DAR ಪೊಲೀಸ್​ ಪೇದೆ ಸಂಶಯಾಸ್ಪದ ಸಾವು ಪ್ರಕರಣಕ್ಕೆ ಟ್ವಿಸ್ಟ್​: 2ನೇ ಪತ್ನಿಯಿಂದಲೇ ನಡೆಯಿತಾ ಘೋರ ಕೃತ್ಯ?

ಬಳ್ಳಾರಿ: ಡಿಎಆರ್​ ಪೊಲೀಸ್​ ಪೇದೆ ಅನುಮಾನಾಸ್ಪದ ಸಾವು ಪ್ರಕರಣ ಹೊಸ ತಿರುವು ಪಡೆದುಕೊಂಡಿದೆ. ಪತ್ನಿಯಿಂದಲೇ ಪೇದೆ ಜಾಫರ್ ಸಾಹೀಬ್ ಬರ್ಬರ ಹತ್ಯೆಯಾಗಿರುವ ಶಂಕೆ ವ್ಯಕ್ತವಾಗಿದೆ.

ಸಂಬಂಧಿಗಳ‌ ಆರೋಪ ಹಾಗೂ ಪೊಲೀಸರ ಅನುಮಾನ ಎರಡೂ ಕೂಡ ಒಂದೇ ಆಗಿದೆ. ಜಾಫರ್​ ಕೊಲೆ ಮಾಡಿರುವುದು ಆತನ ಪತ್ನಿ ಹನುಮಕ್ಕಳೇ ಅಂದು ಸಂಶಯ ಶುರುವಾಗಿದೆ. ಜಾಫರ್ ಸಂಬಂಧಿಗಳಿಂದಲೂ ಹನುಮಕ್ಕಳ ವಿರುದ್ಧ ದೂರು ದಾಖಲಿಸಿದ್ದಾರೆ. ಅಲ್ಲದೇ ಪ್ರಾಥಮಿಕ ಶಂಕಿತ ವ್ಯಕ್ತಿ ಜಾಫರ್ ಪತ್ನಿ ಎಂದು ಬಳ್ಳಾರಿ ಎಸ್ಪಿ ರಂಜಿತ್ ಬಂಡಾರು ತಿಳಿಸಿದ್ದಾರೆ.

ಹನುಮಕ್ಕ, ಜಾಫರ್​​ನ ಎರಡನೇ ಪತ್ನಿ. ಮೊದಲನೇ ಹೆಂಡತಿ ನವೀನ್ ತಾಜ್ ಬಿಟ್ಟು ಹಿಂದು ಯುವತಿ ಹನುಮಕ್ಕಳನ್ನು ಜಾಫರ್​ ಮದುವೆಯಾಗಿದ್ದ. ಹನುಮಕ್ಕ ಖಾಸಗಿ ಆಸ್ಪತ್ರೆಯಲ್ಲಿ ನರ್ಸ್ ಆಗಿ ಕೆಲಸ ಮಾಡುತ್ತಿದ್ದಾಳೆ. ಈಕೆಯನ್ನು ಮದುವೆಯಾಗಿ ನಾಲ್ಕು ವರ್ಷದ ಬಳಿಕ ಜಾಫರ್​ ಮತ್ತೆ ಮೊದಲನೇ ಹೆಂಡತಿಯ ಸಂಗ ಮಾಡಿದ್ದ. ಇದರಿಂದ ಕೋಪಗೊಂಡು ಅನೇಕ ಬಾರಿ ಜಾಫರ್ ಸಂಬಂಧಿಗಳ‌ ಮುಂದೆಯೇ ಹನುಮಕ್ಕ ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿದ್ದಳಂತೆ.

ಇದನ್ನೂ ಓದಿ: ಮೀಸಲಾತಿ ವಿಚಾರದಲ್ಲಿ ಸರ್ಕಾರಕ್ಕೆ ಬಿಗ್ ರಿಲೀಫ್; ಪಂಚಮಸಾಲಿ ಮೀಸಲಾತಿಗಿಲ್ಲ ಅಡ್ಡಿ.. ಮಧ್ಯಂತರ ಆದೇಶ ತೆರವುಗೊಳಿಸಿದ ಹೈಕೋರ್ಟ್

ಎಷ್ಟೇ ಹೇಳಿದರೂ ಮೊದಲ ಹೆಂಡತಿಯನ್ನು ಬಿಡದಿದ್ದಕ್ಕೆ ಹನುಮಕ್ಕ ಪ್ಲಾನ್ ಮಾಡಿ ಜಾಫರ್ ಕೊಲೆ ಮಾಡಿರುವ ಆರೋಪ ಕೇಳಿಬಂದಿದೆ.

ಅಂದಹಾಗೆ ಜಾಫರ್​ ಬಳ್ಳಾರಿಯ ಪೊಲೀಸ್ ವಸತಿ ಗೃಹದಲ್ಲಿ ಬುಧವಾರ ರಾತ್ರಿ ಅನುಮಾನಾಸ್ಪದವಾಗಿ ಮೃತಪಟ್ಟಿದ್ದರು. ಕಿವಿಯಲ್ಲಿನ ರಕ್ತಸ್ರಾವದಿಂದ ಗಾಯಗೊಂಡ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು. ತಕ್ಷಣ ಆತನನ್ನು ವಿಮ್ಸ್​ಗೆ ದಾಖಲಿಸಲಾಗಿತ್ತು. ಆದರೆ, ಚಿಕಿತ್ಸೆ ಫಲಕಾರಿಯಾಗದೆ ಜಾಫರ್​ ಮೃತಪಟ್ಟಿದ್ದ. ರಾಡ್​ನಿಂದ ಹೊಡೆದು ಕೊಲೆ ಮಾಡಿರುವ ಶಂಕೆ ವ್ಯಕ್ತವಾಗಿತ್ತು. ಇದೀಗ ಆತನ ಎರಡನೇ ಪತ್ನಿಯ ವಿರುದ್ಧವೇ ಅನುಮಾನ ಬಲವಾಗಿದೆ. ಈ ನಿಟ್ಟಿನಲ್ಲಿ ತನಿಖೆ ನಡೆಯುತ್ತಿದೆ. ಜಾಫರ್​​ 2008ರಲ್ಲಿ ಡಿಎಆರ್ ನೇಮಕವಾಗಿದ್ದ. (ದಿಗ್ವಿಜಯ ನ್ಯೂಸ್​)

https://www.vijayavani.net/first-time-bjp-hold-authority-in-the-history-of-kalaburagi-metropolitan-corporation/

https://www.vijayavani.net/anand-singh-spoke-at-the-inauguration-of-eta-irrigation-project/