ಸದಾ ಕೈಯಲ್ಲಿ ಮೊಬೈಲ್ ಹಿಡಿದುಕೊಳ್ಳುವ​ ಪಾಲಕರೇ ನೀವು ನೋಡಲೇಬೇಕಾದ ವಿಡಿಯೋ ಇದು! Warning to parents

Warning to parents : ಮಕ್ಕಳನ್ನು ಲಿಫ್ಟ್​ನಲ್ಲಿ ಕರೆದೊಯ್ಯುವಾಗ ತುಂಬಾ ಎಚ್ಚರಿಕೆಯಿಂದ ನೋಡಿಕೊಳ್ಳಬೇಕು. ಸ್ವಲ್ಪ ಯಾಮಾರಿದರೂ ಅನಾಹುತ ಸಂಭವಿಸಿಬಿಡುತ್ತದೆ. ಇದಕ್ಕೆ ತಾಜಾ ಉದಾಹರಣೆ ಎಂಬಂತೆ ಎದೆ ಝಲ್​ ಎನಿಸುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದೆ. ಈ ವಿಡಿಯೋ ಪಾಲಿಕರಿಗೆ ನಿಜಕ್ಕೂ ಒಂದು ಎಚ್ಚರಿಕೆ ಗಂಟೆಯಾಗಿದೆ.

ಇತ್ತೀಚೆಗೆ ನಗರ ಪ್ರದೇಶಗಳಲ್ಲಿ ಲಿಫ್ಟ್​ನಲ್ಲಿ ಸಂಭವಿಸುವ ಅಪಘಾತಗಳು ಹೆಚ್ಚಾಗುತ್ತಿವೆ. ಲಿಫ್ಟ್ ಹಾಳಾಗುವುದರ ಜೊತೆಗೆ, ಪೋಷಕರ ನಿರ್ಲಕ್ಷ್ಯದಿಂದಾಗಿ ಮಕ್ಕಳು ಸಹ ಅಪಘಾತಗಳಿಗೆ ಈಡಾಗುತ್ತಿದ್ದಾರೆ. ಈ ಕೆಳಗಿನ ವಿಡಿಯೋ ಒಂದು ತಾಜಾ ಉದಾಹರಣೆಯಾಗಿದೆ.

ಅಂದಹಾಗೆ, ಈ ಆಧುನಿಕ ಯುಗದಲ್ಲಿ ನಮ್ಮ ಕೈಯಲ್ಲಿ ಯಾವಾಗಲೂ ಮೊಬೈಲ್ ಫೋನ್ ಇರಲೇಬೇಕು. ಕೈಯಲ್ಲಿ ಫೋನ್ ಇಲ್ಲದಿದ್ದರೆ, ಏನೋ ಮಿಸ್​ ಆಗಿರುವಂತೆ ಚಡಪಡಿಸುತ್ತೇವೆ. ಏಕೆಂದರೆ, ಫೋನ್ ಕೂಡ ಇಂದು ಮನುಷ್ಯನ ಒಂದು ಭಾಗವಾಗಿದೆ. ಫೋನ್​ ಇದ್ದರೆ ನಮ್ಮ ಅಕ್ಕಪಕ್ಕ ಯಾರಿದ್ದಾರೆ ಅನ್ನೋದನ್ನು ಮರೆತುಬಿಡುತ್ತೇವೆ. ಅಷ್ಟಕ್ಕೂ ಲಿಫ್ಟ್​ ಅಪಘಾತಕ್ಕೂ ಫೋನ್​ಗೂ ಏನು ಲಿಂಕ್ ಅಂತಿರಾ? ಈ ಪ್ರಶ್ನೆಗೆ ಉತ್ತರ ತಿಳಿಯಲು ಮುಂದೆ ಓದಿ.

ಇತ್ತೀಚಿನ ದಿನಗಳಲ್ಲಿ, ನಗರಗಳಲ್ಲಿ ಮಕ್ಕಳು ಒಂದಲ್ಲ ಒಂದು ರೀತಿಯಲ್ಲಿ ಅಪಘಾತಕ್ಕೀಡಾಗುತ್ತಿರುವುದು ಹೆಚ್ಚಾಗುತ್ತಿದೆ. ಅವುಗಳಲ್ಲಿ ಲಿಫ್ಟ್ ಅಪಘಾತವೂ ಒಂದು. ಮಕ್ಕಳು ಹೆಚ್ಚಾಗಿ ಲಿಫ್ಟ್‌ನಲ್ಲಿ ಏರುತ್ತಾ ಇಳಿಯುತ್ತಾರೆ. ಇದೊಂದು ರೀತಿಯಲ್ಲಿ ಮಕ್ಕಳಿಗೆ ಆಟದ ವಸ್ತುವಾಗಿಬಿಟ್ಟಿದೆ. ಆದರೆ, ಇದು ಒಳ್ಳೆಯದಲ್ಲ, ಮಕ್ಕಳನ್ನು ಆದಷ್ಟು ಲಿಫ್ಟ್​ನಿಂದ ದೂರ ಇಡಿ.

ಸದ್ಯ ವೈರಲ್​ ಆಗಿರುವ ವಿಡಿಯೋದಲ್ಲಿ ಮಹಿಳೆಯೊಬ್ಬರು ತನ್ನ ಮಗನನ್ನು ಲಿಫ್ಟ್​ನಲ್ಲಿ ಕರೆದೊಯ್ಯುತ್ತಿದ್ದಾರೆ. ತಮ್ಮ ಮಗನೊಂದಿಗೆ ಮೇಲಿನಿಂದ ಕೆಳಗಿನ ಮಹಡಿಗೆ ಹೋಗುತ್ತಿದ್ದರು. ಈ ವೇಳೆ ತಾಯಿ ಮೊಬೈಲ್​ ನೋಡುತ್ತಾ, ಅದರಲ್ಲೇ ಮುಳುಗಿ ಹೋಗಿದ್ದರು. ತಾವು ಬಟನ್​ ಒತ್ತಿದ ಮಹಡಿಗೆ ಬಂದು ನಿಂತ ಲಿಫ್ಟ್​ ಆಟೋಮ್ಯಾಟಿಕ್​ ಆಗಿ ಬಾಗಿಲು ತೆರೆಯಿತು. ಈ ವೇಳೆ ಲಿಫ್ಟ್ ಬಾಗಿಲ ಮೇಲೆ ಕೈ ಇಟ್ಟಿದ್ದರಿಂದ ಲಿಫ್ಟ್​ ಜತೆಗೆ ಮಗುವಿನ ಕೈ ಸಿಕ್ಕಿಕೊಂಡಿತು.

ಈ ವೇಳೆ ತಾಯಿ ಕೆಲವು ಸೆಕೆಂಡುಗಳ ಕಾಲ ನರಕಯಾತನೆ ಅನುಭವಿಸಿದಳು. ಏನು ಮಾಡಬೇಕೆಂದು ತಿಳಿಯದೆ, ಅವಳು ಲಿಫ್ಟ್ ಸ್ವಿಚ್‌ಗಳನ್ನು ಪದೇಪದೆ ಒತ್ತಲು ಪ್ರಾರಂಭಿಸಿದಳು. ಕೆಲವು ಕ್ಷಣಗಳ ನಂತರ, ಬಾಗಿಲು ಮುಚ್ಚಲ್ಪಟ್ಟಿತು ಮತ್ತು ಮಗು ಸುರಕ್ಷಿತವಾಗಿ ಹೊರಬಂದಿತು. ಇದರಿಂದ ತಾಯಿ ನಿಟ್ಟುಸಿರು ಬಿಟ್ಟಳು.

ಈ ವಿಡಿಯೋ ಇದೀಗ ವೈರಲ್​ ಆಗಿದ್ದು, ಪಾಲಕರಿಗೆ ಎಚ್ಚರಿಕೆ ಗಂಟೆಯಾಗಿದೆ. ಪೋಷಕರೇ, ಮಕ್ಕಳೊಂದಿಗೆ ಲಿಫ್ಟ್‌ಗಳಲ್ಲಿ ಹೋಗುವಾಗ ಜಾಗರೂಕರಾಗಿರಿ. ಬಾಗಿಲ ತೆರೆಯುವ ಮತ್ತು ಮುಚ್ಚುವಾಗ ನಿಮ್ಮ ಮಕ್ಕಳನ್ನು ನೋಡಿಕೊಳ್ಳಿ. ಲಿಫ್ಟ್​ ಸುರಕ್ಷಿತವಾಗಿದೆಯೇ ಎಂದು ಎರಡೆರಡು ಬಾರಿ ಪರಿಶೀಲಿಸಿ, (ಏಜೆನ್ಸೀಸ್​).