'ನಿಮ್ಮ ಹೆಣ್ಣುಮಕ್ಕಳ ಬಟ್ಟೆಯನ್ನು ಹೀಗೆ ಹರಿಯುತ್ತೀರಾ?'; ಸಿಜೆಪಿ ಪ್ರತಿಭಟನೆ ವೇಳೆ ಪೊಲೀಸರ ದೌರ್ಜನ್ಯದ ವಿರುದ್ಧ ಅಖಿಲೇಶ್​ ಯಾದವ್ ಕಿಡಿ​​..Akhilesh Yadav

ನ್ಯಾಯಕ್ಕಾಗಿ ಹೋರಾಡಿದ ವಿದ್ಯಾರ್ಥಿಗಳನ್ನು ನಡೆಸಿಕೊಳ್ಳುವ ರೀತಿ ಇದೇನಾ?.  ವಿದ್ಯಾರ್ಥಿಗಳ ಮನವಿ ಆಲಿಸದೇ ಹೋದರೆ, ಅವರು ಮತ್ತೆ ಬೀದಿಗಿಳಿದು ಪ್ರತಿಭಟನೆ ಮಾಡುತ್ತಾರೆ. ಪ್ರಧಾನಿ ಮೋದಿಯವರಿಗೆ ಸಂಸತ್​ನಿಂದ ಹೊರಗೆ ಮಾತನಾಡಲು ಸಾಧ್ಯವಾದರೆ, ಕಲಾಪದಲ್ಲಿಯೂ ಈ ಬಗ್ಗೆ ಮಾತನಾಡಲಿ.  ಪ್ರತಿಭಟನೆ ಸಂದರ್ಭದಲ್ಲಿ ವಿದ್ಯಾರ್ಥಿಗಳ ಬಟ್ಟೆ ಹರಿದು ಹಾಕಿದ್ರು, ಹೊಡೆದರು, ಹಿಂಸೆ ಮಾಡಿದರು ನಮ್ಮ ಮಕ್ಕಳನ್ನು ನಡೆಸುಕೊಳ್ಳುವ ರೀತಿ ಹೀಗಾ ಎಂದು ಆಕ್ರೋಶ ವ್ಯಕ್ತಪಡಿಸಿದರು. 

ಲೋಕ್​ ಕಲ್ಯಾಣ ರಸ್ತೆ ಮಾರ್ಗದಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಅವರ ನಿವಾಸ ಮುಂದೆ ಲೋಕಸಭಾ ವಿಪಕ್ಷ ನಾಯಕ ರಾಹುಲ್​ ಗಾಂಧಿ ಸಂಸದೆ ಪ್ರಿಯಾಂಕಾ ಗಾಂಧಿ ಹಾಗೂ ತಾವು ಧರಣಿ ಕುಳಿತ ಬಗ್ಗೆ ಹಾಗೂ  ಅವರನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡ ಬಗ್ಗೆ ಮಾತನಾಡಿದ ಅವರು, ಸಂಸತ್ ಕಲಾಪದಲ್ಲಿ  ಕೇಳಿದ ಪ್ರಶ್ನೆಗೆ ಪ್ರಧಾನಿ ಮೋದಿ ಅವರು ಮಾತನಾಡಿದ್ದರೆ, ಅವರ ನಿವಾಸದ ಎದುರು ಕುಳಿತು ಧರಣಿ ಕೂರುವ  ಪ್ರಮೇಯವೇ ಬರುತ್ತಿರಲಿಲ್ಲ ಎಂದು ಹೇಳಿದರು.

ನಾವು ಈಗಿನಿಂದಲೇ ಚರ್ಚೆಗೆ ಸಿದ್ಧರಿದ್ದೇವೆ ಎಂದು ಸ್ಪಷ್ಟಪಡಿಸಿದ್ದೇವೆ. ವಿರೋಧ  ಪಕ್ಷಗಳು ಪ್ರತಿಭಟನೆ, ಗದ್ದಲ, ಕೋಲಾಹಲ ಸೃಷ್ಟಿ ಮಾಡಿ ಚರ್ಚೆಯನ್ನು ಮತ್ತಷ್ಟು ಮುಂದೂಡುವಂಯತೆ ಮಾಡುತ್ತಿದೆ ಎಂದು  ಸಂಸದೀಯ ವ್ಯವಹಾರಗಳ ಸಚಿವ ಕಿರಣ್ ರಿಜಿಜು ಹೇಳಿದರು, (ಏಜೆನ್ಸೀಸ್)