ಕಂಡುಹಿಡಿಯುವುದು ಹೇಗೆ?: ನಿಜವಾದ ಕ್ಯಾಪ್ಚಾ ಮತ್ತು ಫೇಕ್ ಕ್ಯಾಪ್ಚಾದ ವ್ಯತ್ಯಾಸ ಗುರುತಿಸುವುದು ಹೇಗೆ ಎಂಬ ಬಗ್ಗೆ ಸೈಬರ್ ತಜ್ಞರು ಕೆಲವು ಸಲಹೆ ನೀಡಿದ್ದಾರೆ. ನಿಜವಾದ ಕ್ಯಾಪ್ಚಾ ಕೇವಲ ವಿಶ್ವಾಸಾರ್ಹ, ನಿಮಗೆ ಗೊತ್ತಿರುವ ವೆಬ್ಸೈಟ್ಗಳಲ್ಲಿ ಮಾತ್ರ ಕಾಣಿಸಿಕೊಳ್ಳುತ್ತದೆ. ಚಿತ್ರಗಳನ್ನು ಆಯ್ಕೆ ಮಾಡುವುದು, ಪಠ್ಯ ಟೈಪ್ ಮಾಡುವುದು, ಬಾಕ್ಸ್ ಟಿಕ್ ಮಾಡುವುದು ಮುಂತಾದ ಸರಳ ಕೆಲಸಗಳನ್ನು ಒಳಗೊಂಡಿರುತ್ತದೆ. ಕ್ಯಾಪ್ಚಾ ಫೇಕ್ ಆಗಿದ್ದರೆ ಫೈಲ್ ಡೌನ್ಲೋಡ್ ಮಾಡಲು, ಸೂಚನೆಗಳಿಗೆ ಅನುಮತಿ ನೀಡಲು, ಓಕೆ ಬಟನ್ ಕ್ಲಿಕ್ ಮಾಡಲು, ಕಂಪ್ಯೂಟರ್ಗೆ ಕಮಾಂಡ್ಗಳನ್ನು ಪೇಸ್ಟ್ ಮಾಡಲು ಕೇಳುತ್ತದೆ. ಇವು ಸಾಮಾನ್ಯವಾಗಿ ಕಾಗುಣಿತ ತಪ್ಪುಗಳಿರುವ ಅಥವಾ ವಿಚಿತ್ರ ಡೊಮೇನ್ ಹೆಸರುಗಳಿರುವ ವೆಬ್ಸೈಟ್ಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ನಿಜವಾದ ಕ್ಯಾಪ್ಚಾ ಯಾವತ್ತೂ ಏನನ್ನೂ ಇನ್ಸ್ಟಾಲ್ ಮಾಡಲು, ಡೌನ್ಲೋಡ್ ಮಾಡಲು ಅಥವಾ ಸಿಸ್ಟೆಮ್ ಏನನ್ನೋ ಪೇಸ್ಟ್ ಮಾಡಲು ಸೂಚಿಸುವುದಿಲ್ಲ. ಆದ್ದರಿಂದ ಮುಂದಿನ ಬಾರಿ ‘ನಾನು ರೋಬಾಟ್ ಅಲ್ಲ’ ಎಂಬ ಬಾಕ್ಸ್ ಕಂಡಾಗ, ಅದನ್ನು ಎಚ್ಚರಿಕೆಯಿಂದ ಪರಿಶೀಲಿಸಿ ಎನ್ನುತ್ತಾರೆ ತಜ್ಞರು.
