ದೇಶ

ಬ್ರಿಟಿಷರು ಹೋದರು ಅವರ ಬುದ್ಧಿ ಹೋಗಿಲ್ಲ: 20 ನೇ ದಿನಕ್ಕೆ ಕಾಲಿಟ್ಟ ಸೋನಮ್​ ವಾಂಗ್​​ಚುಕ್​ ಉಪವಾಸ; ಕೇಂದ್ರ ಸರ್ಕಾರದ ವಿರುದ್ಧ ಮೆಹಬೂಬಾ ಮುಫ್ತಿ ಗರಂ! Mehbooba Mufti on Sonam Wangchuk

ಸೋನಮ್ ವಾಂಗ್‌ಚುಕ್ ಹೋರಾಟಕ್ಕೆ ಮೆಹಬೂಬಾ ಮುಫ್ತಿ ಬೆಂಬಲ
ಸೋನಮ್ ವಾಂಗ್‌ಚುಕ್ ಹೋರಾಟಕ್ಕೆ ಮೆಹಬೂಬಾ ಮುಫ್ತಿ ಬೆಂಬಲ
Published on: 

ಪ್ರಮುಖ ಮುಖ್ಯಾಂಶಗಳು

  • ದೆಹಲಿಯ ಜಂತರ್ ಮಂತರ್‌ನಲ್ಲಿ ಕಳೆದ 20 ದಿನಗಳಿಂದ ಉಪವಾಸ ಸತ್ಯಾಗ್ರಹ ನಡೆಸುತ್ತಿರುವ ಪರಿಸರವಾದಿ ಸೋನಮ್ ವಾಂಗ್‌ಚುಕ್
  • ನೀಟ್ ಪರೀಕ್ಷಾ ಅಕ್ರಮ ವಿರೋಧಿಸಿ ಉಪವಾಸ ಸತ್ಯಾಗ್ರಹ
  • ಸೋನಮ್ ವಾಂಗ್‌ಚುಕ್ ಹೋರಾಟಕ್ಕೆ ಮೆಹಬೂಬಾ ಮುಫ್ತಿ ಬೆಂಬಲ
  • ವಾಂಗ್‌ಚುಕ್ ಜೀವ ಉಳಿಸಲು ಅಗತ್ಯ ವೈದ್ಯಕೀಯ ಕ್ರಮ ಕೈಗೊಳ್ಳುವಂತೆ ದೆಹಲಿ ಹೈಕೋರ್ಟ್ ಸರ್ಕಾರಕ್ಕೆ ಆದೇಶ
ಜಮ್ಮು-ಕಾಶ್ಮೀರ: ನೀಟ್​ ಸೇರಿದಂತೆ ದೇಶದಲ್ಲಿ ನಡೆಯುತ್ತಿರುವ ಪರೀಕ್ಷಾ ಅಕ್ರಮಗಳನ್ನು ವಿರೋಧಿಸಿ ಪರಿಸರವಾದಿ ಸೋನಮ್​ ವಾಂಗ್​ಚುಕ್​ ದೆಹಲಿಯ ಜಂತರ್​ ಮಂತರ್​ನಲ್ಲಿ ಕಳೆದ 20 ದಿನಗಳಿಂದ ಉಪವಾಸ ಸತ್ಯಾಗ್ರಹವನ್ನು ನಡೆಸುತ್ತಿದ್ದಾರೆ.
ಈ ಹೋರಾಟಕ್ಕೆ ಈಗ ದೇಶಾದ್ಯಂತ ಬೆಂಬಲ ಹಾಗೂ ಅಷ್ಟೇ ಮಟ್ಟದ ವಿರೋಧವು ಕಂಡುಬರುತ್ತಿದೆ. ಈ ಸಂದರ್ಭದಲ್ಲಿ ಜಮ್ಮು-ಕಾಶ್ಮೀರ್ ಮಾಜಿ ಮುಖ್ಯಮಂತ್ರಿ ಮೆಹಬೂಬಾ ಮುಫ್ತಿ (Mehbooba Mufti on Sonam Wangchuk), ಸೋನಮ್​ ವಾಂಗ್​ಚುಕ್​ ಅವರ ಸತ್ಯಾಗ್ರಹಕ್ಕೆ ಬೆಂಬಲ ಸೂಚಿಸಿದ್ದಾರೆ.

ಬ್ರಿಟಿಷರು ಭಾರತ ಬಿಟ್ಟರೂ; ಮನಸ್ಥಿತೆ ಹಾಗೆಯೇ ಇದೆ!

ದೆಹಲಿಯಲ್ಲಿ ಕೇಂದ್ರ ಶಿಕ್ಷಣ ಸಚಿವ ಧಮೇಂದ್ರ ಪ್ರಧಾನ್​ ಅವರ ರಾಜೀನಾಮೆ ಆಗ್ರಹಿಸಿ ಉಪವಾಸ ಸತ್ಯಾಗ್ರಹ ನಡೆಸುತ್ತಿರುವ ಸೋನಮ್​ ವಾಂಗ್​ಚುಕ್​ ಇಂದು ತಮ್ಮ ಹೋರಾಟದ 20 ನೇ ದಿನಕ್ಕೆ ಕಾಲಿಟ್ಟಿದ್ದಾರೆ.
ಈಗ ಈ ಹೋರಾಟವನ್ನು ಬೆಂಬಲಿಸಿ ಮಾಜಿ ಸಿಎಂ ಮೆಹಬೂಬಾ ಮುಫ್ತಿ, ದೆಹಲಿಯಲ್ಲಿ ಸೋನಮ್​ ವಾಂಗ್​ಚುಕ್​ ಉಪವಾಸ ನಡೆಸುತ್ತಿದ್ದರೆ, ಕೇಂದ್ರ ಸರ್ಕಾರ ಇದಕ್ಕೆ ಕ್ಯಾರೆ ಎನ್ನುತ್ತಿಲ್ಲ, ಜೆನ್​​ ಝಿ ಗಳ ಸಲುವಾಗಿ ತಮ್ಮ ಪ್ರಾಣವನ್ನೇ ಪಣಕ್ಕಿಟ್ಟಿರುವ ವಾಂಗ್​ಚುಕ್​ ಅವರನ್ನು ನೋಡಿದರೆ ಸ್ವಾಂತತ್ರ್ಯ ಹೋರಾಟಗಾರರ ನೆನಪಾಗುತ್ತದೆ. ನಮ್ಮ ದೇಶದಿಂದ ಬ್ರಿಟಿಷರು ತೊಲಗಿರಬಹುದು ಆದರೆ ಅವರ ಮನಸ್ಥಿತಿ ಹಾಗೆಯೇ ಉಳಿದಿದೆ ಎಂದು ಕೇಂದ್ರ ಸರ್ಕಾರ ವಿರುದ್ಧ ಮುಫ್ತಿ ಗರಂ ಆಗಿದ್ದಾರೆ.

ವಾಂಗ್​ಚುಕ್​ ಸಾಯದಂತೆ ನೋಡಿಕೊಳ್ಳಿ!

ಸೋನಮ್​ ವಾಂಗ್​ಚುಕ್​ ಅವರ ಉಪವಾಸ 18 ನೇ ದಿನ ತಲುಪಿದ ಹಿನ್ನಲೆ, ಈ ಉಪವಾಸ ಸತ್ಯಾಗ್ರಹ ಹೀಗೆ ಮುಂದುವರಿದರೆ ಸೋನಮ್​ ವಾಂಗ್​ಚುಕ್​ ಸಾಯುತ್ತಾರೆಂದು, ಕೇಂದ್ರ ಸರ್ಕಾರ ಈ ಕುರಿತು ಏನಾದರೂ ಕ್ರಮ ತೆಗೆದುಕೊಳ್ಳಬೇಕೆಂದು ಕೋರಿ ದೆಹಲಿ ಹೈಕೋರ್ಟ್​ಗೆ ಅರ್ಜಿಯನ್ನು ಸಲ್ಲಿಸಲಾಗಿತ್ತು.
ಈ ಅರ್ಜಿ ವಿಚಾರಣೆ ನಡೆಸಿದ ದೆಹಲಿ ಹೈಕೋರ್ಟ್​, ಪ್ರತಿಯೊಬ್ಬ ಪ್ರಜೆಯ ಜೀವ ಅಮೂಲ್ಯವಾಗಿದ್ದು, ಸೋನಮ್​ ವಾಂಗ್​ಚುಕ್​ ಅವರ ಪ್ರಾಣವನ್ನು ಉಳಿಸಲು ಬೇಕಾದ ಎಲ್ಲಾ ವೈಧ್ಯಕೀಯ ಕ್ರಮಗಳನ್ನು ಸರ್ಕಾರ ಕೈಗೊಳ್ಳಬಹುದು ಎಂದು ನ್ಯಾಯಾಲಯ ಆದೇಶಿಸಿದೆ, (ಏಜನ್ಸೀಸ್​).
Vijayavani
DharmendraPradhan
kannadanews
mehboobamufti
sonamwangchuk
neetscam
jantarmantarprotest
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net