ನಾವು ಜೆನ್​-ಜೀ, ಇದನ್ನೆಲ್ಲಾ ಸಹಿಸಲ್ಲ: ಲಡಾಖ್​ನಲ್ಲಿ ಸೇನೆ ವಿರುದ್ಧ ಯುವತಿ ಆಕ್ರೋಶ; ನೆಟ್ಟಿಗರಿಂದ ತರಾಟೆ, ವಿಡಿಯೋ ವೈರಲ್​! GenZ Women on Indian Army

ಲಡಾಖ್​: ಕಾಶ್ಮೀರದ ಲಡಾಖ್​ನ ಮಿನಿಮಾರ್ಗ್​ನ ಗಡಿ ಪ್ರದೇಶದಲ್ಲಿ ಭದ್ರತಾ ದೃಷ್ಟಿಯಿಂದ ನಡೆಯುತ್ತಿದ್ದ ತಪಾಸಣೆಯನ್ನು ಯುವತಿಯೊಬ್ಬಳು ವಿರೋಧಿಸಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ಕತ್​ ವೈರಲ್​ ಆಗುತ್ತಿದೆ.

ನಾಕಾ ಬಂಧಿಯಲ್ಲಿದ್ದ, ಮಿಲಿಟರಿ ಸಿಬ್ಬಂದಿ ಮೇಲೆ ಕೂಗಾಡಿರುವ ಮಹಿಳಾ (GenZ Women on Indian Army)  ಪ್ರವಾಸಿಯೊಬ್ಬಳು, ನಾವು ಕಳೆದ ಐದು ಗಂಟೆಗಳಿಂದ ಇಲ್ಲೇ ನಿಂತಿದ್ದಿವಿ ಎಂದು ಆಕ್ರೋಶ ಹೊರಹಾಕಿದ್ದಾಳೆ.

ಭಾರತೀಯ ಸೈನ್ಯದವರು ಭದ್ರತೆ ಹಿನ್ನಲೆಯಲ್ಲಿ ಮಿನಿಮಾರ್ಗ್​ಗೆ ಸಾಗುವ ಗಡಿಯಲ್ಲಿ,  ಸಂಚರಿಸುವ ವಾಹನಗಳ ತಪಾಸಣೆ ನಡೆಸಿದ್ದಾರೆ. ಲಡಾಖ್​ಗೆ ಬರುವ ಪ್ರವಾಸಿಗರ ಸಂಖ್ಯೆ ಗಣನೀಯವಾಗಿ ಹೆಚ್ಚಿರುವ ಕಾರಣ, ವಾಹನ ತಪಾಸಣೆ ನಿಧಾನ ಗತಿಯಲ್ಲಿ ನಡೆದಿದೆ.

ಈ ಘಟನೆ ನಡೆಯುತ್ತಿದ್ದಂತೆ ಸ್ಥಳಕ್ಕೆ ಆಗಮಿಸಿದ ಕರ್ನಲ್​ ನಿಕುಜ್​ ಧಾಮಾ, ಇದು ಅತ್ಯಂತ ಸೂಕ್ಷ್ಮ ಪ್ರದೇಶ, ಇಲ್ಲಿ ಸಂಚರಿಸುವ ಪ್ರತಿ ವಾಹನ ಹಾಗೂ ವ್ಯಕ್ತಗಳನ್ನು ಪರಿಶೀಲಿಸುವುದು ಕಡ್ಡಾಯವಾಗಿದೆ. ಪ್ರವಾಸಿಗರೇನ್ನುವ ಕಾರಣಕ್ಕೆ ನಿಯಮವನ್ನು ಮೀರಲು ಸಾಧ್ಯವಿಲ್ಲ. ಇಲ್ಲಿಯ ನಿಯಮಗಳು ಎಲ್ಲರಿಗೂ ಅನ್ವಯಿಸುತ್ತವೆ ಎಂದು ಖಡಕ್​ ಸೂಚನೆ ನೀಡಿದ್ದಾರೆ.

ಈ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ಹಂಚಿಕೆಯಾಗುತ್ತಿದ್ದಂತೆ ಲಕ್ಷಾಂತರ ವೀಕ್ಷಣೆಯನ್ನು ಪಡೆದುಕೊಂಡಿದೆ. ನೆಟ್ಟಿಗರು ಆ ಜೆನ್​-ಜೀ ಯವತಿಯನ್ನು ಸರಿಯಾಗಿ ತರಾಟೆಗೆ ತೆಗೆದುಕೊಂಡಿದ್ದಾರೆ. ನಿನಗೆ ಅಲ್ಲಿ ನಿಲ್ಲಲು ಸಾಧ್ಯವಿಲ್ಲ ಎಂದ ಮೇಲೆ ಅಲ್ಲಿ ಏಕೆ ಹೋಗಿದ್ದೆ? ಎಂದು ಒಬ್ಬ ಬಳಕೆದಾರರು ಪ್ರಶ್ನಿಸಿದ್ದಾರೆ. 

ಇದನ್ನೂ ಓದಿ: ಬಿಸಿಲಿನ ಝಳಕ್ಕೆ ಉತ್ತರ ಕೊರಿಯಾ ತತ್ತರ: ದಿನಕ್ಕೆ ಒಂದು ಲೀಟರ್​ ಬಿಯರ್​ ಕುಡಿಯಲು ಸೂಚನೆ; ವೈದ್ಯಕೀಯ ವರದಿ ಹೇಳುವುದೇನು? Beer Drinking in North Korea

ಸೈನ್ಯದವರು ನಮಗಾಗಿ ಪ್ರಾಣವನ್ನು ಪಣಕಿಟ್ಟು ಕೆಲಸ ಮಾಡುತ್ತಿದ್ದಾರೆ, ಅದರೆ ಇವಳಿಗೆ ಕೆಲ ಗಂಟೆಗಳ ಕಾಲ ವೇಟ್​ ಮಾಡಲು ಆಗಲ್ಲ ಎಂದರೆ ಎಷ್ಟು ಸೊಕ್ಕಿರಬೇಕೆಂದು ಇನ್ನೊಬ್ಬರು ಕಿಡಿ ಕಾರಿದ್ದಾರೆ. 

ಪರೀಕ್ಷೆ ಮಾಡುವುದಕ್ಕೆ ಅಡ್ಡ ಪಡಿಸುತ್ತೀರಿ,ಉಗ್ರರ ದಾಳಿ ನಡೆದರೆ ಸರ್ಕಾರದ ವಿರುದ್ಧ ಬೊಬ್ಬೆ ಹಾಕುತ್ತಿರಿ, ಇಂತವರಿಗೆ ಮೊದಲು ಗುಂಡು ಹಾಕಿ ಕೊಲ್ಲಬೇಕೆಂದು ಮತ್ತೊಬ್ಬರು ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ, (ಏಜನ್ಸೀಸ್).