ಹಾಟ್​ಸ್ಪಾಟ್ ಜಿಲ್ಲೆಗಳಲ್ಲಿ ಸಡಿಲ ಬೇಡ : ರಾಜ್ಯ ಸರ್ಕಾರಕ್ಕೆ ತಜ್ಞರ ಸಮಿತಿಯಿಂದ ಶಿಫಾರಸು

ಬೆಂಗಳೂರು: ಕರೊನಾ ನಿಯಂತ್ರಿಸುವ ಸಲುವಾಗಿ ಘೋಷಿಸಲಾಗಿರುವ ದಿಗ್ಬಂಧನವನ್ನು ಏ. 15ರಂದು ಏಕಾಏಕಿ ತೆರವುಗೊಳಿಸದೆ, ಸೋಂಕಿಲ್ಲದ ಜಿಲ್ಲೆಗಳಲ್ಲಿ ಹಂತ ಹಂತವಾಗಿ ನಿರ್ಬಂಧ ಸಡಿಲಿಸುವಂತೆ ತಜ್ಞರ ಸಮಿತಿ ರಾಜ್ಯ ಸರ್ಕಾರಕ್ಕೆ ಶಿಫಾರಸು ಮಾಡಲಿದೆ.

ಕರೊನಾ ಹಾಟ್​ಸ್ಟಾಟ್ ಜಿಲ್ಲೆಗಳೆಂದು ಐದು ಜಿಲ್ಲೆಗಳನ್ನು ಗುರುತಿಸಿದ್ದು, ಅಲ್ಲಿ ಏಪ್ರಿಲ್ ಕೊನೆಯ ತನಕ ಯಥಾಸ್ಥಿತಿ ಮುಂದುವರಿಸುವಂತೆಯೂ ಸಮಿತಿ ಸೂಚಿಸಿದೆ.

ರಾಷ್ಟ್ರವ್ಯಾಪಿ ಘೊಷಣೆಯಾದ ಲಾಕ್ ಡೌನ್ ನಿಗದಿಯಂತೆ ಏ.14 ಕ್ಕೆ ಮುಕ್ತಾಯಗೊಳ್ಳಬೇಕು. ಆದರೆ, ಕರೊನಾ ಸೋಂಕು ದಿನೇದಿನೆ ವಿಸ್ತರಿಸುತ್ತಿರುವುದರಿಂದ ಲಾಕ್​ಡೌನ್ ಕೊನೆಗೊಳಿಸುವ ಬಗ್ಗೆಯೇ ಸರ್ಕಾರದ ಮಟ್ಟದಲ್ಲಿ ಅಭಿಪ್ರಾಯ ಭೇದಗಳಿವೆ.

ಲಾಕ್​ಡೌನ್ ಮುಂದುವರಿಸುವ ವಿಚಾರ ಈಗ ಸರ್ಕಾರ ರಚಿಸಿರುವ ಆರೋಗ್ಯ ತಜ್ಞರ ಸಮಿತಿಯ ಮುಂದಿದೆ. ಈ ಸಮಿತಿ ಲಾಕ್​ಡೌನ್ ಮುಂದುವರಿಸಬೇಕೆ ಅಥವಾ ಬೇಡವೇ ಎಂಬ ಬಗ್ಗೆ ಅಧ್ಯಯನ ನಡೆಸಿದ್ದು, ಬುಧವಾರ ಸರ್ಕಾರಕ್ಕೆ ತನ್ನ ವರದಿ ಸಲ್ಲಿಸಲಿದೆ. ವೈದ್ಯರಾದ ಡಾ. ಸಿ.ಎನ್. ಮಂಜುನಾಥ್, ಡಾ. ದೇವಿಶೆಟ್ಟಿ ಅವರನ್ನೊಳಗೊಂಡ ಐದು ಜನ ತಜ್ಞ ವೈದ್ಯರು ಸಮಿತಿಯಲ್ಲಿದ್ದಾರೆ.

ಸಂಭಾವ್ಯ ಸಲಹೆಗಳು

• ನೌಕರರಿಗೆ ಮನೆಯಿಂದಲೇ ಕೆಲಸ ಮಾಡುವಂತೆ ಐಟಿ/ಬಿಟಿ ಕಂಪನಿಗಳು ಮತ್ತು ಎಂಎನ್​ಸಿಎಸ್​ಗೆ ನಿರ್ದೇಶನ ನೀಡಬೇಕು
• ಹಾಟ್​ಸ್ಪಾಟ್​ಗಳಲ್ಲದ ಕೋವಿಡ್ -19 ಪ್ರಕರಣಗಳು ವರದಿಯಾಗದ ಪ್ರದೇಶಗಳಲ್ಲಿ ನಿರ್ಬಂಧಗಳನ್ನು ಹಂತ ಹಂತವಾಗಿ ತೆಗೆದುಹಾಕಬಹುದು
• ಹಾಟ್​ಸ್ಪಾಟ್ ಹಾಗೂ ನಾನ್ ಹಾಟ್ ಸ್ಪಾಟ್ ಜಿಲ್ಲೆಗಳಲ್ಲಿ ರಾಜ್ಯ, ಅಂತಾರಾಜ್ಯ ಸಮೂಹ ಸಾರಿಗೆ ಬಸ್ ಓಡಾಟಕ್ಕೆ ನಿರ್ಬಂಧ ಮುಂದುವರಿಕೆ
• ರೈಲು ಸಂಚಾರ ಕೂಡ ಕನಿಷ್ಠ ಏ.30 ರವರೆಗೆ ನಿರ್ಬಂಧ
• ಇಂಟರ್ ನ್ಯಾಷನಲ್ ಮತ್ತು ಡೊಮೆಸ್ಟಿಕ್ ವಿಮಾನ ಪ್ರಯಾಣ ನಿರ್ಬಂಧ ಮುಂದುವರಿಕೆ ಸೂಕ್ತ
• ಲಾಕ್ ಡೌನ್ ಸಂಪೂರ್ಣ ತೆಗೆದರೂ ಈಗಿರುವ ಮುನ್ನೆಚ್ಚರಿಕಾ ಕ್ರಮ ಮುಂದುವರಿಯಬೇಕು
• ಗಾರ್ವೆಂಟ್ಸ್ ಫ್ಯಾಕ್ಟರಿ ಸೇರಿದಂತೆ ಎಲ್ಲ ಕೈಗಾರಿಕೆಗಳು ಶೇ.50 ಕಾರ್ವಿುಕರನ್ನು ಬಳಸಿಕೊಂಡು ವಾರದ ರೊಟೇಷನ್ ಆಧಾರದಲ್ಲಿ ನಡೆಸಬಹುದು. ಅವರಿಗೆ ಸಲ್ಲಬೇಕಾದ ವೇತನ ಮತ್ತಿತರೆ ಸವಲತ್ತುಗಳಲ್ಲಿ ಯಾವುದೇ ಕಡಿತ ಮಾಡಬಾರದು. ಸಾಮಾಜಿಕ ಅಂತರ ಕಾಪಾಡಬೇಕು
• ಸೂಪರ್ ಮಾರ್ಕೆಟ್​ಗಳಲ್ಲಿ ಈಗಿರುವ ನಿಯಮಗಳನ್ನೇ ಇನ್ನು ಕೆಲ ಕಾಲ ಮುಂದುವರಿಸಬೇಕು
• ಸಾರ್ವಜನಿಕರು ಇನ್ನು ಎರಡು ವಾರ ಕಾಲ ಮಾಸ್ಕ್ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳಬೇಕು
• ಕ್ವಾರಂಟೈನ್ ನಲ್ಲಿ ಇರುವವರ ಮೇಲೆ ನಿರಂತರ ನಿಗಾ ಹಾಗೂ ಚಿಕಿತ್ಸೆ ಮುಂದುವರಿಸಬೇಕು
• ್ಞಆಸ್ಪತ್ರೆಯಲ್ಲಿ ವೈದ್ಯರು ಹಾಗೂ ಸಿಬ್ಬಂದಿ ಸಂಖ್ಯೆ ಹೆಚ್ಚಿಸಬೇಕು, ಆರೋಗ್ಯ ಸಿಬ್ಬಂದಿಗೆ ಪಿಪಿಇ ಕಿಟ್, ಮಾಸ್ಕ್ ಮತ್ತಿತರ ಅವಶ್ಯ ಸಾಮಗ್ರಿ ಪೂರೈಸಬೇಕು
• ಕರೊನಾ ರೋಗಿಗಳಿಗೆ ಚಿಕಿತ್ಸೆ ನೀಡುವ ವೈದ್ಯರ ವಾಸ್ತವ್ಯಕ್ಕೆ ಹೋಟೆಲ್ ವ್ಯವಸ್ಥೆ ಕಲ್ಪಿಸಬೇಕು.

https://www.vijayavani.net/lockdown-madhya-pradesh-child-naming/

https://www.vijayavani.net/mp-cops-enforcing-lockdown-stabbed-cm-shivraj-says-accused-to-be-booked-under-nsa/