ದಿಢೀರನೇ ಆನೆಯನ್ನು ನೋಡಿದ ಬೈಕ್ ಚಾಲಕ ವಿಚಲಿತನಾಗಿದ್ದಾನೆ. ಆದರೆ, ಅಷ್ಟರಲ್ಲಾಗಲೇ ಅವನು ಆನೆಯ ದಾರಿಗೆ ಅಡ್ಡಬಂದಿದ್ದ ಕಾರಣ, ಆನೆ ದಾಳಿ ಮಾಡಿದೆ. ಆನೆ ದಾಳಿಗೆ ತುತ್ತಾಗಿ, ಬೈಕ್ನಿಂದ ಕೆಳಗೆ ಬಿದ್ದ ಚಾಲಕನ ಹೊಟ್ಟೆ ಮೇಲೆ ಆನೆ ಕಾಲಿಟ್ಟು ಕ್ರೌರ್ಯ ಮೆರೆದಿದೆ. ಆದರೆ, ಚಮತ್ಕಾರ ಎಂಬಂತೆ ಆನೆ ದಾಳಿಯಿಂದ ಆ ಸವಾರ ಪ್ರಾಣವನ್ನು ಉಳಿಸಿಕೊಂಡಿದ್ದಾನೆ.
ಸಾರ್ವಜನಿಕರ ಕೂಗಿನಿಂದ ಉಳಿದ ಪ್ರಾಣ!
ಘಟನೆ ನಡೆದಿರುವ ದೋಯಿವಾಲಾ ಪ್ರದೇಶವು ಎಲಿಫೆಂಟ್ ಕಾರಿಡಾರ್ ಆಗಿದ್ದು, ಇಲ್ಲಿ ಆನೆಗಳ ಸಂಚಾರ ಸಾಮಾನ್ಯವಾಗಿರುತ್ತದೆ. ಹೀಗೆ ಆನೆ, ಬೈಕ್ ಸವಾರನ ಮೇಲೆ ದಾಳಿ ಮಾಡಲು ಮುಂದಾದಾಗ ಸುತ್ತ-ಮುತ್ತಲಿನ ಜನರು ಜೋರಾಗಿ ಕೂಗುತ್ತಾ ಆನೆಗೆ ಭಯ ಪಡಿಸಲು ಮುಂದಾಗಿ, ಯಶಸ್ವಿಯಾಗಿದ್ದಾರೆ. ಇನ್ನೇನು ಕೆಲವೇ ನಿಮಿಷಗಳಲ್ಲಿ ಬೈಕ್ ಸವಾರನ ಪ್ರಾಣ ಹೋಯಿತೆಂದು ತಿಳಿಯುವ ವೇಳೆಗೆ ಆನೆ ತನ್ನ ಮನಸ್ಸನ್ನು ಬದಲಿಸಿಕೊಂಡು ಕಾಡಿನತ್ತ ಹೆಜ್ಜೆ ಹಾಕಿದೆ.
