Bihar Exit Poll | ಮತಹಂಚಿಕೆಯಲ್ಲಿ ಕಾಂಗ್ರೆಸ್​ಗಿಂತ, ಜನ್​ ಸುರಾಜ್​ ಮುಂದು.? ಹೀಗಿದೆ ನೋಡಿ ಎಕ್ಸಿಟ್​ ಪೋಲ್ಸ್ ಭವಿಷ್ಯ !

ಬಹುಮತಕ್ಕೆ 122 ಸದಸ್ಯರ ಅವಶ್ಯಕತೆ ಇದ್ದು, ಬಿಜೆಪಿ ನೇತೃತ್ವದ ಮೈತ್ರಿಕೂಟ ಅದನ್ನು ಮೀರಿ ಹೆಚ್ಚು ಸ್ಥಾನಗಳಿಸಲಿದೆ, ಇತ್ತ ವಿರೋಧ ಪಕ್ಷ ಮಹಾಘಟಬಂಧನ್ 90 ಸ್ಥಾನಗಳನ್ನು ಮತ್ತು ಜನ ಸುರಾಜ್ ಪಕ್ಷವು ಕೇವಲ 1 ಸ್ಥಾನ ಗೆಲ್ಲುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಪೀಪಲ್ಸ್ ಪಲ್ಸ್ ಸಂಸ್ಥೆ ಎನ್‌ಡಿಎ 133-159, ಮಹಾಘಟಬಂಧನ್ 75-101 ಮತ್ತು ಪ್ರಶಾಂತ್ ಕಿಶೋರ್ ಅವರ ಜನ್ ಸುರಾಜ್ ಪಕ್ಷ 0-5 ಕ್ಷೇತ್ರಗಳಲ್ಲಿ ಗೆಲ್ಲಲಿದೆ ಎಂದು ಭವಿಷ್ಯ ನುಡಿದಿದ್ದು, ಮತ ಹಂಚಿಕೆಯಲ್ಲಿ ಎನ್‌ಡಿಎ 46.2% ಮತ್ತು ಮಹಾ ಮೈತ್ರಿಕೂಟ 37.9% ಪಡೆಯಲಿದೆ ಎಂದು ಅಂದಾಜಿಸಿದೆ.

ಪಕ್ಷಗಳ ಅನುಸಾರ ನೋಡುವುದಾದರೆ ಆರ್‌ಜೆಡಿ ಶೇ.23.3, ಬಿಜೆಪಿ ಶೇ.21.4, ಜೆಡಿಯು ಶೇ.17.6, ಜನ್ ಸುರಾಜ್ ಪಕ್ಷ ಶೇ.9.7 ಮತ್ತು ಕಾಂಗ್ರೆಸ್ ಶೇ.8.7 ರಷ್ಟು ಮತಗಳನ್ನು ಪಡೆಯಲಿದೆ ಎಂದು ಸಮೀಕ್ಷಾರರು ಅಂದಾಜಿಸಿದ್ದಾರೆ.

ಕಳೆದ 2020 ರ ವಿಧಾನಸಭಾ ಚುನಾವಣೆಯ ಮತ ಹಂಚಿಕೆಗೆ ಹೋಲಿಸಿದರೆ, ಆರ್‌ಜೆಡಿ ತನ್ನ 23.5% ಪಾಲಿನಿಂದ 0.2 ಶೇ ಮತಗಳನ್ನು ಕಳೆದುಕೊಂಡರೆ, ಇತ್ತ ಬಿಜೆಪಿ 1.6 ಶೇ ಹೆಚ್ಚು ಮತ ಪಡೆಯುವ ಮೂಲಕ ಅಂಕಗಳನ್ನು ಗಳಿಸಿ 19.8% ರಿಂದ 21.4 ಏರಿಕೆಯಾಗಿದೆ. ಜೆಡಿಯುನ ಮತ ಪ್ರಮಾಣವು ಈ ಬಾರಿ ಹೆಚ್ಚಾಗುವ ನಿರೀಕ್ಷೆ ಇದ್ದು, ಇದು ಎನ್‌ಡಿಎ ಗೆಲುವಿಗೆ ಕೊಡುಗೆ ನೀಡಲಿದೆ.

ಇಲ್ಲಿ ಗಮನಹರಿಸಬಹುದಾದದ ಕುತೂಹಲಕಾರಿ ಅಂಶವೆಂದರೆ, ಕಳೆದ ವರ್ಷ ಸ್ಥಾಪನೆಯಾಗಿರುವ ಜನ್ ಸುರಾಜ್ ಪಕ್ಷ, ಈ ಚುನಾವಣೆಯಲ್ಲಿ 9.7% ಮತ ಪ್ರಮಾಣ ಪಡೆಯುವ ಸಾಧ್ಯತೆ ಇದ್ದು, ಇದು ಶತಮಾನಗಳಷ್ಟು ಹಳೆದದಾದ ಕಾಂಗ್ರೆಸ್‌ಗಿಂತ ಒಂದು ಶೇಕಡಾವಾರು ಹೆಚ್ಚು ಎನ್ನಲಾಗಿದೆ. ಪ್ರಶಾಂತ್ ಕಿಶೋರ್​​ರ ಪಕ್ಷಕ್ಕೆ ಪೀಪಲ್ಸ್ ಪಲ್ಸ್ ಸಂಸ್ಥೆ ಗರಿಷ್ಠ ಐದು ಸ್ಥಾನಗಳನ್ನು ನೀಡಿದ್ದು, ಮತಗಳು, ಸ್ಥಾನಗಳಾಗಿ ಬದಲಾಗಿಲ್ಲ ಎನ್ನುವುದು ರಾಜಕೀಯ ವಿಶ್ಲೇಷಕರ ಅಭಿಪ್ರಾಯ(ಏಜೆನ್ಸೀಸ್​).