ಮೈಚಾಂಗ್ ಚಂಡಮಾರುತ: ವಿಪತ್ತು ಪರಿಹಾರ ವಿಚಾರಕ್ಕೆ ವಿತ್ತ ಸಚಿವೆ ಮತ್ತು ಡಿಎಂಕೆ ಸರ್ಕಾರ ವಿರುದ್ಧ ಮಾತಿನ ಸಮರ!

ಚೆನ್ನೈ, ತಮಿಳುನಾಡು: ಕಳೆದ ಎರಡು ವಾರಗಳ ಹಿಂದೆ ಬಂಗಾಳಕೊಲ್ಲಿಯಲ್ಲಿ ತೀವ್ರವಾದ ಮೈಚಾಂಗ್ ಚಂಡಮಾರುತದ ಪರಿಣಾಮ ದಕ್ಷಿಣ ತಮಿಳುನಾಡಿನ ಹಲವು ಪ್ರದೇಶಗಳಲ್ಲಿ ನಿರಂತರವಾಗಿ ಭಾರೀ ಮಳೆ ಸುರಿಯಿತು. ಮಳೆಯ ಆರ್ಭಟಕ್ಕೆ ರಾಜ್ಯದ ಜನರು ತತ್ತರಿಸಿದ್ದು, ಪ್ರವಾಹ ಭೀತಿ ಎದುರಿಸಿದರು. ಈ ವೇಳೆ ಜನರ ಸುರಕ್ಷತೆಗೆ ಮುಂದಾದ ತಮಿಳುನಾಡು ಸರ್ಕಾರ, ಕೇಂದ್ರದಿಂದ ವಿಪತ್ತು ಪರಿಹಾರವನ್ನು ಕೇಳಿತ್ತು. ಇದೀಗ ಈ ವಿಚಾರಕ್ಕೆ ಸಂಬಂಧಿಸಿದಂತೆ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಹಾಗೂ ಡಿಎಂಕೆ ಸರ್ಕಾರದ ನಡುವೆ ಮಾತಿನ ಸಮರವೇ ನಡೆದಿದೆ.

ಇದನ್ನೂ ಓದಿ: ಲೋಕ ಕದನಕ್ಕೆ 9 ಸಚಿವರು? ಲೋಕಸಭೆ ಚುನಾವಣೆಯಲ್ಲಿ ಬಿಜೆಪಿ ಮಣಿಸಲು ಕಾಂಗ್ರೆಸ್ ಪ್ಲ್ಯಾನ್​

ಇತ್ತೀಚೆಗೆ ಸಂಭವಿಸಿದ ಪ್ರವಾಹದಲ್ಲಿ ಸಾವನ್ನಪ್ಪಿದವರ ಸಂಖ್ಯೆ 35ಕ್ಕೆ ಏರಿದ್ದು, ಕೇಂದ್ರ ಸರ್ಕಾರದೊಡನೆ ಈ ವಿಷಯ ಪ್ರಸ್ತಾಪಿಸಿದ ತಮಿಳುನಾಡು ಸಿಎಂ ಎಂ.ಕೆ. ಸ್ಟಾಲಿನ್, ಶೀಘ್ರವೇ ರಾಜ್ಯಕ್ಕೆ ವಿಪತ್ತು ಪರಿಹಾರ ಹಣವನ್ನು ಬಿಡುಗಡೆಗೊಳಿಸಬೇಕು ಎಂದು ಮನವಿ ಮಾಡಿದ್ದರು. ಆದ್ರೆ, ಇದೀಗ ಕೇಂದ್ರ ಹಣಕಾಸು ಸಚಿವರು ಇದನ್ನು ಗಂಭೀರವಾಗಿ ತಿರಸ್ಕರಿಸಿದ್ದಾರೆ.

ಈ ಬಗ್ಗೆ ಮಾತನಾಡಿದ ನಿರ್ಮಲಾ ಸೀತಾರಾಮನ್, "ಪ್ರವಾಹ ಪರಿಸ್ಥಿತಿಯನ್ನು ನಿಭಾಯಿಸುವಲ್ಲಿ ತಮಿಳುನಾಡು ಸರ್ಕಾರ ವಿಫಲಗೊಂಡಿದೆ. ಮೈಚಾಂಗ್ ಚಂಡಮಾರುತದ ಬಗ್ಗೆ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುವಲ್ಲಿ ಸರ್ಕಾರ ಎಡವಿದೆ" ಎಂದು ಹೇಳಿದರು. ವಿತ್ತ ಸಚಿವೆಯ ಹೇಳಿಕೆಗೆ ಆಕ್ಷೇಪ ವ್ಯಕ್ತಪಡಿಸಿದ ತಮಿಳುನಾಡು ಹಣಕಾಸು ಸಚಿವ ತಂಗಂ ತೆನ್ನರಸು, "ವಿಪತ್ತಿನ ತೊಂದರೆಯಲ್ಲಿದ್ದ ಜನರನ್ನು ಸಚಿವರು ಅವಮಾನಿಸಿದ್ದಾರೆ. ಅವರು ಬಳಸಿದ ಪದಗಳು ರಾಜ್ಯದ ಜನತೆಗೆ ಅವಮಾನ ಮಾಡಿದೆ" ಎಂದು ನೇರ ವಾಗ್ದಾಳಿ ನಡೆಸಿದರು.

ಇದನ್ನೂ ಓದಿ:  ಭಾರತ ವಿರುದ್ಧ ಸರಣಿಯ ಬಳಿಕ ದಕ್ಷಿಣ ಆಫ್ರಿಕಾ ಮಾಜಿ ನಾಯಕ ಡೀನ್​ ಎಲ್ಗರ್​ ವಿದಾಯ

ಸದ್ಯ ನಿರ್ಮಲಾ ಸೀತಾರಾಮನ್ ಅವರ ಹೇಳಿಕೆಯನ್ನು ಖಂಡಿಸಿರುವ ತಮಿಳುನಾಡು ಸರ್ಕಾರ, ಸಚಿವರ ವಿರುದ್ಧ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದೆ,(ಏಜೆನ್ಸೀಸ್).

https://www.vijayavani.net/manipur-now-operational-additional-security-deployed