ಅದರ ಹೊರತಾಗಿ ಸಂಬಂಧಗಳು, ಗೆಳೆತನಗಳ ಬಗ್ಗೆ ಗಮನಹರಿಸುವುದಿಲ್ಲ. ಜತೆಗೆ ಜಾಲತಾಣದ ಮೂಲಕ ಇವತ್ತು ಹಣ ಸಂಪಾದಿಸಬಹುದು. ಹೀಗಾಗಿ ಫಾಲೋವರ್ಸ್ ಕಡಿಮೆಯಾದಾಗ ಒತ್ತಡ ಹೆಚ್ಚಾಗುತ್ತದೆ. ಅದನ್ನು ಹೇಗೆ ನಿಭಾಯಿಸುವುದು ಎಂಬುದು ಗೊತ್ತಿರುವುದಿಲ್ಲ. ಆ ಸಮಯದಲ್ಲಿ ಪಾಲಕರು, ಶಿಕ್ಷಕರು, ಹಿರಿಯರಿಂದ ಮಾರ್ಗದರ್ಶನ ಆಗಬೇಕು. ತುಂಬ ಜನ ಅನ್ಫಾಲೋ ಮಾಡುತ್ತಿದ್ದಾರೆ ಅಂದರೆ, ನನ್ನಲ್ಲೇ ಏನೋ ಸಮಸ್ಯೆ ಇದೆ ಅಂತ ಅನ್ನಿಸಬಹುದು. ಹೀಗೆ ಅವರನ್ನು ಆತಂಕಕ್ಕೀಡು ಮಾಡುವ ಹಲವು ಅಂಶಗಳಿವೆ. ಹೀಗಾಗಿ ಆನ್ಲೈನ್ ಜತೆಗೆ ಆಫ್ಲೈನ್ ಕ್ರಿಯೇಟಿವಿಟಿಯತ್ತ ಅವರು ಗಮನಹರಿಸುವಂತೆ ಮಾಡಬೇಕು. ಆನ್ಲೈನ್ನಲ್ಲಿ ಸಿಗುತ್ತಿರುವ ಖುಷಿ, ಆಫ್ಲೈನ್ನಲ್ಲೂ ಕಾಣುವುದನ್ನು ಕಲಿಯಬೇಕು. ಜನಸಂಪರ್ಕ ಗಳಿಸಬೇಕು. ಹತ್ತಿರದವರ ಬಳಿ ಹೇಳಿಕೊಳ್ಳಬೇಕು. ಆಗ ಅವರ ಗಮನ ಬೇರೆ ವಿಷಯಗಳತ್ತ ಸೆಳೆಯುವಂತೆ ಮಾಡಬಹುದು. ಮಕ್ಕಳಲ್ಲಿ ಪಾಲಕರು ಅರಿವು ಮೂಡಿಸಬೇಕು. ಆನ್ಲೈನ್ ಮತ್ತು ಆಫ್ಲೈನ್ ಬ್ಯಾಲನ್ಸ್ ಇರಬೇಕು’ ಎನ್ನುತ್ತಾರೆ ಡಾ.ಶರ್ವ.
