ಮಗನಿಗೆ ಕಾಪಿ ಮಾಡಲು ಬಿಡದ ಶಿಕ್ಷಕ: ಗುರುಗಳಿಗೆ ಗುನ್ನಾ ಕೊಟ್ಟ ಪೊಲೀಸ್​​ ಅಪ್ಪ; ಸೋಷಿಯಲ್​ ಮೀಡಿಯಾನಲ್ಲಿ ವಿಡಿಯೋ ವೈರಲ್​​! Viral Video

ಡೆಹರ್ರಾಡೂನ್​: ಪರೀಕ್ಷೆಯಲ್ಲಿ ನಕಲು ಮಾಡುತ್ತಾ ಸಿಕ್ಕಿಬಿದ್ದ ಮಗನಿಗೆ ಬುದ್ಧಿಮಾತು ಹೇಳುವ ಬದಲು ಕಾಲೇಜಿಗೆ ನುಗ್ಗಿ ಶಿಕ್ಷಕರ ಮೇಲೆ ಹಲ್ಲೆ ನಡೆಸಿದ ಆರೋಪದಲ್ಲಿ ಸಬ್​-ಇನ್ಸ್​ಪೆಕ್ಟರ್​ ಒಬ್ಬ ಅಮಾನತ್ತಾಗಿರುವ ಘಟನೆ ಉತ್ತರಾಖಂಡ್​ ರಾಜ್ಯದ ಡೆಹರ್ರಾಡೂನ್​ನಲ್ಲಿ ನಡೆದಿದೆ.

ಮಗನಿಗೆ ಪರೀಕ್ಷೆಯಲ್ಲಿ ನಕಲು ಮಾಡಲು ತಡೆದ ಶಿಕ್ಷಕನ ಮೇಲೆ ಪೊಲೀಸ್​ ಫಾಧರ್​ ದಾಳಿ ಮಾಡಿರುವ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್ (Viral Video)​ ಆಗುತ್ತಿದ್ದು, ನೆಟ್ಟಿಗರ ಆಕ್ರೋಶಕ್ಕೆ ಕಾರಣವಾಗಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿರುವ ವಿಡಿಯೋನಲ್ಲಿ, ನಕಲು ಮಾಡಿ ಸಿಕ್ಕಿಬಿದ್ದ ಮಗನ ಜೊತೆಗೆ ಬಂದ ಅಪ್ಪ ಹಾಗೂ ಇನ್ನೊಬ್ಬ ವ್ಯಕ್ತಿ, ಸ್ಟಾಫ್​ ರೂಮ್​ಗೆ ನುಗ್ಗಿ ಮಗ ತೋರಿಸಿದ ಶಿಕ್ಷಕನ ಮೇಲೆ ಮನಸೋ ಇಚ್ಛೇ ಧಳಿಸಿರುವ ವಿಡಿಯೋ ಸಿಸಿಟಿವಿ ಕ್ಯಾಮರಾನಲ್ಲಿ ಸೆರೆಯಾಗಿದೆ.

ಜೂನ್​ 4 ರಂದು ಪಿತ್ತುವಾಲಾದಲ್ಲಿರುವ ಸರ್ಕಾರಿ ಪಾಲಿಟೆಕ್ನಿಕ್ ಕಾಲೇಜಿನಲ್ಲಿ ಕೊನೆಯ ವರ್ಷದ ಲಿಖಿತ ಪರೀಕ್ಷೆ ನಡೆಯುತ್ತಿತ್ತು. ಅಂತಿಮ ವರ್ಷದ ಕಬೀರ್​ ಖಂಡವಾಲ್​ ಎಂಬ ವಿದ್ಯಾರ್ಥಿ ಅಕ್ಕ-ಪಕ್ಕದಲ್ಲಿದ್ದ ಇತರ ವಿದ್ಯಾರ್ಥಿಗಳ ಉತ್ತರ ಪತ್ರಿಕೆಯನ್ನು ನಕಲು ಮಾಡಿ ಬರೆಯುತ್ತಿದ್ದ.

ಇದನ್ನು ಗಮನಿಸಿದ ಶಿಕ್ಷಕರು ಮೊದಲು ಹುಡುಗನಿಗೆ ಎಚ್ಚರಿಕೆ ನೀಡಿದ್ದಾರೆ. ನಂತರ ನಕಲು ಮಾಡದಂತೆ ತಡೆದಿದ್ದಾರೆ. ಆಗ ಈ ವಿದ್ಯಾರ್ಥಿ, ನನ್ನಪ್ಪ ಪೊಲೀಸ್​ ಅಧಿಕಾರಿ ಇದ್ದಾರೆ, ನನಗೆ ನಕಲು ಮಾಡಲು ಬಿಡಿ ಇಲ್ಲದಿದ್ದರೆ ಪರಿಸ್ಥಿತಿ ಸರಿಯಿರಲ್ಲ ಎಂದು ಧಮಕಿ ಹಾಕಿದ್ದಾನೆ. ಆದರೆ ಇದಕ್ಕೆ ಜಗ್ಗದ ಶಿಕ್ಷಕರು ನಕಲು ಮಾಡಲು ಅವಕಾಶ ನೀಡಿಲ್ಲ.

ಮಾರನೇ ದಿನ ವಿದ್ಯಾರ್ಥಿ ತನ್ನ ಅಪ್ಪನನ್ನು ಕಾಲೇಜಿಗೆ ಕರೆತಂದು ಶಿಕ್ಷಕರ ಮೇಲೆ ಹಲ್ಲೆ, ವಿದ್ಯಾಸಂಸ್ಥೆಯ ಉಪಕರಣಗಳನ್ನು ನಾಶ ಪಡಿಸಿದ್ದಾನೆ. ನಂತರ ಈ ಕುರಿತು ಪೊಲೀಸರಲ್ಲಿ ದೂರು ದಾಖಲಾಗಿದ್ದು, ಸಬ್​ ಇನ್ಸ್​ಪರಕ್ಟರ್​​ನನ್ನು ಅಮಾನತ್​ ಮಾಡಲಾಗಿದೆ ಹಾಗೂ ಪ್ರಕರಣದ ವಿಚಾರಣೆ ನಡೆಯುತ್ತಿದ್ದು, ಕಠಿಣ ಕ್ರಮ ಕೈಗೊಳ್ಳುದಾಗಿ ಪೊಲೀಸರು ತಿಳಿಸಿದ್ದಾರೆ.

ಈ ವಿಡಿಯೋ ವೈರಲ್​ ಆಗುತ್ತಿದ್ದಂತೆ ನೆಟ್ಟಿಗರ ಕೋಪದ ಕಟ್ಟೆ ಒಡೆದು ಹೋಗಿದೆ. ಮಗನಿಗೆ ಕಾಪಿ ಮಾಡಲು ಕೊಡಲಿಲ್ಲ ಎಂದು ಶಿಕ್ಷಕರ ಮೇಲೆ ಕೈ ಮಾಡಿದ ಈ ಪೊಲೀಸ್​ಗೆ ಜೈಲಿಗೆ ಹಾಕಿ ಎಂದು ಬಳಕೆದಾರರೊಬ್ಬರು ಕಮೆಂಟ್ ಮಾಡಿದ್ದಾರೆ.

ಇಂತಹ ಅಪ್ಪಿಂದರ ದೆಸೆಯಿಂದಲೇ ಮಕ್ಕಳು ಹಾದಿ ತಪ್ಪುವುದೆಂದು ಇನ್ನೊಬ್ಬರು ಬರೆದುಕೊಂಡಿದ್ದಾರೆ. ಪೊಲೀಸ್ ಅಧಿಕಾರಿ ಮಗನಿಗೆ ಉತ್ತಮ ಸಂಸ್ಕಾರ ಕೊಡಲಾಗದಿದ್ದವನು ಸಮಾಜಕ್ಕೆ ಏನು ಕೊಟ್ಟಾನು ಎಂದು ಮತ್ತೊಬ್ಬರು ಮಾರ್ಮಿಕವಾಗಿ ಹೇಳಿದ್ದಾರೆ, (ಏಜನ್ಸೀಸ್​).