ಜಾರ್ಖಂಡ್​​ ಹೋರಾಟಕ್ಕೆ ಸರ್ಕಾರ ಬ್ರೇಕ್​: 600 ಪ್ರತಿಭಟನಾಕಾರರ ಮೇಲೆ ಎಫ್​ಐಆರ್​ ದಾಖಲು! Jharkhand Protest FIR

ರಾಂಚಿ: ರಾಜ್ಯದಲ್ಲಿ ನಡೆಯುತ್ತಿರುವ ಪರೀಕ್ಷಾ ಅಕ್ರಮವನ್ನು ವಿರೋಧಿಸಿ ಕಳೆದ 20 ದಿನಗಳಿಂದ ಜಾರ್ಖಂಡ್ ವಿದ್ಯಾರ್ಥಿಗಳು ಪ್ರತಿಭಟನೆ ನಡೆಸುತ್ತಿದ್ದಾರೆ.

ಸೋಮವಾರ (ಆ.10) ಈ ಪ್ರತಿಭಟನೆ ತೀವ್ರರೂಪ ಪಡೆದುಕೊಂಡ ಪರಿಣಾಮ ಪ್ರತಿಭಟನಾಕಾರರು ವಿಧಾನಸಭೆ ಮುತ್ತಿಗೆಗೆ ಯತ್ನಿಸಿದ್ದರು. ಇದನ್ನು ತಡೆಯಲು ಅಂದು ರಾಜ್ಯ ಪೊಲೀಸರು ವಿದ್ಯಾರ್ಥಿಗಳ ಮೇಲೆ ಲಾಠಿ ಚಾರ್ಜ್​, ಅಶ್ರುವಾಯು ಹಾಗೂ ಜಲ ಫಿರಂಗಿಯನ್ನು ಪ್ರಯೋಗಿಸಿದ್ದರು.

ಇಂದು (ಗುರುವಾರ, ಆ.13) ಜಾರ್ಖಂಡ್​ ಸರ್ಕಾರ ಪ್ರತಿಭಟನೆಯನ್ನು ಹತ್ತಿಕ್ಕಲು ಮುಂದಾಗಿದ್ದು, ವಿಧಾನ ಸಭೆ ಮುತ್ತಿಗೆಯಲ್ಲಿ ಪಾಲ್ಗೊಂಡಿದ್ದ ಸುಮಾರು 600 ಪ್ರತಿಭಟನಾಕಾರರ ಮೇಲೆ ಎಫ್​.ಐ.ಆರ್ (Jharkhand Protest FIR)​ ದಾಖಲಿಸಲಾಗಿದೆ ಎಂದು ತಿಳಿದು ಬಂದಿದೆ.

ಸೋಮವಾರ ನಡೆದ ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದ ಸುಮಾರು 600 ಜನರ ಮೇಲೆ ಪ್ರಕರಣ ದಾಖಲಾಗಿದ್ದು, ಇವರಲ್ಲಿ ಕೇವಲ 100 ಜನ ಮಾತ್ರ ವಿದ್ಯಾರ್ಥಿಗಳಾಗಿದ್ದಾರೆ. ಬಾಕಿ 500 ಜನ ಹೊರಗಿನವರಾಗಿದ್ದಾರೆಂದು ತಿಳಿದು ಬಂದಿದೆ. ಸರ್ಕಾರದ ಈ ನೀತಿಯಿಂದ ಪ್ರತಿಭಟಕಾರರು ಆಕ್ರೋಶಗೊಂಡಿದ್ದು, ಇದು ನಮ್ಮ ಹೋರಾಟವನ್ನು ಹತ್ತಿಕ್ಕುವ ಪ್ರಯತ್ನವಾಗಿದೆ ಎಂದು ಹೇಳಿದ್ದಾರೆ.

ಕಳೆದ 20 ದಿನಗಳಿಂದ ಹೋರಾಟ ನಡೆಸುತ್ತಿರುವ ವಿದ್ಯಾರ್ಥಿಗಳು, ಜೆಪಿಎಸ್​ಸಿ ಹಾಗೂ ಜೆಎಸ್​ಎಸ್​ಸಿ ಸಂಸ್ಥೆಗಳನ್ನು ರದ್ದು ಪಡಿಸಬೇಕು. ಈ ಪರೀಕ್ಷಾ ಪ್ರಾಧಿಕಾರಗಳು ನಡೆಸಿರುವ ಪರೀಕ್ಷೆಗಳನ್ನು ಮತ್ತೊಮ್ಮೆ ನಡೆಸಬೇಕು. ಅಂತಯೇ ಈ ಕುರಿತು ಸಿಬಿಐ ನಿಂದ ತನಿಖೆ ಆಗಬೇಕು ಎನ್ನುವುದು ವಿದ್ಯಾರ್ಥಿಗಳ ಬೇಡಿಕೆಯಾಗಿದೆ.

ಈ ಹೋರಾಟಕ್ಕೆ ಬೆಂಬಲ ಸೂಚಿಸಿರುವ ಬಿಜೆಪಿ ಹಾಗೂ ಅಖಿಲ ಭಾರತ ವಿದ್ಯಾರ್ಥಿ ಪರಿಷತ್​ 2024 ರ ಅಬಕಾರಿ ಕಾನ್ಸ್​ಟೆಬಲ್​ ಪರೀಕ್ಷೆಯಲ್ಲಿ ನಡೆದ ಅಕ್ರಮದಿಂದ ಸಾವನ್ನಪ್ಪಿದ್ದ 19 ವಿದ್ಯಾರ್ಥಿಗಳಿಯೆ ತಲಾ ಒಂದು ಕೋಟಿ ಪರಿಹಾರ ನೀಡಬೇಕೆಂದು ರಾಜ್ಯ ಸರ್ಕಾರಕ್ಕೆ ಮನವಿ ಮಾಡಿದೆ, (ಏಜನ್ಸೀಸ್​).