ಜನಸಂಚಾರ ನಿರ್ಬಂಧ: ಒಮನ್ನಲ್ಲಿ ಶಾಲಾ -ಕಾಲೇಜುಗಳನ್ನು ಮುಚ್ಚಲಾಗಿದೆ. ಸಣ್ಣ ಅಂಗಡಿ, ಕ್ಷೌರದ ಅಂಗಡಿ, ಫೋಟೋ ಸ್ಟುಡಿಯೋ, ಬೇಕರಿ ಮುಂತಾದವುಗಳೂ ಮುಚ್ಚಲ್ಪಟ್ಟಿವೆ. ದೊಡ್ಡ ಮಾಲ್ಗಳು ಕಾರ್ಯಾಚರಿಸುತ್ತಿವೆಯಾದರೂ, ವ್ಯಾಪಾರ ಕಡಿಮೆ. ಮಾಲ್ ಒಳಗೆ ಜನರನ್ನು ಬಿಡಿಬಿಡಿಯಾಗಿ ಬಿಡಲಾಗುತ್ತಿದೆ. ಒಳಗೆ ಪ್ರವೇಶಿಸುವ ಮೊದಲು ಪ್ರತಿಯೊಬ್ಬರ ಥರ್ಮಲ್ ಸ್ಕ್ಯಾನಿಂಗ್ ತಪಾಸಣೆ ನಡೆಸಲಾಗುತ್ತಿದೆ. ಜ್ವರ ಅಥವಾ ಸೋಂಕಿನ ಯಾವುದೇ ಲಕ್ಷಣ ಇದ್ದವರಿಗೆ ಪ್ರವೇಶವಿಲ್ಲ. ಮಾಲ್ಗೆ ಪ್ರವೇಶಿಸಿದವರು ನಿಗದಿತ ಅವಧಿಯೊಳಗೆ ವಾಪಸ್ ಬರಬೇಕು. ಕರೊನಾ ಸೋಂಕಿನಿಂದ ಒಬ್ಬರು ಮೃತಪಟ್ಟ ಪ್ರದೇಶದ ಸುತ್ತ 4 ಕಡೆ ನಿರ್ದಿಷ್ಟ ಕಾಲಾವಧಿ ತನಕ ಸಾರ್ವಜನಿಕರ ಓಡಾಟ ನಿರ್ಬಂಧಿಸಲಾಗಿದೆ. ಯಾರಾದರೂ ತುರ್ತು ಹೊರಹೋಗಲು ಅವರು ದುಡಿಯುತ್ತಿರುವ ಕಂಪನಿಯ ಅಧಿಕೃತ ಪತ್ರ ಜತೆಗಿರಬೇಕು.
