ವಿಶ್ವ ಆರೋಗ್ಯ ಸಂಸ್ಥೆ ಮತ್ತು ಅಂತಾರಾಷ್ಟ್ರೀಯ ಕಾರ್ವಿುಕ ಸಂಘಟನೆಯ ಪ್ರಕಾರ ಹೆಚ್ಚಿನ ಅವಧಿಯ ಕೆಲಸದಿಂದ ಅತಿ ಹೆಚ್ಚು ಸಾವು ಸಂಭವಿಸುತ್ತಿರುವ ದೇಶಗಳ ಪೈಕಿ ಭಾರತವೂ ಒಂದು. 2020ರ ನೂತನ ಔದ್ಯೋಗಿಕ ಭದ್ರತೆ, ಆರೋಗ್ಯ ಮತ್ತು ಕೆಲಸದ ಪರಿಸ್ಥಿತಿ ಸಂಹಿತೆ ಪ್ರಕಾರ, ಕೆಲಸದ ಅವಧಿಯು ದಿನಕ್ಕೆ 8 ಗಂಟೆ, ವಾರಕ್ಕೆ 48 ಗಂಟೆ ನಿಗದಿ ಪಡಿಸಲಾಗಿದೆ. ಕೆಲವು ಕಂಪನಿಗಳು ಅಧಿಕ ಅವಧಿಗೆ ದುಡಿಸಿಕೊಂಡಲ್ಲಿ ಹೆಚ್ಚಿನ ವೇತನವನ್ನು ಪಾವತಿಸುತ್ತವೆ. ಆದರೆ, ಇಂದಿನ ದಿನಗಳಲ್ಲಿ ಉದ್ಯೋಗಿಯ ದೈಹಿಕ ಹಾಗೂ ಮಾನಸಿಕ ಆರೋಗ್ಯದ ಬಗ್ಗೆಯೂ ಉದ್ಯೋಗದಾತರು ಕಾಳಜಿ ವಹಿಸಬೇಕು. ಇಲ್ಲದಿದ್ದರೆ ಉತ್ಪಾದಕತೆ ಹೆಚ್ಚಿಸಲು ಸಾಧ್ಯವಿಲ್ಲ. ಅದೇನಿದ್ದರೂ, ಕೆಲಸದ ಅವಧಿಯ ಬಗ್ಗೆ ಜವಾಬ್ದಾರಿ ಸ್ಥಾನದಲ್ಲಿ ಇರುವವರು ಮನಸೋಇಚ್ಛೆ ಹೇಳಿಕೆ ನೀಡದಿರಲಿ.
