹೆಚ್ಚು ಬೇಡಿಕೆಯಿದೆ. ಈ ಮರವು ವಿಶೇಷ ಪರಿಮಳವನ್ನು ಹೊಂದಿರುತ್ತದೆ ಮತ್ತು ಕೊರಿಯಾದಲ್ಲಿ ಸಾಂಪ್ರದಾಯಿಕ ವೈನ್ ತಯಾರಿಕೆಯಲ್ಲಿಯೂ ಬಳಸಲಾಗುತ್ತದೆ. ಭಾರತದಲ್ಲಿ, ಈ ಮರವು ಅಸ್ಸಾಂನಲ್ಲಿ ಕಂಡುಬರುತ್ತದೆ. ವಾಣಿಜ್ಯ ಉದ್ದೇಶಗಳಿಗಾಗಿ ಇದನ್ನು ಅಸ್ಸಾಂನಲ್ಲಿ ದೊಡ್ಡ ಪ್ರಮಾಣದಲ್ಲಿ ಬೆಳೆಸಲಾಗುತ್ತದೆ. (ಏಜೆನ್ಸೀಸ್​)

https://www.vijayavani.net/unable-to-perform-navratri-puja-due-to-menstruation-young-woman-commits-suicide-in-despair

https://www.vijayavani.net/nz-vs-pak-power-cut-while-bowling-pak-batter-panics-video-goes-viral