ಚಿನ್ನ ಮಾತ್ರವಲ್ಲ, ಬೆಳ್ಳಿಯ ಶುದ್ಧತೆ ಪರಿಶೀಲನೆ ಕೂಡ ಈಗ ಸುಲಭ! ಹೇಗೆ ಅಂತೀರಾ? ಇಲ್ಲಿದೆ ಮಾಹಿತಿ | Silver Purity

Silver Purity: ಕೇಂದ್ರ ಸರ್ಕಾರವು ಬೆಳ್ಳಿ ಆಭರಣಗಳು ಮತ್ತು ವಸ್ತುಗಳ ಹಾಲ್‌ಮಾರ್ಕಿಂಗ್ ಅನ್ನು ಪರಿಚಯಿಸುವುದಾಗಿ ಘೋಷಿಸಿದೆ. ಇದೀಗ, ಇದನ್ನು ಸ್ವಯಂಪ್ರೇರಿತ ಆಧಾರದ ಮೇಲೆ ಪರಿಚಯಿಸಲಾಗಿದೆ. ಈ ನಿರ್ಧಾರ ಇದೇ ಸೆಪ್ಟೆಂಬರ್ 1ರಿಂದ ಜಾರಿಗೆ ಬಂದಿದೆ. ಲೋಹಗಳ ಶುದ್ಧತೆಯನ್ನು ಪರಿಶೀಲಿಸಲು ಗ್ರಾಹಕರು ಈ ಡಿಜಿಟಲ್ ಗುರುತಿನ ವ್ಯವಸ್ಥೆಯನ್ನು ಬಳಸಿಕೊಳ್ಳಬಹುದಾಗಿದೆ.

ಇದನ್ನೂ ಓದಿ: ಅನುಭವದ ಮೇಲೆ ತೀರ್ಮಾನ; EVM ಬದಲಿಗೆ ಬ್ಯಾಲೆಟ್ ಮೂಲಕ ಚುನಾವಣೆ ನಮ್ಮ ಉದ್ದೇಶ: CM

ಇದಕ್ಕಾಗಿ, ಭಾರತೀಯ ಮಾನದಂಡಗಳ ಬ್ಯೂರೋ (BIS) ತನ್ನ ಹಾಲ್‌ಮಾರ್ಕಿಂಗ್ ಮಾನದಂಡಗಳನ್ನು ಪರಿಷ್ಕರಿಸಿದೆ. ಈ ತಿದ್ದುಪಡಿಯು ಬೆಳ್ಳಿ ಆಭರಣಗಳು ಮತ್ತು ವಸ್ತುಗಳಿಗೆ ವಿಶಿಷ್ಟ ಗುರುತಿನ (HUID) ಆಧಾರಿತ ಹಾಲ್‌ಮಾರ್ಕಿಂಗ್ ಅನ್ನು ಪರಿಚಯಿಸಿದೆ. ಪ್ರತಿಯೊಂದು ಆಭರಣಕ್ಕೂ ವಿಶಿಷ್ಟ ಸಂಖ್ಯೆಯನ್ನು ನೀಡುವ ಮೂಲಕ, ಅದರ ಗುರುತಿಸುವಿಕೆ ಸುಲಭವಾಗುತ್ತದೆ ಎಂದು ವರದಿ ತಿಳಿಸಿದೆ. ಚಿನ್ನದ ಹಾಲ್‌ಮಾರ್ಕಿಂಗ್ ವ್ಯವಸ್ಥೆಯು ಈಗಾಗಲೇ ಜಾರಿಯಲ್ಲಿರುವ ಸಂಗತಿ ಬಹುತೇಕರಿಗೆ ಗೊತ್ತಿರುವ ವಿಷಯ.

ಗ್ರಾಹಕರು ಸೆಪ್ಟೆಂಬರ್ 1ರಿಂದ ಹಾಲ್‌ಮಾರ್ಕಿಂಗ್ ಮಾಡಿದ ಬೆಳ್ಳಿ ಆಭರಣಗಳ ಮೇಲಿನ ವಸ್ತುಗಳ ಪ್ರಕಾರ, ಶುದ್ಧತೆಯ ದರ್ಜೆ, ಹಾಲ್‌ಮಾರ್ಕಿಂಗ್ ದಿನಾಂಕ, ಪರೀಕ್ಷಾ ಕೇಂದ್ರದ ವಿವರಗಳು ಮತ್ತು ಆಭರಣ ನೋಂದಣಿ ಸಂಖ್ಯೆಯನ್ನು BIS ಕೇರ್ ಮೊಬೈಲ್ ಅಪ್ಲಿಕೇಶನ್ ಮೂಲಕ ಗುರುತಿಸಬಹುದು. ಪರಿಷ್ಕೃತ ಮಾನದಂಡದಲ್ಲಿ 7 ಶುದ್ಧತೆಯ ಶ್ರೇಣಿಗಳಿವೆ. ಅವು 800, 835, 925, 958, 970, 990, 999. ಇವುಗಳಲ್ಲಿ 958 ಮತ್ತು 999 ಅನ್ನು ಹೊಸದಾಗಿ ಸೇರ್ಪಡೆ ಮಾಡಲಾಗಿದೆ. ಹಾಲ್‌ಮಾರ್ಕ್ ಮೂರು ಭಾಗಗಳನ್ನು ಒಳಗೊಂಡಿದೆ. 'ಸಿಲ್ವರ್' ಎಂಬ ಪದವು ಬಿಐಎಸ್ ಪ್ರಮಾಣಿತ ಮುದ್ರೆ, ಶುದ್ಧತೆಯ ದರ್ಜೆ ಮತ್ತು ಎಚ್‌ಯುಐಡಿ ಕೋಡ್ ಜೊತೆಗಿರಲಿದೆ.

ಪ್ರಸ್ತುತ, ದೇಶದ 87 ಜಿಲ್ಲೆಗಳಲ್ಲಿ 230ಕ್ಕೂ ಹೆಚ್ಚು ಬೆಳ್ಳಿ ಆಭರಣ ಪರೀಕ್ಷೆ ಮತ್ತು ಹಾಲ್‌ಮಾರ್ಕಿಂಗ್ ಕೇಂದ್ರಗಳು ಬಿಐಎಸ್‌ನಿಂದ ಮಾನ್ಯತೆ ಪಡೆದಿವೆ. 2024-25ರ ಆರ್ಥಿಕ ವರ್ಷದಲ್ಲಿ, 3.2 ಮಿಲಿಯನ್‌ಗಿಂತಲೂ ಹೆಚ್ಚು ಬೆಳ್ಳಿ ಆಭರಣ ವಸ್ತುಗಳನ್ನು ಹಾಲ್‌ಮಾರ್ಕ್ ಮಾಡಲಾಗಿದೆ ಎಂದು ವರದಿ ಉಲ್ಲೇಖಿಸಿದೆ,(ಏಜೆನ್ಸೀಸ್).

https://www.vijayavani.net/yograj-singh-blames-ms-dhoni-and-virat-kohli