ಯುನೆಸ್ಕೋ ವಿಶ್ವ ಪಾರಂಪರಿಕ ತಾಣಗಳ ಪಟ್ಟಿಗೆ ಸೇರಿದ ಐತಿಹಾಸಿಕ ಸ್ಮಾರಕ ಸಾರನಾಥ ಸ್ತಂಭ: ಹರ್ಷ ವ್ಯಕ್ತಡಿಸಿದ ಪ್ರಧಾನಿ ಮೋದಿ | Sarnath Pillar

ಲಖನೌ: ಗೌತಮ್ ಬುದ್ಧ ಮೊದಲು ಧರ್ಮೋಪದೇಶದ ಧರ್ಮಚಕ್ರ ಪ್ರವಾದನ ಆರಂಭಿಸಿದ ಮತ್ತು ಸಾಮ್ರಾಟ್ ಅಶೋಕ್ ಚಕ್ರವರ್ತಿ ನಿರ್ಮಿಸಿದ ಐತಿಹಾಸಿದ ಸ್ಮಾರಕ ಸಾರನಾಥ ಸ್ತಂಭವನ್ನು(Sarnath Pillar) ಯುನೆಸ್ಕೋ ಅಧಿಕೃತವಾಗಿ ಗುರುತಿಸಿದ್ದು, ತನ್ನ ವಿಶ್ವ ಪಾರಂಪರಿಕ ತಾಣಗಳ ಪಟ್ಟಿಯಲ್ಲಿ ಸ್ಥಾನ ನೀಡಿದೆ.

ದಕ್ಷಿಣ ಕೊರಿಯಾದ ಬುಸಾನ್‌ನಲ್ಲಿ ನಡೆದ ಯುನೆಸ್ಕೋ ವಿಶ್ವ ಪರಂಪರೆಯ ಸಮಿತಿಯ 48 ನೇ ಅಧಿವೇಶನದಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಬೌದ್ಧ ಧರ್ಮದ ಅತ್ಯಂತ ಪವಿತ್ರ ಸ್ಥಳಗಳಲ್ಲಿ ಸಾರಾನಾಥ ಸ್ತಂಭ ಕೂಡ ಒಂದಾಗಿದೆ. 

ಯುಪಿ ಪ್ರವಾಸೋದ್ಯಮ ಇಲಾಖೆಯ ಪ್ರಕಾರ, ಸಾರನಾಥ ಸ್ತಂಭವನ್ನು 1998 ಜುಲೈ 3ರಂದು ಯುನೆಸ್ಕೋ ತನ್ನ ತಾತ್ಕಾಲಿಕ ಪಟ್ಟಿಯಲ್ಲಿ ಸೇರಿಸಿಕೊಂಡಿತು. ಅದಾಗಿ 28 ವರ್ಷಗಳ ಬಳಿಕ ಅದನ್ನುಯ ಅಧಿಕೃತವಾಗಿ ವಿಶ್ವ ಪರಂಪರೆಯ ತಾಣವೆಂದು ಗುರುತಿಸಿದೆ.

ಇಲ್ಲಿಯವರೆಗೆ ಯುಪಿಯಲ್ಲಿರುವ ಮೂರು ವಿಶ್ವ ಪರಂಪರೆಯ ತಾಣಗಳನ್ನು ಗುರುತಿಸಲಾಗಿದೆ - ತಾಜ್ ಮಹಲ್, ಆಗ್ರಾ ಕೋಟೆ ಮತ್ತು ಆಗ್ರಾ ಪ್ರದೇಶದ ಫತೇಪುರ್ ಸಿಕ್ರಿ. ಇತ್ತೀಚೆಗೆ ಸಾರನಾಥ ಸೇರ್ಪಡೆಯೊಂದಿಗೆ, ಉತ್ತರ ಪ್ರದೇಶವು ಅಂತರರಾಷ್ಟ್ರೀಯ ಪ್ರವಾಸೋದ್ಯಮ ಮತ್ತು ಸಾಂಸ್ಕೃತಿಕ ಪರಂಪರೆಯ ನಕ್ಷೆಯಲ್ಲಿ ಸ್ಥಾನ ಪಡೆದಿದೆ. 

ಸಾರನಾಥ ಸ್ತಂಭ ವಿಶ್ವಪಾರಂಪರಿಕ ಪಟ್ಟಿಗೆ ಸೇರ್ಪಡೆಯಾದ ಬೆನ್ನಲ್ಲೇ ಸಂತೋಷ ವ್ಯಕ್ತಪಡಿಸಿರುವ ಪ್ರಧಾನಿ ಮೋದಿ, ಸಾರನಾಥವು ಬುದ್ಧನೊಂದಿಗೆ ನಿಕಟ ಸಂಪರ್ಕವನ್ನು ಹೊಂದಿದೆ. ಅವರ ಕಾಲಾತೀತ ಜ್ಞಾನ, ಕರುಣೆ ಮತ್ತು ಸಾಮರಸ್ಯದ ಸಂದೇಶವು ಜಗತ್ತಿಗೆ ಸ್ಫೂರ್ತಿ ನೀಡುತ್ತದೆ. ಇದು ಪ್ರತಿಯೊಬ್ಬ ಭಾರತೀಯನಿಗೂ ಹೆಮ್ಮೆಯ ವಿಷಯ ಎಂದು Xನಲ್ಲಿ ಪೋಸ್ಟ್ ಮಾಡಿದ್ದಾರೆ (ಏಜೆನ್ಸೀಸ್).