ಫ್ರಿಜ್ಜಲ್ಲಿ ವೃದ್ಧನ ಶವ ಪತ್ತೆ! ಮೊಮ್ಮಗ ಕೊಟ್ಟ ಕಾರಣಕ್ಕೆ ಪೊಲೀಸರು ತಬ್ಬಿಬ್ಬು

ಹೈದರಾಬಾದ್​: ಯುವಕನೊಬ್ಬ ಮೃತ ತಾತನ ಶವವನ್ನು ಫ್ರಿಜ್​ನಲ್ಲಿಟ್ಟುಕೊಂಡಿದ್ದ ವಿಚಿತ್ರ ಘಟನೆ ತೆಲಂಗಾಣದ ವಾರಂಗಲ್​ ಜಿಲ್ಲೆಯಿಂದ ವರದಿಯಾಗಿದೆ. ನೆರೆಹೊರೆಯವರು ದುರ್ವಾಸನೆಯ ಬಗ್ಗೆ ದೂರು ನೀಡಿದ ಮೇಲೆ ಈ ಸಂಗತಿ ಬೆಳಕಿಗೆ ಬಂದಿದೆ.

ವಾರಂಗಲ್‌ನ ಪರ್ಕಳದಲ್ಲಿ ನಿಖಿಲ್​(23) ಎಂಬುವ ತನ್ನ 93 ವರ್ಷದ ತಾತನ ಜೊತೆ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದ. ತಾತನ ಪೆನ್ಷನ್​​ ಮೇಲೆ ಅವರ ಜೀವನ ಸಾಗುತ್ತಿತ್ತು ಎನ್ನಲಾಗಿದೆ. ಇತ್ತೀಚೆಗೆ ಅವರ ಮನೆಯಿಂದ ದುರ್ವಾಸನೆ ಬರಲು ಆರಂಭವಾದ್ದರಿಂದ ನೆರೆಹೊರೆಯ ಜನ ದೂರು ನೀಡಿದರು. ಪೊಲೀಸರು ಮನೆಯ ಶೋಧ ನಡೆಸಿದಾಗ ಫ್ರಿಜ್ಜಿನಲ್ಲಿ ವೃದ್ಧನ ಶವ ಕೊಳೆಯುತ್ತಿರುವುದು ಕಂಡುಬಂತು.

ಇದನ್ನೂ ಓದಿ: ವಿಶ್ವ ಅಂಗಾಂಗ ದಾನ‌‌ ದಿನಾಚರಣೆ, ಅಂಗಾಂಗ ದಾನಕ್ಕೆ ನಿರ್ಧರಿಸಿದ ಸಿಎಂ ಬೊಮ್ಮಾಯಿ‌

ತನ್ನ ತಾತ ಹಲವು ದಿನಗಳಿಂದ ಹಾಸಿಗೆ ಹಿಡಿದಿದ್ದು, ಮೂರು ದಿನಗಳ ಹಿಂದೆ ಮೃತಪಟ್ಟರು. ಅವರ ಅಂತ್ಯಸಂಸ್ಕಾರ ಮಾಡಲು ತನ್ನ ಬಳಿ ಹಣವಿಲ್ಲದ್ದರಿಂದ ಶವವನ್ನು ಬೆಡ್​ಶೀಟಿನಲ್ಲಿ ಸುತ್ತಿ ಫ್ರಿಜ್​​ನಲ್ಲಿಟ್ಟಿದ್ದಾಗಿ ನಿಖಿಲ್ ಪೊಲೀಸರಿಗೆ ತಿಳಿಸಿದ್ದಾನೆ ಎನ್ನಲಾಗಿದೆ.

ವೃದ್ಧನ ಸಾವು ಯಾವಾಗ ಸಂಭವಿಸಿತು ಮತ್ತು ಯುವಕನು ತನ್ನ ತಾತನ ಪೆನ್ಷನ್​ ನಿಲ್ಲದಿರಲಿ ಎಂಬ ಕಾರಣಕ್ಕೆ ದೇಹವನ್ನು ಮುಚ್ಚಿಟ್ಟಿದ್ದನೇ ಎಂಬ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಪರ್ಕಳ ಪೊಲೀಸ್​ ಠಾಣೆಯಲ್ಲಿ ಅನುಮಾನಾಸ್ಪದ ಸಾವಿನ ಪ್ರಕರಣ ದಾಖಲಿಸಲಾಗಿದೆ. (ಏಜೆನ್ಸೀಸ್)

https://www.vijayavani.net/six-karnataka-cops-get-national-medals-of-honour/

https://www.vijayavani.net/dont-give-guard-of-honour-in-airports-says-cm-bommai/