ಗುರುದ್ವಾರಾದಲ್ಲಿ ಸುಖ್ಬೀರ್ ಬಾದಲ್ ಮೇಲೆ ದಾಳಿ: ಮಾಜಿ ಉಪ ಮುಖ್ಯಮಂತ್ರಿ ಗೆ ಕೃಪಾಣ್​ ಇರಿತ; ಆಸ್ಪತ್ರೆ ಸೇರಿದ ಅಕಾಲಿ ನಾಯಕ! Sukhbir Badal Gurdwara Attack

ಮುಂಬೈ: ಪಂಜಾಬ್​ನ ಮಾಜಿ ಉಪ ಮುಖ್ಯಮಂತ್ರಿ ಹಾಗೂ ಶಿರೋಮಣಿ ಅಕಾಲಿ ದಳದ ನಾಯಕ ಸುಖ್ಬೀರ್ ಸಿಂಗ್ ಬಾದಲ್ (Sukhbir Badal Gurdwara Attack) ಮೇಲೆ ಮಹಾರಾಷ್ಟ್ರದ ಗುರುದ್ವಾರಾದಲ್ಲಿ ಮಾರಣಾಂತಿಕ ದಾಳಿ ನಡೆದಿದೆ ಎಂದು ವರದಿಯಾಗಿದೆ.

ಗುರುವಾರ (ಆ.13) ನಾಂದೇಡ್​ನಲ್ಲಿರುವ ಗುರುದ್ವಾರ ಮಾತಾ ಸಾಹಿಬ್ ಕೌರ್​ಗೆ ಬೇಟಿ ನೀಡಿದ್ದ ಸಂದರ್ಭದಲ್ಲಿ ನಿಹಾಂಗ್​ ಸಿಖ್​​ವೊರ್ವ ಬಾದಲ್ ಮೇಲೆ ಕೃಪಾಣ್​ ಮೂಲಕ ದಾಳಿ ನಡೆಸಿದ್ದಾನೆ ಎಂದು ಹೇಳಲಾಗುತ್ತಿದೆ.

ಈ ವೇಳೆ ಸುಖ್ಬೀರ್ ಸಿಂಗ್ ಬಾದಲ್ ಅವರ ಕೈಗೆ ಗಾಯವಾಗಿದ್ದು, ಅವರ ಅಂಗರಕ್ಷಕ ಕೂಡ ಗಂಭೀರವಾಗಿ ಗಾಯಗೊಂಡಿದ್ದಾನೆ. ಸದ್ಯ ಬಾದಲ್​ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಚಿಕಿತ್ಸೆ ಮುಂದುವರಿದಿದೆ ಎಂದು ತಿಳಿದು ಬುಂದಿದೆ.

ಗುರುದ್ವಾರಾದಲ್ಲಿ ಆರಂಭವಾದ ಮಾತಿನ ಚಕಮಕಿ ಈ ಘಟನೆಗೆ ಕಾರಣ ಎಂದು ಹೇಳಲಾಗುತ್ತಿದೆ. ಆದರೆ ನಿರ್ದಿಷ್ಟ ಕಾರಣವೇನು ಎನ್ನುವುದು ತನಿಖೆ ನಂತರ ಹೊರ ಬೀಳಲಿದೆ.

ಪ್ರಧಾನಿ ಬೇಟಿ ನಂತರ, ಬಾದಲ್ ಮೇಲೆ ಈ ದಾಳಿ ನಡೆದಿರುವುದು ಪಂಜಾಬ್​ನಲ್ಲಿ ಈಗಲೂ ರಾಷ್ಟ್ರೀಯ ಪಕ್ಷಗಳ ಮೇಲಿನ ಸೇಡು ಕಡಿಮೆಯಾಗಿಲ್ಲ ಎನ್ನುವುದಕ್ಕೆ ನಿದರ್ಶನ ಎಂದು ಕೆಲ ರಾಜಕೀಯ ವಿಶ್ಲೇಷಕರು ಅಭಿಪ್ರಾಯ ವ್ಯಕ್ತ ಪಡಿಸುತ್ತಿದ್ದಾರೆ.

ಅಕಾಲಿ ದಳದ ನಾಯಕ ಸುಖ್ಬೀರ್ ಸಿಂಗ್ ಬಾದಲ್, ಮೇಲೆ ಇಂದು ಗುರುದ್ವಾರಾದಲ್ಲಿ ನಡೆದಿರುವುದು ಎರಡನೇ ದಾಳಿ ಎಂದು ಹೇಳಲಾಗುತ್ತಿದೆ. ಇದಕ್ಕೂ ಮೊದಲು 2024 ರಲ್ಲಿ ಪಂಜಾಬ್​ನ ಸ್ವರ್ಣ ಮಂದಿರದಲ್ಲಿ ಬಾದಲ್​ ಮೇಲೆ ಅಕಾಲ್ ತಖ್ತ್​​ನ ವ್ಯಕ್ತಿಯೊಬ್ಬ ದಾಳಿ ನಡೆಸಿದ್ದ. ಗುರ್ಮಿತ್​ ರಾಮ್​ ರಹೀಮ್​ನ ಪರವಾಗಿ ಬಾದಲ್​ ಮಾತನಾಡಿದ್ದ ಕಾರಣ ಈ ದಾಳಿಯನ್ನು ನಡೆಸಲಾಗಿತ್ತು. ಅದೃಷ್ಟವಷಾತ್​ ಬಾದಲ್​ ಈ ದಾಳಿಯಿಂದ ಪರಾರಿಯಾಗಿದ್ದರು, (ಏಜನ್ಸೀಸ್​).