ಪ್ರಿಯಕರನ ಮೇಲೆ ಸೇಡು ತೀರಿಸಿಕೊಳ್ಳಲು ಸೂಪ್​ಗೆ ವಿಷ ಹಾಕಿ ಐವರನ್ನು ಕೊಂದ ಯುವತಿ! Girl Take Revenge

ನೈಜೀರಿಯಾ: ( Girl Take Revenge ) ಸಾಮಾನ್ಯವಾಗಿ ಯಾರಾದರೂ ಕೆಟ್ಟದ್ದನ್ನು ಮಾಡಿದಾಗ, ಅವರಿಗೆ ಸೇಡು ತೀರಿಸಿಕೊಳ್ಳುವ ಆಲೋಚನೆ ಬರುತ್ತದೆ ಮತ್ತು ಅವರಿಗೆ ಅವಕಾಶ ಸಿಕ್ಕ ತಕ್ಷಣ, ಅವರು ತಮಗೆ ಮಾಡಿದ ಅವಮಾನಕ್ಕೆ ಪ್ರತೀಕಾರ ತೀರಿಸಿಕೊಳ್ಳಲು ಯೋಚಿಸುತ್ತಾರೆ. ಅಂತಹ ಒಂದು ಘಟನೆ ಪ್ರಸ್ತುತ ಸಾರ್ವಜನಿಕ ಚರ್ಚೆಯ ವಿಷಯವಾಗಿದೆ. ತನ್ನ ಪ್ರಿಯಕರನನ್ನು ಕೊಂದ ನಂತರ ಮಹಿಳೆ ಇತರ ನಾಲ್ವರನ್ನು ಕೊಂದಿದ್ದಾಳೆ.ಈ ಭಯಾನಕ ಘಟನೆ ನಡೆದಿರುವುದು ನೈಜೀರಿಯಾದಲ್ಲಿ.

ಎಡೋ ರಾಜ್ಯದ ಮನೆಯೊಂದರ ಕೊಠಡಿಯಲ್ಲಿ 5 ಮೃತ ದೇಹಗಳು ಪತ್ತೆಯಾಗಿವೆ. ಈ ಘಟನೆಯಲ್ಲಿ ಅಸಲಿ ಸತ್ಯ ಹೊರ ಬಿದ್ದಾಗ ಅಲ್ಲಿದ್ದವರು ಬೆಚ್ಚಿಬಿದ್ದರು. ಐದು ಜನರ ಸಾವಿಗೆ ಯುವತಿಯೇ ಕಾರಣ ಎಂದು ಹೇಳಲಾಗುತ್ತಿದೆ.

ವರದಿಯ ಪ್ರಕಾರ, 16 ವರ್ಷದ ಬಾಲಕಿ ಆಯಿಷಾ ಸುಲೇಮಾನ್ ಐದು ಜನರನ್ನು ಕೊಲ್ಲಲು ಬಯಸಲಿಲ್ಲ. ಆದರೆ ಅವಳು ತನ್ನ ಪ್ರೇಮಿಯನ್ನು ಮಾತ್ರ ಕೊಲ್ಲಲು ಬಯಸಿದ್ದಳು. ಉಳಿದ ನಾಲ್ವರು  ಸಾವನ್ನಪ್ಪಿದ್ದಾರೆ. ಮೃತರಲ್ಲಿ ಇಬ್ಬರು ಸಹೋದರರು ಮತ್ತು ಬಾಲಕಿ ಸೇರಿದಂತೆ ಇತರ ಮೂವರು ಸ್ನೇಹಿತರು ಎಂದು ತಿಳಿದುಬಂದಿದೆ.

ಕೆಲ ದಿನಗಳ ಹಿಂದೆ  ಯುವತಿ ತನ್ನ ಪ್ರೇಮಿಯಿಂದ ದೂರವಾಗಿದ್ದಳು. ಇದರಿಂದ ಯುವತಿ ತುಂಬಾ ಕೋಪಗೊಂಡಿದ್ದಳು. ಇದಲ್ಲದೆ, ಅವಳು ತನ್ನ ಮಾಜಿ ಪ್ರೇಮಿಯ ಮೇಲೆ ಸೇಡು ತೀರಿಸಿಕೊಳ್ಳಲು ಬಯಸಿದ್ದಳು. ಇದಕ್ಕಾಗಿ ಆಕೆ ತನ್ನ ಮಾಜಿ ಪ್ರಿಯಕರ ಕುಡಿಯುತ್ತಿದ್ದ ಕರಿಮೆಣಸಿನ ಸೂಪ್​ಗೆ ವಿಷ ಸೇರಿಸಿದ್ದಾಳೆ.

ಗೆಳೆಯನಿಗೆ ಸೂಪ್ ನಲ್ಲಿ ವಿಷವಿರುವುದು ಗೊತ್ತಿರಲಿಲ್ಲ. ಆದ್ದರಿಂದ ಅವರು ಈ ಸೂಪ್ ಅನ್ನು ತಮ್ಮ ಇತರ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾನೆ. ಆ ನಂತರ ಈ ಸೂಪ್ ಕುಡಿದ ನಾಲ್ವರು ಕೂಡ ಸಾವನ್ನಪ್ಪಿದ್ದಾರೆ. ನಂತರ ನೈಜೀರಿಯಾ ಸೇನೆ ಯುವತಿಯನ್ನು ಬಂಧಿಸಿದೆ. ಹೆಚ್ಚಿನ ತನಿಖೆ ನಡೆಯುತ್ತಿದೆ. ಸ್ವತಃ ಯುವತಿಯೇ ವಿಷ ಸೇರಿಸಿರುವುದಾಗಿ ವಿಚಾರಣೆ ವೇಳೆ ತಿಳಿಸಿದ್ದಾಳೆ.

https://www.vijayavani.net/lions-on-stairs-0f-house-at-mid-night