ಟ್ರಾಲಿ ಬ್ಯಾಗ್​ನಲ್ಲಿ ಹೆರಾಯಿನ್ ಸಾಗಿಸುತ್ತಿದ್ದಾಗ ಸಿಕ್ಕಿಬಿದ್ದ ಮಹಿಳೆ; 2.91 ಕೆ.ಜಿ. ಮಾದಕವಸ್ತು ವಶ

ಬೆಂಗಳೂರು: ಟ್ರಾಲಿ ಬ್ಯಾಗ್​ನಲ್ಲಿ ಹೆರಾಯಿನ್ ಸಾಗಿಸುತ್ತಿದ್ದ 30 ವರ್ಷದ ಮಹಿಳೆ ಎನ್​ಸಿಬಿ ಅಧಿಕಾರಿಗಳ ಕೈಗೆ ಸಿಕ್ಕಿಬಿದ್ದಿದ್ದು, ಇದೀಗ ಮಾದಕವಸ್ತು ಸಮೇತ ಪೊಲೀಸರ ವಶವಾಗಿದ್ದಾಳೆ. ಜಿಂಬಾಬ್ವೆಯ ಶೆರಾನ್ ಚಿಗ್ವಾ ಬಂಧಿತ ಆರೋಪಿ.

ಜೋಹಾನ್ಸ್‌ಬರ್ಗ್‌‌ನಿಂದ ಕೊಚ್ಚಿಗೆ ಬಂದಿಳಿದ ಜಿಂಬಾಬ್ವೆ ಮೂಲದ ಈ ಮಹಿಳೆಯನ್ನು ಚೆನ್ನೈ ವಲಯದ ಎನ್​ಸಿಬಿ ಅಧಿಕಾರಿಗಳು ಕಾರ್ಯಾಚರಣೆ ನಡೆಸಿ ಬಂಧಿಸಿದ್ದಾರೆ. ಈಕೆ ಟ್ರಾಲಿ ಬ್ಯಾಗ್​ನಲ್ಲಿ ಹೆರಾಯಿನ್​ನನ್ನು ತುಂಬಿಸಿಕೊಂಡು ಅದನ್ನು ದೆಹಲಿಗೆ ತಲುಪಿಸಲು ಮುಂದಾಗಿದ್ದಳು.

ಇದನ್ನೂ ಓದಿ: ಹೆಂಡತಿಗೆ ಕಿರುಕುಳ ಕೊಟ್ಟು ಸಾವು ತಂದುಕೊಂಡ ಗಂಡ; ಆಕೆ ಹೊಡೆಯಿರಿ ಎಂದಳು, ಅವರಿಬ್ಬರು ಕೊಂದೇ ಬಿಟ್ಟರು…

ನೈಜೀರಿಯಾ ಮೂಲದ ವ್ಯಕ್ತಿಯಿಂದ ಪಡೆದಿದ್ದ ಈ ಮಾದಕವಸ್ತುವನ್ನು ಬೆಂಗಳೂರು ಮಾರ್ಗವಾಗಿ ದೆಹಲಿಗೆ ಪ್ರಯಾಣಿಸುವ ಮುನ್ನವೇ ಎನ್​ಸಿಬಿ ಅಧಿಕಾರಿಗಳು ಈಕೆಯನ್ನು ಬಂಧಿಸಿದ್ದಾರೆ. ವಶಪಡಿಸಿಕೊಂಡಿರುವ ಬ್ಯಾಗ್​ನಲ್ಲಿ 2.91 ಕೆ.ಜಿ. ಹೆರಾಯಿನ್ ಇದ್ದು, ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.

https://www.vijayavani.net/huge-load-of-ganja-is-traced-and-accused-arrested-by-ncb/

https://www.vijayavani.net/snake-within-ksrtc-bus-drivers-are-in-fear/