ಟೆರರ್​ ಫಂಡಿಂಗ್ ಕೇಸ್​: ಟ್ರಸ್ಟ್, ಎನ್​ಜಿಒ ಕಚೇರಿಗಳಿಗೆ ಎನ್​ಐಎ ದಾಳಿ

ಶ್ರೀನಗರ: ಜಮ್ಮು-ಕಾಶ್ಮೀರದಲ್ಲಿ ಟೆರರ್​ ಫಂಡಿಂಗ್​ನ ಹೊಸ ಕೇಸ್​ ಸಂಬಂಧಿಸಿ ನ್ಯಾಷನಲ್ ಇನ್​ವೆಸ್ಟಿಗೇಶನ್ ಏಜೆನ್ಸಿ (ಎನ್​ಐಎ) ಅಧಿಕಾರಿಗಳು ಇಂದು ಶ್ರೀನಗರದ ಒಂಭತ್ತು ಕಡೆಗಳಲ್ಲಿ ಟ್ರಸ್ಟ್ ಮತ್ತು ಎನ್​ಜಿಒ ಕಚೇರಿಗಳ ಮೇಲೆ ದಾಳಿ ನಡೆಸಿ, ಶೋಧ ಆರಂಭಿಸಿದ್ದಾರೆ.

ಪ್ರಮುಖ ಆಂಗ್ಲ ನ್ಯೂಸ್ ಪೇಪರ್ ಒಂದರ ಮಾಲೀಕರಿಗೆ ಸೇರಿದ ಟ್ರಸ್ಟ್ ಕೂಡ ಇದರಲ್ಲಿದೆ. ಅರೆಸೇನಾ ಪಡೆಯ ಸಹಕಾರದೊಂದಿಗೆ ಎನ್​ಐಎ ಅಧಿಕಾರಿಗಳು ಈ ದಾಳಿ ನಡೆಸಿದ್ದಾರೆ. 2000ನೇ ಇಸವಿಯಲ್ಲಿ ಸ್ಥಾಪಿತವಾಗಿರುವ ಕನಿಷ್ಠ 3 ಎನ್​ಜಿಒಗಳ ಕಚೇರಿ ಮೇಲೂ ದಾಳಿ ನಡೆದಿದ್ದು, ಶೋಧ ಕಾರ್ಯ ಪ್ರಗತಿಯಲ್ಲಿದೆ.

ಇದನ್ನೂ ಓದಿ: ಚನ್ನರಾಯಪಟ್ಟಣ ಬಳಿ ರಸ್ತೆ ಬದಿ ಸುಟ್ಟು ಹೋದ ಕಾರಿನಲ್ಲಿ ಪತ್ತೆಯಾಯ್ತು ಶವ!

ದೇಣಿಗೆ ಮೂಲ ಬಹಿರಂಗ ಪಡಿಸದೇ ಈ ಎನ್​ಜಿಒಗಳು ಹಣವನ್ನು ವಿದೇಶದಿಂದ ಸ್ವೀಕರಿಸಿ ಕಾರ್ಯಾಚರಿಸುತ್ತಿವೆ. ಇವುಗಳು ಪಾಕ್ ಪ್ರಾಯೋಜಿತ ಎನ್​ಜಿಒಗಳೆಂದು ಬಿಂಬಿತವಾಗಿವೆ. ಹೀಗಾಗಿ ಇವುಗಳ ಚಟುವಟಿಕೆ ಕೇಂದ್ರೀಯ ತನಿಖಾ ಸಂಸ್ಥೆಯ ನಿಗಾದಲ್ಲಿದೆ ಎಂದು ಎನ್​ಐಎ ಮೂಲಗಳು ತಿಳಿಸಿವೆ. (ಏಜೆನ್ಸೀಸ್)

https://www.vijayavani.net/odisha-launches-web-portal-for-inter-caste-marriages-raises-incentive-to-rs-2-5-lakh/