Ola, Uber ಮತ್ತು Rapido ಗೆ ಬಿಗ್ ಶಾಕ್! ರೈಡ್‌ಗೂ ಮುನ್ನ ‘ಟಿಪ್’ ಕೇಳಿದ್ರೆ ಕಠಿಣ ಕ್ರಮ; ಕೇಂದ್ರ ಸರ್ಕಾರ ಖಡಕ್​ ಎಚ್ಚರಿಕೆ! Cab Tips

ನವದೆಹಲಿ: ಓಲಾ, ಉಬರ್​ , ರ‍್ಯಾಪಿಡೋ ಸೇರಿದಂತೆ ಮೊದಲಾದ ಆನ್​​ಲೈನ್​​ ಸಾರಿಗೆ ವೇದಿಕೆಗಳಿಗೆ ಕೇಂದ್ರ ಸರ್ಕಾರ ಮತ್ತೊಮ್ಮೆ ಮುಗೂದಾರ ಹಾಕಲು ಮುಂದಾಗಿದ್ದು, ಈ ಬಾರಿ ಟಿಪ್​ (Cab Tips) ದಂದೆಗೆ ಬ್ರೇಕ್​ ಹಾಕಲಿದೆ.

ಯಾವುದೇ ಒಂದು ರೈಡ್​ ಪೂರ್ಣಗೊಳ್ಳುವ ಮೊದಲು ಪ್ರಯಾಣಿಕರಿಗೆ, ಪ್ರೀ ಬುಕ್ಕಿಂಗ್​ ಟಿಪ್ ನೀಡಲು ಅವಕಾಶ ಕೊಡಬಾರದು, ಹಾಗೂ ​ಅಗ್ರಿಗೇಟರ್ಸ್​​​ ಕಂಪನಿಗಳು ಪ್ರಯಾಣಿಕರಿಂದ ರೈಡ್​ಗೂ ಮುನ್ನವೆ ಟಿಪ್​ ಪಡೆಯುವು ಆಯ್ಕೆಯನ್ನು ನಿರ್ಭಂಧಿಸಬೇಕೆಂದು ಹೇಳಲಾಗಿದೆ. ​​ಇದು ಗ್ರಾಹಕ ಸಂರಕ್ಷಣಾ ಕಾಯ್ದೆ, 2019 ರ ಸ್ಪಷ್ಟ ಉಲ್ಲಂಘನೆಯಾಗಿದೆ ಎಂದು ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯ ಸೂಚಿಸಿದೆ.

ಈ ನೂತನ ನಿಯಮದ ಪ್ರಕಾರ, ರೈಡ್​ ಬುಕ್​ ಮಾಡುವ ಮೊದಲು, ಇನ್ನಷ್ಟು ಹಣವನ್ನು ಕೊಟ್ಟರೆ ಬೇಗ ಬುಕ್ಕಿಂಗ್​ ಆಗುತ್ತದೆ, ಟಿಪ್ ನೀಡಲು ಇಲ್ಲಿ ಕ್ಲಿಕ್​ ಮಾಡಿ, ಟಿಪ್​ ನೀಡಿದರೆ ಡ್ರೈವರ್​ ನಿಮ್ಮನ್ನು ಬೇಗ ತಲುಪಿಸುತ್ತಾನೆ, ನಿಮ್ಮ ರೈಡ್​​ ಸುಗಮವಾಗಿರಲಿದೆ. ಎಂಬೆಲ್ಲಾ ಸೂಚನೆಗಳನ್ನು ಈ ಕೂಡಲೇ ತೆರವುಗೊಳಿಸಬೇಕೆಂದು ಕೇಂದ್ರ ಖಡಕ್​ ಎಚ್ಚರಿಕೆ ನೀಡಿದೆ.

ಬೇಕಾದರೆ ರೈಡ್​ ಪೂರ್ಣಗೊಂಡ ನಂತರ, ಪ್ರಯಾಣಿಕ ಟಿಪ್​​ ನೀಡಲು ಅವಕಾಶ ಕೊಡಿ, ಆದರೆ ರೈಡ್​ ಆರಂಭಿಸಲು ಹೆಚ್ಚುವರಿ ಹಣ ಕೇಳುವಂತಿಲ್ಲ ಎಂದು ಕೇಂದ್ರ ಸರ್ಕಾರದ ಆದೇಶ ತಿಳಿಸಿದೆ.

ಹಾಗೆಯೇ ಟಿಪ್​ ಮೂಲಕ ಬಂದಿರುವ ಹಣವನ್ನು ಸಂಪೂರ್ಣವಾಗಿ ಆ ವಾಹನ ಚಾಲಕನಿಗೆ ಸಲ್ಲಬೇಕು. ಟಿಪ್​ ಹಣದಲ್ಲಿ ಸ್ವಲ್ಪ ಮೊತ್ತವನ್ನು ​ಅಗ್ರಿಗೇಟರ್ಸ್​ ಕಂಪನಿಗಳು ಪಡೆಯುವಂತಿಲ್ಲ ಎಂದು ಸ್ಪಷ್ಟವಾಗಿ ತಿಳಿಸಲಾಗಿದೆ. ಹಾಗೆಯೇ ಪ್ರಯಾಣಿಕರಿಂದ ಹಣವನ್ನು ಪೀಕುವ ಸಲುವಾಗಿ ಟಿಪ್​ ಆಯ್ಕೆಯನ್ನು ನೀಡಬಾರದು, ಜನರ ದಾರಿ ತಪ್ಪಿಸುವ ಪ್ರಕಟನೆ ಮಾಡಬಾರದೆಂದು ಅದೇಶದಲ್ಲಿ ತಿಳಿಸಲಾಗಿದೆ, (ಏಜನ್ಸೀಸ್​).