ಬದುಕು ಬಂಗಾರವಾಗಿಸಲು 'ಬಂಗಾರದ ಜೋಡಿ'; ವೀಕ್ಷಕರು ಗೆಲ್ಲಬಹುದು ವಿವಿಧ ಬಹುಮಾನ

ಸಿರಿಕನ್ನಡ ವಾಹಿನಿಯಲ್ಲಿ ಆರಂಭವಾಗಲಿದೆ ನೂತನ ರಿಯಾಲಿಟಿ ಶೋ | ವೀಕ್ಷಕರು ಗೆಲ್ಲಬಹುದು ವಿವಿಧ ಬಹುಮಾನ

ಬೆಂಗಳೂರು: ಸಿರಿ ಕನ್ನಡ ಖಾಸಗಿ ವಾಹಿನಿಯು ಯಶಸ್ವಿಯಾಗಿ 7ನೇ ವರ್ಷಕ್ಕೆ ಕಾಲಿಟ್ಟಿದ್ದು, ವರ್ಷಪೂರ್ತಿ ಮನರಂಜನೆ ಕಾರ್ಯಕ್ರಮದ ಮೂಲಕ ಕನ್ನಡದ ಪ್ರತಿ ಮನೆಗಳನ್ನು ತಲುಪಲು ಯೋಜಿಸಲಾಗುತ್ತಿದೆ. ಈ ಕಾರಣಕ್ಕಾಗಿ ವಿನೂತನ 'ಬಂಗಾರದ ಜೋಡಿ' ಎಂಬ ರಿಯಾಲಿಟಿ ಶೋ ಆರಂಭಿಸಲಾಗಿದೆ ಎಂದು ವಾಹಿನಿಯ ವ್ಯವಸ್ಥಾಪಕ ನಿರ್ದೇಶಕ, ಸಂಸ್ಥಾಪಕ ಸಂಜಯ್‌ ಶಿಂಧೆ ಹೇಳಿದರು. ಐಎಎಂ ಲಿಮಿಟೆಡ್ ಸಂಸ್ಥೆಯ ಸಹಯೋಗದಲ್ಲಿ ಮೂಡಿಬರಲಿರುವ ಈ ರಿಯಾಲಿಟಿ ಶೋಗೆ ಡಿ.14ರಂದು ದಾವಣಗೆರೆಯಲ್ಲಿ ಚಾಲನೆ ದೊರೆಯಲಿದೆ. ಕಿರುತೆರೆ ತಾರೆ ಮುರಳಿ ಹಾಗೂ ನಟಿ ಚಂದನಾ ನಿರೂಪಕರಾಗಿ ಕಾರ್ಯನಿರ್ವಹಿಸಲಿದ್ದಾರೆ. ಬಳಿಕ ಹಂತ ಹಂತವಾಗಿ ರಾಜ್ಯದ 12 ಕೇಂದ್ರಗಳಲ್ಲಿ ಈ ಶೋ ನಡೆಯಲಿದೆ' ಎಂದರು. ವಾಹಿನಿ ಮುಖ್ಯಸ್ಥ ರಾಜೇಶ್ ರಾಜಘಟ್ಟ ಮಾತನಾಡಿ, 'ಶನಿವಾರ ಹಾಗೂ ಭಾನುವಾರ ಈ ಕಾರ್ಯಕ್ರಮ ಪ್ರಸಾರವಾಗುತ್ತದೆ' ಎಂದರು.

ನೋಂದಣಿ ಪ್ರಕ್ರಿಯೆ ಹೇಗೆ?

'ಬಂಗಾರದ ಜೋಡಿ' ಶೋನಲ್ಲಿ ಭಾಗವಹಿಸುವ ದಂಪತಿಯು 90350 26824 ವಾಟ್ಸಾಪ್ ಇಲ್ಲವೇ WWW. bangaradajodi.com ಹೆಸರು ನೋಂದಾಯಿಸಿಕೊಳ್ಳಬೇಕು. ಈ ವೆಬ್‌ಸೈಟ್‌ಗೆ ಲಾಗಿನ್ ಆದ

ಬಳಿಕ ಕಿರುಸಂದರ್ಶನದ ಮೂಲಕ ಆಯ್ಕೆ ಪ್ರಕ್ರಿಯೆ ನಡೆಯಲಿದೆ. ಆಯಾ ಜಿಲ್ಲೆಯಲ್ಲಿ ನಡೆಸುವ ಕಾರ್ಯಕ್ರಮದಲ್ಲಿ ಅದೇ ಜಿಲ್ಲೆಯವರು ಮಾತ್ರ ಭಾಗವಹಿಸುತ್ತಾರೆ. ಮಂಕಿ 555 ಕಂಪನಿ, ಸುದರ್ಶನ್ ಸಿಲ್ಕ್, ಕೃಷ್ಣ ತುಪ್ಪ, ಸದ್ಗುರು ಆಯುರ್ವೇದ ಗ್ರಾಮ್ ಸೋಪ್, ಐಎಚ್‌ಪಿ ಅಯ್ಯಂಗಾರ್ ಮಸಾಲ, ಐಶ್ವರ್ಯಾ ಟೀ, ಇಂಡಸ್ 555 ಕಂಪನಿಗಳು ಪ್ರಾಯೋಜಕತ್ವ ವಹಿಸಿವೆ.

ಕೋಟಿ ರೂಪಾಯಿ ಬಹುಮಾನ ಗೆಲ್ಲಿ

ವೀಕ್ಷಕರಿಗೆ ಕೋಟಿ ರೂಪಾಯಿ ಮೌಲ್ಯದ ಬಹುಮಾನ ಗೆಲ್ಲುವ ಅವಕಾಶವನ್ನು ಈ ಶೋ ನೀಡಿದೆ. ಮೂರು ಲಕ್ಷ ವೀಕ್ಷಕರಿಗೆ ಕಾರು, ರೇಷ್ಮೆ ಸೀರೆ, ಚಿನ್ನ ಹಾಗೂ ಬೆಳ್ಳಿ ನಾಣ್ಯ, ಗೃಹೋಪಯೋಗಿ ಸಲಕರಣಿಗಳು, ಮೊಬೈಲ್, ಫೋನ್ ಹಾಗೂ ಶಾಪಿಂಗ್ ವೋಚರ್ಸ್ ಸೇರಿ 10 ಕೋಟಿ ರೂಪಾಯಿಗಳವರೆಗೆ ಬಹುಮಾನ ಗೆಲ್ಲಬಹುದು ಎಂದು ಮಧುಸೂದನ್ ಹೇಳಿದರು.

ಹಳ್ಳಿ ಹಳ್ಳಿಗೆ ತಲುಪಲಿದ್ದೇವೆ

ಐಎಎಂ ಗ್ರೂಪ್‌ನ ವ್ಯವಸ್ಥಾಪಕ ನಿರ್ದೇಶಕ ಮಧುಸೂದನ್ ಮಾತನಾಡಿ, 'ಕನ್ನಡದ ಸ್ಥಳೀಯ ಬ್ಯಾಂಡ್ ಸಂಸ್ಥೆಯು ನಮಗೆ ಅವಕಾಶ ನೀಡಿರುವುದು ವಿಶೇಷವಾದುದು. ಜನಸಾಮಾನ್ಯರಿಗೆ ಅನುಕೂಲವಾಗುವಂತಹ ರಿಯಾಲಿಟಿ ಶೋನ್ನು ನಿರೂಪಿಸಲಾಗುತ್ತಿದೆ. ಮಾಹಿತಿ, ಮನರಂಜನೆ ಸೇರಿ ಹಲವು 'ಉತ್ಕೃಷ್ಟ' ಕಾರ್ಯಕ್ರಮಗಳನ್ನು ಪ್ರತಿ ಹಳ್ಳಿ ಹಳ್ಳಿಗೂ ತಲುಪಿಸುತ್ತೇವೆ' ಎಂದರು.

ಕನ್ನಡದ ಸ್ವತಂತ್ರ ಮಾಧ್ಯಮ

ಕನ್ನಡದ ಮನರಂಜನಾ ವಾಹಿನಿಗಳಲ್ಲಿ ಸಿರಿ ಕನ್ನಡ ಸ್ವತಂತ್ರ ಮಾಧ್ಯಮವಾಗಿದ್ದು, ಆರು ವರ್ಷಗಳ ಪಯಣ ಸುಲಭವಾಗಿರಲಿಲ್ಲ. ಕರೋನಾ ಅಂತ ಕಠಿಣ ಸವಾಲು ಎದುರಿಸಿ, ನಿಂತಿದೆ. ಈ ಸಮಯದಲ್ಲಿ ಹಲವರು ನೆರವಾದರು. ನಮ್ಮ ವಾಹಿನಿಯು ಮೊದಲಿನಿಂದಲೂ ವೃತ್ತಿಪರತೆ, ದಕ್ಷತೆ ಕಾಪಾಡಿಕೊಂಡು ವಿಭಿನ್ನ ಕಂಟೆಂಟ್ ಕಾರ್ಯಕ್ರಮಗಳನ್ನು ನೀಡುವ ಮೂಲಕ ಪ್ರೇಕ್ಷಕರ ಮನ ಗೆಲ್ಲಲು ಕಾರಣವಾಯಿತು. ರಾಜ್ಯಾದ್ಯಂತ ವಾಹಿನಿ ಪ್ರಸಾರವಾಗುತ್ತಿದ್ದು, ನಮ್ಮ ತಂಡವೇ ನಮಗೆ ದೊಡ್ಡ ಶಕ್ತಿ ಎಂದು ಸಂಜಯ್ ಶಿಂಧೆ ಹೇಳಿದರು. ಸುದ್ದಿಗೋಷ್ಠಿಯಲ್ಲಿ ನಟಿಯರಾದ ರಜಿನಿ, ಚಂದನಾ, ಆಧ್ಯಾತ್ಮಿಕ ಗುರು ಡಾ.ಲಕ್ಷ್ಮೀ ಶ್ರೀನಿವಾಸ್ ಗುರೂಜೀ ಇದ್ದರು.

ಸಿರಿ ಸೂಪರ್ ಸಂಡೇ

ಸಿರಿ ಕನ್ನಡ ವಾಹಿನಿಯು ಎಲ್ಲ ವಯೋಮಾನದ ವೀಕ್ಷಕರನ್ನು ದೃಷ್ಟಿಯಲ್ಲಿಟ್ಟುಕೊಂಡು 24 ದಿನಗಳಲ್ಲಿ 12 ಮೆಗಾ ಇವೆಂಟ್ ಮೂಲಕ 48 ಕಾರ್ಯಕ್ರಮಗಳನ್ನು ಆಯೋಜಿಸಲು ಮುಂದಾಗಿದೆ. ಹಿರಿಯರಿಗೆ ಆಧ್ಯಾತ್ಮಿಕ ಕಾರ್ಯಕ್ರಮ, ಮಹಿಳೆಯರಿಗೆ ಅಡುಗೆ ಸ್ಪರ್ಧೆ, ಮಕ್ಕಳಿಗೆ ಡ್ರಾಯಿಂಗ್, ಪ್ರತಿಭಾವಂತರಿಗೆ ವೇದಿಕೆ, ಮನೆ ಮನೆಗೂ ಗೃಹಲಕ್ಷ್ಮೀ, ವಿದ್ಯಾರ್ಥಿಗಳಿಗೆ ಲೌಡ್ ಸ್ಪೀಕರ್, ಉದ್ಯಮಿಗಳಿಗೆ ಬಿಜಿನೆಸ್ ಅವಾರ್ಡ್‌ ಹಾಗೂ ಹೊಸ ಮನೆಯ ಕನಸು ಕಾಣುವವರಿಗೆ ಕನ್‌ಕ್ಷನ್ ಜಂಕ್ಷನ್ ಕಾರ್ಯಾಗಾರ ಆಯೋಜಿಸಲಿದೆ. ಈ ಮೂಲಕ 25 ಲಕ್ಷ ವೀಕ್ಷಕರನ್ನು ತಲುಪುವ ಗುರಿ ಹೊಂದಿದೆ. ಈ ಎಲ್ಲ ಕಾರ್ಯಕ್ರಮಗಳು 'ಸಿರಿ ಸೂಪರ್ ಸಂಡೇ? ಮಾಲಿಕೆಯಲ್ಲಿ ಪ್ರತಿ ಭಾನುವಾರ ಬೆಳಗ್ಗೆಯಿಂದ ರಾತ್ರಿಯವರೆಗೆ ಪ್ರಸಾರವಾಗಲಿವೆ.

ರಾಷ್ಟ್ರೀಯ ಬ್ರ್ಯಾಂಡ್ ಆಗಲಿ

ಕರ್ನಾಟಕದ ಹಲವು ವಾಹಿನಿಗಳು ಆರಂಭವಾಗುವ ಮುಂಚೆಯೇ ನಮ್ಮ ಐಎಎಂ ಆರಂಭವಾಗಿತ್ತು. ಕನ್ನಡ ನಾಡಿನ ನುಡಿ, ಸಂಸ್ಕೃತಿ ಪರಿಸರಿಸಲು ಸಿರಿ ಕನ್ನಡದ ಜತೆಗಿನ ಸಹಯೋಗ ಒಂದು ಕೊಡುಗೆ ಅಷ್ಟೇ. ಇದೀಗ ಆರಂಭಿಸುವ ಈ ರಿಯಾಲಿಟಿ ಶೋಗಾಗಿ ಹಲವಾರು ಪರೀಕ್ಷೆ, ಸರ್ವೇ ಮಾಡಿದ ಬಳಿಕವೇ ನಾವು ಪ್ರಯೋಗಕ್ಕೆ ಮುಂದಾಗಿದ್ದೇವೆ ಎಂದು ಮಧುಸೂದನ್ ಹೇಳಿದರು. ಈ ಸಂದರ್ಭ ವಾಹಿನಿಯ ಆರು ವರ್ಷ ನಡೆದು ಬಂದ ಹಾದಿಯನ್ನು ಚಿತ್ರದ ಮೂಲಕ ಪ್ರದರ್ಶಿಸಲಾಯಿತು.

ಅತ್ಯದ್ಭುತ ವಾಹಿನಿ

ನಟಿ ರಜಿನಿ ಮಾತನಾಡಿ, ಇದು ಅತ್ಯದ್ಭು ತವಾದ ವಾಹಿನಿ, ಹಲವು ವರ್ಷಗಳಿಂದ ಈ ವಾಹಿನಿಯ ಭಾಗವಾಗಿದ್ದೇನೆ. ಮೊದಲಿಗೆ “ನಾರಿಗೊಂದು ಸೀರೆ' ಶೋನಲ್ಲಿ ನಿರೂಪಕಿಯಾಗಿದ್ದೆ. ಬಳಿಕ ಶೋ ಹೆಚ್ಚು ಪ್ರಸಿದ್ಧಿಗೊಂಡಿತು. ಆಗ ಜನರು ಕೂಡ ನನ್ನನ್ನು ಇದೇ ಶೋನಿಂದ ಇದೀಗ ಸೀಸನ್ ಆರಂಭವಾಗಿದೆ. ಇದಕ್ಕೂ ಹೆಚ್ಚಿನ ಕರೆಗಳು ಬರುತ್ತಿವೆ ಎಂದು ಖುಷಿ ಹಂಚಿಕೊಂಡರು.

https://www.vijayavani.net/1st-std-school-fee-shocks-netizens