ನವದೆಹಲಿ: ಹಿಂದುಗಳ ಪವಿತ್ರ ಧಾರ್ವಿುಕ ಕ್ಷೇತ್ರಗಳಲ್ಲೊಂದಾದ ಕಾಶಿ ಭಾರತ-ಭಾರತೀಯರ ಶಕ್ತಿ, ಸನಾತನ ಸಂಸ್ಕೃತಿಯ ಆತ್ಮ ಹಾಗೂ ಅಸ್ಮಿತೆಯೂ ಹೌದು. ಕಾಶಿಯಾತ್ರೆ ಮಾಡಿದರೆ ಪುಣ್ಯ ಸಿಗುವುದೆಂಬ ಪ್ರತೀತಿ ಹಿನ್ನೆಲೆಯಲ್ಲಿ ವಿಶ್ವನಾಥನ ದರ್ಶನಕ್ಕೆ ನಿತ್ಯ ಸಾವಿರಾರು ಭಕ್ತರು ಬರುತ್ತಾರೆ. ಗಂಗಾನದಿಯಲ್ಲಿ ಪುಣ್ಯಸ್ನಾನ ಮಾಡುತ್ತಾರೆ. ದಶಕಗಳಿಂದ ದಟ್ಟಣೆ, ಮೂಲಸೌಕರ್ಯ ಸಮಸ್ಯೆಗಳನ್ನು ಎದುರಿಸುತ್ತಿದ್ದ ಈ ಪುಣ್ಯಕ್ಷೇತ್ರವೀಗ ಗತವೈಭವಕ್ಕೆ ಮರಳಿದೆ. ಗಂಗಾನದಿ ತಟದಿಂದಲೇ ದೇಗುಲಕ್ಕೆ ನೇರ ಸಂಪರ್ಕ ಕಲ್ಪಿಸುವ ಕಾಶಿ ಕಾರಿಡಾರ್ ಯೋಜನೆಯನ್ನು ಪ್ರಧಾನಿ ನರೇಂದ್ರ ಮೋದಿ ಸೋಮವಾರ ಉದ್ಘಾಟಿಸಿದರು. ಆ ಮೂಲಕ ಅಭಿವೃದ್ಧಿಯ ಹೊಸ ಅಧ್ಯಾಯಕ್ಕೆ ಮುನ್ನುಡಿ ಬರೆದರು.
