ಕೇಂದ್ರ ಗೃಹ ಇಲಾಖೆ ಆ.3ರಂದು ಆದೇಶ ಹೊರಡಿಸಿದ ಹಿನ್ನೆಲೆಯಲ್ಲಿ ಅಧಿಕೃತವಾಗಿ ಪ್ರವೀಣ್ ಹತ್ಯೆ ಕೇಸಿನ ತನಿಖೆ ಎನ್ಐಎ ಗೆ ಹಸ್ತಾಂತರವಾಗಲಿದೆ. ಸುಮಾರು ಎರಡು ವಾರಗಳ ಕಾಲ ದ.ಕ.ಜಿಲ್ಲೆಯಲ್ಲಿ ಪ್ರಾಥಮಿಕ ತನಿಖೆ ಕೈಗೆತ್ತಿಕೊಂಡ ಎನ್ಐಎ ತಂಡ ಇನ್ನು ಕೂಲಂಕಷವಾಗಿ ತನಿಖೆ ನಡೆಸಲಿದೆ. ಜಿಲ್ಲೆಯ ಪೊಲೀಸರು ಪೂರಕ ಸಹಕಾರ ನೀಡಲಿದ್ದಾರೆ. ಘಟನೆಗೆ ಸಂಬಂಧಿಸಿ ಜು.27ರಂದು ಬೆಳ್ಳಾರೆ ಪೊಲೀಸರು ದಾಖಲಿಸಿದ ಪ್ರಾಥಮಿಕ ಎಫ್ಐಆರ್(ಐಪಿಸಿ 1860ರಂತೆ ಸೆಕ್ಷನ್ 120 ಬಿ, 302, ಆರ್/ಡಬ್ಲೂೃ 34 ಹಾಗೂ ಕಾನೂನು ಬಾಹಿರ ಚಟುವಟಿಕೆ ಕಾಯ್ದೆ 1967ರನ್ವಯ ಸೆಕ್ಷನ್ 16 ಮತ್ತು 18) ಮುಂದಿಟ್ಟುಕೊಂಡು ಎನ್ಐಎ ದೆಹಲಿ ಎಸ್ಪಿ ಅವರು ಎನ್ಐಎ ಕಾಯ್ದೆ 2008ರ ಪ್ರಕಾರ ಆ.4ರಂದೇ ಪ್ರತ್ಯೇಕ ಕೇಸು(ಆರ್ಸಿ-36/2022/ಎನ್ಐಎ/ಡಿಎಲ್ಐ) ದಾಖಲಿಸಿಕೊಂಡಿದ್ದಾರೆ.
